الموضوع: سؤال بخصوص فئات الفلوانس

المشاركة الأصلية كتبت بواسطة yasser100

الفئه اللى ب 179 بتتباع تقريبا فى المعارض اوفر برايس 2000 او 3000 و فيها كل اللى انت محتاجه . ممكن تعتبرها برضه هاى ﻻين من غير الزينون .

النتشه دى ظهرت عند بعض الناس من حوالى 4 شهور و اختفت و همه كمان اختفوا هههههههه .

انا ما عنديش الموضوع ده . ممكن كان تظبيط كهربا او سوفت وير و خلص فى بعض العربيات و دى ما كانتش بسبب الفتيس لانه ببساطه الفتيس ما فيهوش تروس او نقلات

طب الحمد لله طمنتني وإن شاء الله هعمل test drive ولوتمام وارتحتلها هتكل علي الله وتسلم يا كبير

المشاركة الأصلية كتبت بواسطة mfraig

ههههههههه هو فعلا الناس اللي اشتكو من الموضوع ده اختفو في ظروف غامضه
بالنسبه للاخ beckhamomo كنت عاوز اوضحلك حاجه
فعلا فئة ال 179 انا بحسها تمام اوي فيها كل حاجه وكمان فتحة السقف والسينسور ودول انا ادفع فيهم ال 9000 الفرق بينها وبين الفئه اللي قبلها
لكن مادفعش 10000 عشان ايرباج زياده وزينون وكفايه اوي 2 ايرباج وربنا يحفظنا جميعا

بخصوص النتشه هو حاجه من اتنين
لو قصدك نتشة الغيار التاني فده مش موجوده في الموديلات الجديده بالفيتيس ال cvt لكن النتشه ده كانت موجوده في كل الرينو قبل كده
اما لو قصدك الرعشه اللي قالو انها بتظهر في سرعه 40 فده مش عند كل الناس وكلهم بيأكدو انها بسيطه جدا ومش زات اهميه وكمان اللي اشتكو منها اختفو خلاص ههههههه
وعموما ممكن تروح قسم الفولكس وتشوف عيوب الجيتا وبعدين تروح قسم السكودا وتشوف عيوب الاوكتافيا عشان تروح تجيب الفلوانس وانت مرتاح نفسيا

كلامك صح الفرق يستاهل الامكانيات الزيادة انما الاخيرة متستاهلشي الفرق وانا اقصد نتشة الفتيس بين الغيارات والحمد لله انت قولتلي انها اختفت والف شكر يا باشا

المشاركة الأصلية كتبت بواسطة abu reem

اخي الكريم انا قعدت سنة وزيادة ..افكر في أي السيارات افضل....لشراؤها....وفي النهاية اشتريت فلوانس فيس لفت 2015....فئة الهاي لاين... لم أرى فيها لا رجة ولا نتشه....سواء على سرعة 40 او غيرها..... السيارة عامة جيدة جدا...من حيث الأداء...ناعمة فعلا....والعفشة ممتازة مع المطبات ......فقط كان تعليقى الوحيد عليها....ان سحبها عادي يعني......وهذا ذكره الأعضاء جميعا.....واظن هذا مش عيب خاصة ان بلدنا.....لا ينفع فيها سحب ولا سرعات عالية..... استهلاك الوقود جيد.....وقوة الصدامات جيدة.. يعني بعد شراءها ياسبوعين ...فرملت فجأة لان أولاد كانوا بيلعبوا كرة...في الشارع وقفزن الكرة امام سيارتي...ففرملت بطريقة مفاجأة لتفادي الكرة......وفجأة سمعت صوت خبطة قوية من الخلف وكانت (فيسبا ) يسوقها واحد شكله صايع وخبطني في الصدام الخلفي...نتيجة لفرملتي المفاجأة...طبعت الدنيا اسودت في وشي...(لسه ما كملتش أسبوعين ) نزلت وقلبي بيدق..بصوت مسموع...ونظرت للخلف.... ولله الحمد والشكر لم اجد ..حتى خدش مكان هذه الصدمة...(ولا كأن شيء حصل ) ما شاء الله ولا قوة الا بالله اللهم لك الحمد ،،، يعني ..هذا يعتبر شيء جيد.....فلو الخبطة دي في سيارة ثانية..كانت نتيجتها ستكون سيئة ( انا جربت سيارات كتير ) وكانت خبطات اقل من كده بكتير بانزل الافي السيارة متبهدلة - عموما أيضا...سيارات البيجو 508 ، 3008 ـ و5008 أتوقع انها أيضا سيارات جيدة جدا...فقط الفرق سيكون في السعر الأعلى......واحيانا ...قد تكون المشكلة في ندرة هذه السيارات مثل 5008....اما هم كسيارات مع الرينو...فممتازين...... ولا ننسى أيضا الكورولا 2015....فهي أيضا سيارة جيدة ومشاكلها قليلة....ولكن فقط اعيب عليها السعر العالي المبالغ فيه للفئة الهاي لاين مع تحياتي

والله حضرتك راجل زوء ومتشكرين علي ردك الجميل انا مبحبش الجري اساسا والكورولا كله عمال يقنعني بيها وشوفتها اكتر من مرة وبحاول اقنع نفسي بيها الصراحة مش عارف مش مرتاحلها وانا مش هركب عربية مش عاجباني علشان السوق وكلام الناس الي ملهوش لازمة وانا مشدود للفلوانس اكتر بكتير هي والمازدا 3 وال 3008 طبعا بس سعرها عالي حبتين

المشاركة الأصلية كتبت بواسطة yasser100

لو عايز البيجو يبقا اشترى ال 508 . باقى موديلات البيجو انتشار ضعيف ما عدا ال 301 و دى فئه اقل من ده كله ﻻ اعتقد انك واضعها فى المقارنه . مع الاخذ فى الاعتبار توكيل بيجو فيه معاناه شديده فى التعامل .

ال 508 اعلي بكتير فانا انشاء الله يا مازدا 3 يا فلوانس هعمل test drive لل 2 والاحسن هجيبه انشاء الله