الموضوع: زيت الباور سترينج

المشاركة الأصلية كتبت بواسطة 0WAEL0

انا عندى شيرى a11 المشكلة ان عندى زيت الباور بيخلص بسرعة جدا شوفت ميكانيكى قال لى العيب من علبة الدركسيون وقال لى بتتصلح بس احتمال ترجع المشكلة تانى هل فعلا الكلام صحيح ولا ايه+ عايز اعرف احسن زيت ماتور وفرامل وباور للعربية دى وايه افضل مياه احطها ليها وشكرا

موضوع زيت البور بينقص ممكن يكون تسريب فى احد خرطيم البور او قربة البور و ايضا الاسكترا او كما يسميها البعض علبة الدريكسيون و لو كان العيب منها بعد الفحص للتأكد طبعا عشان لا تغير شئ و يطلع ليس هو السبب
إن كان العيب منها لا تصلحها فليس هذا حل عملى و الأفضل شرائها استيراد و لسه واحد صاحبى مشتريها من الحرفيين ب 350 جنيه و هى تقريبا بتاعة ابيزا 2001 بس خذ معك القديمة برضه
بالنسبة لنوع زيت البور فأضل نوع هو جنك الامريكى ( Junk ) و لونه ابيض و لو عايز الأحمر يبقى موبيل ATF 220 أو توتال أو شل
بالنسبة لزيت الموتور فهى اذواق بصراحه لكنى شخصيا افضل شل الاصفر 5000 كيلو و بغيره على 4000 الى 4500 بالكتير و بعده توتال 4000 أو 5000 على ما اتذكر
زيت الفرامل ممكن استاذ احمد يفيدك بنوع هو اشتراه و عجبه و انا عن نفسى بشترى بندكس فى علبه صاج و فيه لوكهيد انجليزى برضه فى علبة صاج و هو اميز بكتير طبعا
افضل مياه خضراء Abro امريكى فى علبة شكل الكانز ممكن تشترى علبتين و تزود مياه مفلترة أو مقطرة و ممكن تشترى مياة خضراء موبيل من البنزينة طبعا

المشاركة الأصلية كتبت بواسطة hmpaca

فى زيت ate المانى ممتاز علبة زرقة مربعة وملزوق فيها كتيب صغير ذى الكاتلوج بالعربى ولغات اخرى تمنه 45 جنية من عند بتوع قطع الغيار الالمانى فى التوفيقية وهو dot 4 وعلى فكرة الشركة الى بتعملة هى نفس الشركة الى عاملة abs فى العربيى الشيرى

ماهى دى اللى قصدى عليها مكتوب عليها sl والعلبة الزرقا والمانى وشكرا للأستاذ اسامة على التوضيح.