استفسار عن اسعار قطع غيار اوبل فيكترا 95

**azkalany** · 24-10-2014 07:51 PM

السلام عليكم ورحمة الله
عاوز اشتري اوبل فيكترا 95 لاني بحترمها فا كنت عاوز اعرف رأيكو في العربية وفيها مشاكل ولا كويسة واسعار قطع غيارها ايه وهل هي متوافرة ، او تنصحوني اشتري ايه في حدود سعر الاوبل 95

**ahmedkasem** · 24-10-2014 08:59 PM

عربية يسم الله ماشاء الله جميلة جدا وثابتة
قطع غيارها متوفرة بس غالية شوية
بس انا من وجهة نظري قطع غيارها مش غالية بالمقارنة بالعمر الافتراضي لقطعة الغيار
بمعني ان قطع غيارها الاصلية معمرة بالمفارنة بقطع غيار عربيات تانية قطعها رخيصة
بس حط تحت كلمة (الاصلية ) 100 خط
بالنسبة لمشاكلها
في منها موديلين : الاول 1600 cc مانول بس
وفي ال 2000cc ودي بينزل منها مانوال واتوماتيك
ال 2000 cc مشكلتها الازلية هي حساس الماف وده غالي ومش متوفر اوي و ساعات بتحتاج تغير معاه طقم الرشاشات وحساس الكولانت عشان العربية تتظبط

واهم حاجة لما تشتري العربية تكون حالتها كويسة جدا ومفيهاش مشاكل في الميكانيكا والكهربة

عشان الاوبل بالذات لو اشتريتها من حد مهمل فيها هتتعبك وتخليك تكرهها وتكره العربيات

**karkour33** · 24-10-2014 11:44 PM

المشاركة الأصلية كتبت بواسطة ahmedkasem

عربية يسم الله ماشاء الله جميلة جدا وثابتة
قطع غيارها متوفرة بس غالية شوية
بس انا من وجهة نظري قطع غيارها مش غالية بالمقارنة بالعمر الافتراضي لقطعة الغيار
بمعني ان قطع غيارها الاصلية معمرة بالمفارنة بقطع غيار عربيات تانية قطعها رخيصة
بس حط تحت كلمة (الاصلية ) 100 خط
بالنسبة لمشاكلها
في منها موديلين : الاول 1600 cc مانول بس
وفي ال 2000cc ودي بينزل منها مانوال واتوماتيك
ال 2000 cc مشكلتها الازلية هي حساس الماف وده غالي ومش متوفر اوي و ساعات بتحتاج تغير معاه طقم الرشاشات وحساس الكولانت عشان العربية تتظبط

واهم حاجة لما تشتري العربية تكون حالتها كويسة جدا ومفيهاش مشاكل في الميكانيكا والكهربة

عشان الاوبل بالذات لو اشتريتها من حد مهمل فيها هتتعبك وتخليك تكرهها وتكره العربيات

اؤيد كلام استاذ احمد جدا هي كانت اول عربية بالنسبالي كانت سليمة و زي الفل لحد ما اتباعت 2000 cc كاملة اوتوملتيك جبتها 2003 - 2004 مشكلتها ان حرارتها الطبيعية عالية جدا فوق 90 فلازم عينك دايما متابعة الحرارة و المية الخ بالنسبة لكراسيها احلي من الموديل اللي بعدها و اوسع المرايات سخيفة جدا و مش بتتني اي خبطة تلاقيها دلدلت او طارت جهز لحام حديد و كل انواع اللزق من دلوقتي و اقلم نفسك انك ممكن تمشي من غير مرايا خالص :D بس كانت عربية تحفة و صاجها ناشف (لاحظ السوكة اللي جنب الفانوس كدة كانت داخلة في ميكروباص) و فيها اوفردرايف و كيك داون و زرار سبور و اخر تقفيل الماني بالكامل

**azkalany** · 25-10-2014 12:01 PM

الف شكر علي الأهتمام والمعلومات القيمة
بس مش لاقي اي موضوع عن اسعار قطع غيارها
وبعدين اللي شيفه علي النت ان اسعار العربية مش ثابتة، يعني ناس بتتكلم في 35 او 37 وفي ناس بتتكلم فوق 40

**karkour33** · 25-10-2014 02:37 PM

انا اسف مقدرتش افيدك بعيد عنها بقالي سنين معرفش نظام القطع دلوقتي و اساسي اللي معاه حاجة نادرة سليمة بيطلب عالي مع اني (اشك) لان وقتها كان كله حالل فتيس او جايبة زيت من تحت و غلبت سنة و نص قبلها برفع في عربيات لكن ان شاء الله تتوفق في حاجة محترمة بسعر مناسب بص عالسيفيك 92 برضو عربيات محترمة لو سليمة و قطع غيارها متوفرة