شكرا لكل من هاجمني و اهانني

اولا اعرفكم بنفسي انا صاحب مدونه اه يا افه
سبب اني عامل الموضوع ده اني من اسبوع كده دخلت المدونه لقيت ان الشهر اللي فات في 800 زياره و مصدرها موقعكم الكريم
دخلت لقيت احد اعضائكم عامل موضوع عن مدونتي
http://www.nilemotors.net/Nile/442874-a.html
لحد كده مفيش مشاكل
لكن اللي نفرذني كميه الهجوم اللي كانت عليا من ناس لا تعرفني و لا اعرفها
اللي يقولك ده حاقد و اللي يقولك ده معقد و اللي يقول بيمثل و عايز يعمل شهره و اللي يقولك ده فاشل و اللي يقولك بدل ما هو قاعد يكتب علي النت يقوم يغير حاله
شويه ناس مش عارف ايه دماغهم و بيحكموا بناء علي ايه
الصراحه اتضايقت جدا و قعدت متردد فتره اني اجي ارد عليهم و لا لأ
عموما لكل اللي هاجموني و منهم الاعضاء mmtronic qkash.com A_H_M_A_D
mcomics
احب اقولهم ربنا ما يكتب عليكم نفس الظروف و لا يكتبها علي عيالكم و ربنا يزيدكم من علمه في علم النفس و تحليل الشخصيات
انا لا قعدت 5 سنين بكتب البلوج و مبعملش غير كده و لا مدعي يا اخوتي الاعزاء
اشكركم علي كلامكم الرائع
و لكل الناس اللي تفهمت موقفي او اتعاطفت معايا و منهم الاعضاءمحمد عز hitman235 أحمد كمال
متشكر جدا كلامكم حسسني ان لسه في ناس بتحس بغيرها و بتفهم ظروفهم صح و مش بتحكم عليهم احكام متسرعه
قولت اللي في نفسي
سلام

معلش يمكن ما حدش حس بيك ....
ربنا معاك و يوفقك ان شاء الله

بص يا فندم انا الصراحه لم اقرأ الي معاليك كاتبه في البلوج
بس هو حضرتك كاتب البلوج ده لنفسك ولا للناس عشان تقراه
طبيعي ان اراء الناس هتختلف ناس هتكون معاك وناس هتكون ضدك وده طبيعي
طبعا كل ابي قرا البلوج وعلق مكنش ملم بكل جوانب الموضوع وحكم على قد ما فهم وانت شايف حكمو غلط عشان انت الي عايش الموضوع ويخصك
رأيي الشخصي محدش كان يقصد يهينك او يجرح فيك او يقلل منك كل اعضاء نايل موتوز بيحترم بعض وبيلتزمو بأداب الحوار
عموما متزعلش نفسك بس الكل كان بيقول رأيه بحسن نيه
واهلا بيك معانا في نايل موتورز

اقتباس:

---

المشاركة الأصلية كتبت بواسطة amr_8800

بص يا فندم انا الصراحه لم اقرأ الي معاليك كاتبه في البلوج
بس هو حضرتك كاتب البلوج ده لنفسك ولا للناس عشان تقراه
طبيعي ان اراء الناس هتختلف ناس هتكون معاك وناس هتكون ضدك وده طبيعي
طبعا كل ابي قرا البلوج وعلق مكنش ملم بكل جوانب الموضوع وحكم على قد ما فهم وانت شايف حكمو غلط عشان انت الي عايش الموضوع ويخصك
رأيي الشخصي محدش كان يقصد يهينك او يجرح فيك او يقلل منك كل اعضاء نايل موتوز بيحترم بعض وبيلتزمو بأداب الحوار
عموما متزعلش نفسك بس الكل كان بيقول رأيه بحسن نيه
واهلا بيك معانا في نايل موتورز

---

شكرا علي الترحيب
لكن حضرتك في ناس اتهمتني اني فاشل و اللي يقولك حاقد و مش عارف ايه
معتقدش دي ليها علاقه بفهم كلامي
انا مكتبتش علي نفسي اني فاشل و مش عارف اعمل حاجه لكن اللي كتبته اني الظروف منعتني من اني انفذ كل اللي بتمناه في حياتي
في ناس كتير الدنيا بالنسبه ليها كانت سهله او تعبت شويه صغيره فبالتالي مش بتتخيل المعانه اللي بيعانيها واحد زي
انا مكنتش طفل محروم و لا غلبان بالعكس انا كنت فوق المتوسط بكتير بس ده نتيجه ان والدي كان بيصرف كل فلوسه علينا اول بأول و لأنه مسافرش بره مصر فبالتالي بعد تخرجي مكنش معاه اللي يساعدني بيه علشان اجيب شقه و كده ده زائد اني دخت قرب ال 3 سنين علشان الاقي اول وظيفه ليا تخيل مهندس كل الوظايف اللي لاقاها في خلال 3 سنين شغل في سنترال من بتوع الاهالي او انه يقعد في مكتب يكتب علي الكمبيوتر و يتحاسب بالصفحه
هتقولي ازاي هقولك ده الواقع و دلوقت السي في بتاعك اصلا علشان يدخل شركه محتاج وسطه
و ده مش معناه انك هتتعين لكن مجرد دخوله محتاج وسطه
عموما للناس اللي شايفاني فاشل انا حضرتك حاليا عندي عربيه اه مش حاجه عاليه بس احسن من اللي معندهوش و عندي شقه معقوله و ده لواحد بدء من الصفر و محدش ساعده لا في العثور علي وظيفه و لا في مبلغ يجيب بيه حاجه لو بعد ده كله الناس بتعتبرني فاشل يبقي انا فخور بفشلي
سبب كتابتي علي البلوج هو نوع من الفضفضه و لو حد قرا كان بيها محدش قرا برضه كان بها
اشكرك علي ترحيبك الجميل بيا في نايل موتورز و علي اخلاقك الكريمه
اخوك الافه

اقتباس:

---

المشاركة الأصلية كتبت بواسطة اه يا افه

شكرا علي الترحيب
لكن حضرتك في ناس اتهمتني اني فاشل و اللي يقولك حاقد و مش عارف ايه
معتقدش دي ليها علاقه بفهم كلامي
انا مكتبتش علي نفسي اني فاشل و مش عارف اعمل حاجه لكن اللي كتبته اني الظروف منعتني من اني انفذ كل اللي بتمناه في حياتي
في ناس كتير الدنيا بالنسبه ليها كانت سهله او تعبت شويه صغيره فبالتالي مش بتتخيل المعانه اللي بيعانيها واحد زي
انا مكنتش طفل محروم و لا غلبان بالعكس انا كنت فوق المتوسط بكتير بس ده نتيجه ان والدي كان بيصرف كل فلوسه علينا اول بأول و لأنه مسافرش بره مصر فبالتالي بعد تخرجي مكنش معاه اللي يساعدني بيه علشان اجيب شقه و كده ده زائد اني دخت قرب ال 3 سنين علشان الاقي اول وظيفه ليا تخيل مهندس كل الوظايف اللي لاقاها في خلال 3 سنين شغل في سنترال من بتوع الاهالي او انه يقعد في مكتب يكتب علي الكمبيوتر و يتحاسب بالصفحه
هتقولي ازاي هقولك ده الواقع و دلوقت السي في بتاعك اصلا علشان يدخل شركه محتاج وسطه
و ده مش معناه انك هتتعين لكن مجرد دخوله محتاج وسطه
عموما للناس اللي شايفاني فاشل انا حضرتك حاليا عندي عربيه اه مش حاجه عاليه بس احسن من اللي معندهوش و عندي شقه معقوله و ده لواحد بدء من الصفر و محدش ساعده لا في العثور علي وظيفه و لا في مبلغ يجيب بيه حاجه لو بعد ده كله الناس بتعتبرني فاشل يبقي انا فخور بفشلي
سبب كتابتي علي البلوج هو نوع من الفضفضه و لو حد قرا كان بيها محدش قرا برضه كان بها
اشكرك علي ترحيبك الجميل بيا في نايل موتورز و علي اخلاقك الكريمه
اخوك الافه

---

انا مقدر شغورك جدا يا فندم
وربنا يوفقك في حياتك ويزيدها استقرار
والله مفيش حد مرتاح ولو فاكر ان الفلوس بتريح تبقا غلطان كل ما الفلوس بتزيد المسؤوليات بتزيد و الضغوط بتزيد
وكويس انك معاك عربيه هتستفيد كتير من نايل موتورز في الموضوع ده
واهلا بيك مره ثانيه

السلام عليكم
أنا قرأت موضوع (بلوج غريب حبيت اشاركه معاكم) ودخلت بعديها على المدونة وقرأت فيها وبصراحة اتعاطفت معاك جدا جدا ربنا يقويك على اللي شفته في حياتك ونفسي اليأس اللي عندك يروح علشان تعرف تعيش وتتقدم في حياتك وعلى العموم لو كانت الدنيا وحشة معاك فربك حيعوضك في الآخرة.يا ريت كنت أقدر اعمل حاجة اخفف عليك

انا قرأت موضوعك صدفة ومتفهم موقفك والمريت بية وصدقنى مش لوحدك فى كتير من الشباب فى مصر عايش بمستوى اقل وفى الاتحرم من حواسة و الاتولد مشلول وغيرة وانت اكيد شايف وعارف طب دول يعملو اية انا عاوز بس عاوز اقولك كلنا كشباب بتواجهنا نفس الصعاب انت اكيد قابلتها بدرى عننا امال تقول اية على الشباب خريج 2013 و 2014 فى الظروف الجميلة الحوالينا المقفولة من كل حتة والشغل المتاح الوحيد كول سنتر مفيش اكتنر منة وحتى شوف اسعار الشقق دلوقتى مين معاة اقل حاجة 200.000 دة غير الشروط الحصول على الشقة لذا فى كتير بقى بيرضى بالقانون الجديد

ياريت تحاول تصلى وتدعى لربنا وتقول يارب هل انت فكرت فى ربنا خلال السنين الفاتت ووقت كتابتك للمدونات هل حاولت تتقرب اكتر لربنا بقراة القرأن ولا كنت مخنوق وملكش نفس تقرأ وبتصوم علشان دة رمضان وبس وبتصلى علشان تخلص مش بتصلى بخشوع وتتقرب الى الله انا بقولك كدة مش حعمل فيها بنصح لاء انا بسالك عادى لانى الياس والضعف والخوف بيصيبو الانسان البيدور على الدنيا مش بيعمل لاخرتة كان اخرتة هى دنيتة

من نسي الله تعالى انساه نفسه في الدنيا ونسيه في العذاب يوم القيامة قال تعالى ) ومن أعرض عن ذكري فإن له معيشة ضنكا ونحشره يوم القيامة أعمى قال رب لم حشرتني أعمى وقد كنت بصيرا قال كذلك أتتك آياتنا فنسيتها وكذلك اليوم تنسى ( أي تنسى في العذاب كما نسيت اياتي فلم تذكرها ولم تعمل بها واعراضه عن ذكره يتناول اعراضه عن الذكر الذي انزله وهو ان يذكر الذي انزله في كتابه وهو المراد بتناول اعراضه عن ان يذكر ربه بكتابه واسمائه وصفاته واوامره والائه ونعمه فان هذه كلها توابع اعراضه

خد بالك انا سمعت خطبة ان البلاء بينزل على الانسان وبيقول لية انا بالذات وبيستغرب وبيشتكى الحوالية من اهل او اقارب او اصحاب بس صدقنى المفروض الانسان يلوم نفسة لان اى ابتلاء من عند الله اختبار والابتلاء بينزل على الانسان لوحدة فى حالة البيعملة فى السر ولو البيعملة دة فى العلن والحوالية شايفين وعارفين بس بيطنشو بيصيبهم معاة نفس الابتلاء - ومتنساش لا يغير الله بقوم حتى يغيروا ما بأنفسهم

انا بقولك نصيحة حاول انت جربت وتعبت فى كل حاجة حواليك وكانت الدنيا مليانة هم ومشاكل وصعاب حاول فى الموضوع دة وادعى ربنا يرزقك بالزوجة الصالحة والاطفال الصالحين وصدقنى حتى الزواج رزق من عند الله فكلة بميعاد ربنا يعافيك ويكشف عنك الهم والكرب بأذن الله

ربنا يعينك و يهديك و يوفقك لما يحب و يرضى و تذكر حديث النبي صلى الله عليه و سلم:


يقول - صلى الله عليه وسلم - في الحديث الذي يرويه عنه أنس بن مالك - رضي الله عنه - : (إِنَّ عِظَمَ الْجَزَاءِ مَعَ عِظَمِ الْبَلاءِ، وإِنَّ اللَّهَ عَزَّ وَجَلَّ إِذَا أَحَبَّ قَوْمًا ابْتَلاهُمْ، فمَنْ رَضِيَ فَلَهُ الرِّضَا، وَمَنْ سَخِطَ فَلَهُ السَّخَطُ) رواه الترمذي وحسنه.

ساعات كتير لما كان يبقى عندى مشكلة كنت بدخل فى حالة اكتئاب واقول برده اشمعنا انا ما غيرى كويس والدنيا معاه زى الفل لكن لما كنت برجع لربنا كنت بحس انى راضى بقضاء الله
صلح علاقتك بربنا وانت هتلاقيه بيفرجها عليك من حيث لا تعلم

انا قريت البلوج وعجبني كلامك بس ايه الاحباط المزمن اللي انت معيش نفسك فيه !
الحقيقة انت معذب نفسك بأيديك وواضح انك شخص انطوائي وغير اجتماعي ومش عارف انت عامل مناحة ليه ع الجواز
هو الجواز دا اخر الدنيا عشان تحطة معيار وتقيم نفسك بيه وتفكر فيه ليل نهار ! هو يعني 10 رفضوك يبقي انت متستاهلش تعيش في الحياة خلاص
الجواز نصيب واهتم بشكلك ومظهرك وفكر في حياتك .. هتقابل بنت الحلال اللي هتلاقيها في وشك وتتجوز وتخلف
انت بالمنظر دا هيعدي عليك مش ال 32 ولا ال 33 لا ال 40 وال 41 و 43 كمان وانت لسه بتندب حظك.. الحق نفسك انت لسه في الثلاثينات ودا سن مش كبير ولا نيلة واقسم بالله اانا بشوف شباب ثلاثينات افتكرهم حاجة وعشرين ! رغم انهم شايفين الغلب بس بيعرفوا يرموا ورا ضهرهم ويضحكوا مش منكدين علي نفسهم وقافلين بابهم عليهم وعايز كل شىء في الحياة يتحقق
اخرج من الدائرة اللي انت فيها دي احسن ماتموت قبل الحاج والحاجة من الحسرة والقهر !

انا قريت البلوج بتاعك ومتضامن معاك وكل يوم بفتح اشوف نزلت حاجه جديدة ولا لسة كدة وصدقنى فى شباب كتير زيك كدة انت بس صلى وادعلى ربنا يرزقك ببنت الحلال اللى تسعدك وتعوضك عن سنوات الضايع اللى فاتت وحبقى اطمن عليك من المدونة :)

متزعلش نفسك يا باشا و كلنا اخوات في المنتدي

طيب مانت زي الفل اهو وعندك شقة وعربية...! احمد ربنا في ناس ظروفهم اسوء بكتير "وتفائل وربنا اكيد هيعوضك عن صبرك كل السنين دي"

ربنا يزيدك ويوفقك ويرزقك من حيث لا تحتسب

ومتزعلش اذا كان انطباعي وردي في الموضوع الخاص بمدونتك معجبكش

اقتباس:

---

المشاركة الأصلية كتبت بواسطة amr_8800

انا مقدر شغورك جدا يا فندم
وربنا يوفقك في حياتك ويزيدها استقرار
والله مفيش حد مرتاح ولو فاكر ان الفلوس بتريح تبقا غلطان كل ما الفلوس بتزيد المسؤوليات بتزيد و الضغوط بتزيد
وكويس انك معاك عربيه هتستفيد كتير من نايل موتورز في الموضوع ده
واهلا بيك مره ثانيه

---

متشكر لرد حضرتك جدا و علي فكره الموضوع مش فلوس خالص و بس هو تفريغ لأفكار كانت في بتبقي في دماغ الواحد في موقف معين و في في لحظات معينه و من افضل الطرق لما تبقي مضغظط نفسيا انك تكتب اللي حاسس بيه بياعد انه يعملك relief و يحسن حالتك
و بالنسبه لعضويتي في المنتدي انا يشرفني اني اتعامل مع واحد زي حضرتك

اقتباس:

---

المشاركة الأصلية كتبت بواسطة fares_311

السلام عليكم
أنا قرأت موضوع (بلوج غريب حبيت اشاركه معاكم) ودخلت بعديها على المدونة وقرأت فيها وبصراحة اتعاطفت معاك جدا جدا ربنا يقويك على اللي شفته في حياتك ونفسي اليأس اللي عندك يروح علشان تعرف تعيش وتتقدم في حياتك وعلى العموم لو كانت الدنيا وحشة معاك فربك حيعوضك في الآخرة.يا ريت كنت أقدر اعمل حاجة اخفف عليك

---

ربنا يخيلك يا باشا و تعاطفك انا مقدره و علي راسي عامه انا ظروفي مكنتش نيله خالص و لو كنت حضرتك لاحظت كنت هتلاقي اني مقارنه بمن حولي ظروقي وحشه لكن طبعا في ناس ظروفها اسوء بكتير و الواحد بيحمد ربنا علي كل حال

اقتباس:

---

المشاركة الأصلية كتبت بواسطة Mohamed.Ramah

انا قرأت موضوعك صدفة ومتفهم موقفك والمريت بية وصدقنى مش لوحدك فى كتير من الشباب فى مصر عايش بمستوى اقل وفى الاتحرم من حواسة و الاتولد مشلول وغيرة وانت اكيد شايف وعارف طب دول يعملو اية انا عاوز بس عاوز اقولك كلنا كشباب بتواجهنا نفس الصعاب انت اكيد قابلتها بدرى عننا امال تقول اية على الشباب خريج 2013 و 2014 فى الظروف الجميلة الحوالينا المقفولة من كل حتة والشغل المتاح الوحيد كول سنتر مفيش اكتنر منة وحتى شوف اسعار الشقق دلوقتى مين معاة اقل حاجة 200.000 دة غير الشروط الحصول على الشقة لذا فى كتير بقى بيرضى بالقانون الجديد

ياريت تحاول تصلى وتدعى لربنا وتقول يارب هل انت فكرت فى ربنا خلال السنين الفاتت ووقت كتابتك للمدونات هل حاولت تتقرب اكتر لربنا بقراة القرأن ولا كنت مخنوق وملكش نفس تقرأ وبتصوم علشان دة رمضان وبس وبتصلى علشان تخلص مش بتصلى بخشوع وتتقرب الى الله انا بقولك كدة مش حعمل فيها بنصح لاء انا بسالك عادى لانى الياس والضعف والخوف بيصيبو الانسان البيدور على الدنيا مش بيعمل لاخرتة كان اخرتة هى دنيتة

من نسي الله تعالى انساه نفسه في الدنيا ونسيه في العذاب يوم القيامة قال تعالى ) ومن أعرض عن ذكري فإن له معيشة ضنكا ونحشره يوم القيامة أعمى قال رب لم حشرتني أعمى وقد كنت بصيرا قال كذلك أتتك آياتنا فنسيتها وكذلك اليوم تنسى ( أي تنسى في العذاب كما نسيت اياتي فلم تذكرها ولم تعمل بها واعراضه عن ذكره يتناول اعراضه عن الذكر الذي انزله وهو ان يذكر الذي انزله في كتابه وهو المراد بتناول اعراضه عن ان يذكر ربه بكتابه واسمائه وصفاته واوامره والائه ونعمه فان هذه كلها توابع اعراضه

خد بالك انا سمعت خطبة ان البلاء بينزل على الانسان وبيقول لية انا بالذات وبيستغرب وبيشتكى الحوالية من اهل او اقارب او اصحاب بس صدقنى المفروض الانسان يلوم نفسة لان اى ابتلاء من عند الله اختبار والابتلاء بينزل على الانسان لوحدة فى حالة البيعملة فى السر ولو البيعملة دة فى العلن والحوالية شايفين وعارفين بس بيطنشو بيصيبهم معاة نفس الابتلاء - ومتنساش لا يغير الله بقوم حتى يغيروا ما بأنفسهم

انا بقولك نصيحة حاول انت جربت وتعبت فى كل حاجة حواليك وكانت الدنيا مليانة هم ومشاكل وصعاب حاول فى الموضوع دة وادعى ربنا يرزقك بالزوجة الصالحة والاطفال الصالحين وصدقنى حتى الزواج رزق من عند الله فكلة بميعاد ربنا يعافيك ويكشف عنك الهم والكرب بأذن الله

---

شكرا علي ردك لكن انا علاقتي بربنا اقوي بكتير من اللي حضرتك بتقوله و افتراض الناس ان السبب ان الواحد اللي ظروفه وحشه و مستمره وحشه ده سببه ان علاقته بربنا مش قويه و لا مش بيدعي و لا بعيد عن ربنا ده محض خيال حضرتك انا شفت ناس الواحد نفسه يعمل ربع اللي بتعمله من عبادات و حالها زفت و مش بيتصلح و شوفت ناس غرقانه في المعاصي و حالها فل الفل و بيعلوا زياده و الدنيا فاتحه ليهم دراعتها
ده الواقع حضرتك الرزق ربنا كاتبه حتي للكافر و الملحد و البوذي و ربنا مخلاش ظروفهم وحشه علشان كفار

اقتباس:

---

المشاركة الأصلية كتبت بواسطة theislamic

ربنا يعينك و يهديك و يوفقك لما يحب و يرضى و تذكر حديث النبي صلى الله عليه و سلم:


يقول - صلى الله عليه وسلم - في الحديث الذي يرويه عنه أنس بن مالك - رضي الله عنه - : (إِنَّ عِظَمَ الْجَزَاءِ مَعَ عِظَمِ الْبَلاءِ، وإِنَّ اللَّهَ عَزَّ وَجَلَّ إِذَا أَحَبَّ قَوْمًا ابْتَلاهُمْ، فمَنْ رَضِيَ فَلَهُ الرِّضَا، وَمَنْ سَخِطَ فَلَهُ السَّخَطُ) رواه الترمذي وحسنه.

---

ربنا يعفوا عنا جميعا و يرزقنا

اقتباس:

---

المشاركة الأصلية كتبت بواسطة amoor89

ساعات كتير لما كان يبقى عندى مشكلة كنت بدخل فى حالة اكتئاب واقول برده اشمعنا انا ما غيرى كويس والدنيا معاه زى الفل لكن لما كنت برجع لربنا كنت بحس انى راضى بقضاء الله
صلح علاقتك بربنا وانت هتلاقيه بيفرجها عليك من حيث لا تعلم

---

علاقتي بربنا مش وحشه خالص و يارب تفضل كده و تتحسن كمان و كمان و ردي علي تفسيرك للظروف اللي فيها موجود فوق

اقتباس:

---

المشاركة الأصلية كتبت بواسطة KemozTanta

انا قريت البلوج وعجبني كلامك بس ايه الاحباط المزمن اللي انت معيش نفسك فيه !
الحقيقة انت معذب نفسك بأيديك وواضح انك شخص انطوائي وغير اجتماعي ومش عارف انت عامل مناحة ليه ع الجواز
هو الجواز دا اخر الدنيا عشان تحطة معيار وتقيم نفسك بيه وتفكر فيه ليل نهار ! هو يعني 10 رفضوك يبقي انت متستاهلش تعيش في الحياة خلاص
الجواز نصيب واهتم بشكلك ومظهرك وفكر في حياتك .. هتقابل بنت الحلال اللي هتلاقيها في وشك وتتجوز وتخلف
انت بالمنظر دا هيعدي عليك مش ال 32 ولا ال 33 لا ال 40 وال 41 و 43 كمان وانت لسه بتندب حظك.. الحق نفسك انت لسه في الثلاثينات ودا سن مش كبير ولا نيلة واقسم بالله اانا بشوف شباب ثلاثينات افتكرهم حاجة وعشرين ! رغم انهم شايفين الغلب بس بيعرفوا يرموا ورا ضهرهم ويضحكوا مش منكدين علي نفسهم وقافلين بابهم عليهم وعايز كل شىء في الحياة يتحقق
اخرج من الدائرة اللي انت فيها دي احسن ماتموت قبل الحاج والحاجة من الحسرة والقهر !

---

احباط نتيجه الظروف و الناس حواليك بتساهم فيه لما واحد يقعد يغتت عليك و يقولك انت ايه يا بني مش بتشتغل ليه و لا مش بتتجوز و لا مش عارف ايه
موضوع الجواز ده شئ طبيعي انك تفكر فيه ليه محسسني اني خارج تفكيرالعقل البشري و فوق الثلاثين مش صغير و احسبها لما عندك 34 و متجوزتش ابنك هيبقي عنده كام و انت عندك 50 سنه
و انا مش منكد علي نفسي بسببه و لا حاجه لكن هو خطوه طبيعيه
موضوع اني انطوائي ده مش صحيح انا كان عندي صحاب كتير بس كله اختفي مع زحمه الحياه و المشاغل و اللي اتجوز و اللي سافر و اللي قطع مع نفسه و اتلهي في حاله المشكله بقي ان مدخلش حد مكان اللي اختفوا فبالتالي مع الوقت مبقاش عندك حد تقدر تعتبره صديق حقيقي تقابله بأستمرار لكن اخرنا نتقابل كل ما ينزلوا اجازه مره و لا مرتين
لكن بقيت وقتي مفيش حد اخرج معاه الا زمايل الشغل و دول انت عايش معاهم اصلا في الشغل و لما بتخرج معاهم مش بتحس باي نوع من التغيير

اقتباس:

---

المشاركة الأصلية كتبت بواسطة eslamavitch

انا قريت البلوج بتاعك ومتضامن معاك وكل يوم بفتح اشوف نزلت حاجه جديدة ولا لسة كدة وصدقنى فى شباب كتير زيك كدة انت بس صلى وادعلى ربنا يرزقك ببنت الحلال اللى تسعدك وتعوضك عن سنوات الضايع اللى فاتت وحبقى اطمن عليك من المدونة :)

---

ايه ده هو في حد بيقرا الكلام اللي انا بكتبه غريبه جدا انا اه بشوف traffic بس محدش بكتب تعليق واحد عن اي حاجه عامه المشكله انا بكتب اللي جوايا من غير تزويق و اعتقد انه جوه ناس كتير بس الناس بتخاف لم تكشفهم و تعري اللي جواهم في ناس عايزه تقنعيني انه لما بيشوف حد احسن منه و هو حاسس انه ميستاهلش او حتي يستاهل بيبقي ولا هامه و فرحان و سعيد و مبيقلش اشمعني هوه و في ناس عايزه نعتقد ان الرضا ده موجود عن كل الناس مهما حصل لهم و اللي في رأيي مش صحيح
لو احنا ناس فل الفل كده و محدش فينا بشيل جواه مكنتش لقيت مقالب و زنبقه في الشغل من زمايلك و ملقتش حد يقف في سكه خير جاي ليك لمجرد انه ميجيش و ملقتش حد يلسن عليك علشان انت احسن منه
عموما لو عايزني اكتب عن اي حاجه او عندك اي اسئله انا مستعد اجاوب

اقتباس:

---

المشاركة الأصلية كتبت بواسطة باسم يوسف

متزعلش نفسك يا باشا و كلنا اخوات في المنتدي

---

متشكر جدا يا استاذ باسم كفايه كلمتينك الحلوين دول يخلوا اي زعل يروح
QUOTE=qkash.com;3875800628]طيب مانت زي الفل اهو وعندك شقة وعربية...! احمد ربنا في ناس ظروفهم اسوء بكتير "وتفائل وربنا اكيد هيعوضك عن صبرك كل السنين دي"

ربنا يزيدك ويوفقك ويرزقك من حيث لا تحتسب

ومتزعلش اذا كان انطباعي وردي في الموضوع الخاص بمدونتك معجبكش[/QUOTE]
مش عارف ليه حاسس انك قريت المدونه من ديلها
لو قريت من الاول كنت هتعرف اني قعدت في بيتنا 3 سنين و مكنش حيلتي حاجه
و بدل ما اقعد جنبها 5 سنين و افضل فاشل زي ما انت ذكرت اشتغلت و علمت فلوس جبت بيها الشقه و العربيه
علي اواخر السنه اللي فاتت يعني بعد 9 سنين تخرج
و الحمد الله طبعا علي اللي وصلتله
بس من الواضح كده ان حضرتك مش عايز تقول انك غلطان
يا اما تقول فاشل يا اما تقول ما انت زي الفل بتشتكي ليه
عموما انت طبعا حر في رأيك يا باشا
بس انت مش شايف ان كلمه معجبكش ده كلمه عايمه يعني مش عايز تقول كان رأي غلط او كان انطباع غير صحيح يعني عايز تطلع الغلط فيا انا كلامك ضايقني
عموما انا مش زعلان منك لأنك متعرفنيش فبتالي حكمك عليا جاي من شويه كلام ممكن تفهمهم بطريقه غير اللي انا اقصده
و شكرا علي ردك

بمشهندس انا قريت لك كام بوست من مواضيعك وفعلا حاسس بيك جدا جدا وعلي فكرة اغلب شباب هذا الجيل يمروا بنفس ظروفك بل اسوء منها
ولكن حضرتك وجدت وسيلة للتعبير عن نفسك غيرك ليس لديه الشجاعة في مواجهة ذلك او التحدث او التطرق عن ماتكتبه
احييك ومتابع لك بشدة واصل يافنان

كنت عايز الفت نظرك يابشمهندس اغلب البوستات بتاعتك شبه بعض
يعني ممكن العنوان مختلف
ولكن السرد بينصب في مضمون واحد وتتلخص في
العمر الضائع - الامكانيات الضعيفة - الحظ السيء - مقارنتك باصدقاءك والمقربين ومافي سنك - الارتباط
اعلم ان الشخص واحد وانت تتحدث عن نفسك وماتشعر به ولكن ملاحظتي عدم تنوع المواضيع او الاسلوب في كل بوست يعني ممكن تدمج كل المواضيع في موضوع واحد هو ده قصدي
نريد اختلافات

اقتباس:

---

المشاركة الأصلية كتبت بواسطة kemoztanta

انا قريت البلوج وعجبني كلامك بس ايه الاحباط المزمن اللي انت معيش نفسك فيه !
الحقيقة انت معذب نفسك بأيديك وواضح انك شخص انطوائي وغير اجتماعي ومش عارف انت عامل مناحة ليه ع الجواز
هو الجواز دا اخر الدنيا عشان تحطة معيار وتقيم نفسك بيه وتفكر فيه ليل نهار ! هو يعني 10 رفضوك يبقي انت متستاهلش تعيش في الحياة خلاص
الجواز نصيب واهتم بشكلك ومظهرك وفكر في حياتك .. هتقابل بنت الحلال اللي هتلاقيها في وشك وتتجوز وتخلف
انت بالمنظر دا هيعدي عليك مش ال 32 ولا ال 33 لا ال 40 وال 41 و 43 كمان وانت لسه بتندب حظك.. الحق نفسك انت لسه في الثلاثينات ودا سن مش كبير ولا نيلة واقسم بالله اانا بشوف شباب ثلاثينات افتكرهم حاجة وعشرين ! رغم انهم شايفين الغلب بس بيعرفوا يرموا ورا ضهرهم ويضحكوا مش منكدين علي نفسهم وقافلين بابهم عليهم وعايز كل شىء في الحياة يتحقق
اخرج من الدائرة اللي انت فيها دي احسن ماتموت قبل الحاج والحاجة من الحسرة والقهر !

---

انتا جبت من الاخر

يا أستاذ أفا.... مش عارف ليه حاسس انك عامل الموضوع ده مخصوص عشان تجيب زباين لمدونتك المهجورة

اقتباس:

---

المشاركة الأصلية كتبت بواسطة yuong313

بمشهندس انا قريت لك كام بوست من مواضيعك وفعلا حاسس بيك جدا جدا وعلي فكرة اغلب شباب هذا الجيل يمروا بنفس ظروفك بل اسوء منها
ولكن حضرتك وجدت وسيلة للتعبير عن نفسك غيرك ليس لديه الشجاعة في مواجهة ذلك او التحدث او التطرق عن ماتكتبه
احييك ومتابع لك بشدة واصل يافنان

---

متشكر يا باشا و هي و لا شجاعه و لا حاجه بس هي طان نوع من اخراج اللي الواحد حاسس بيه علشان يريح نفسه شويه لأن زي ما قولت الكتابه بتريح نفسيا عن ما تكتم جواك

اقتباس:

---

المشاركة الأصلية كتبت بواسطة yuong313

كنت عايز الفت نظرك يابشمهندس اغلب البوستات بتاعتك شبه بعض
يعني ممكن العنوان مختلف
ولكن السرد بينصب في مضمون واحد وتتلخص في
العمر الضائع - الامكانيات الضعيفة - الحظ السيء - مقارنتك باصدقاءك والمقربين ومافي سنك - الارتباط
اعلم ان الشخص واحد وانت تتحدث عن نفسك وماتشعر به ولكن ملاحظتي عدم تنوع المواضيع او الاسلوب في كل بوست يعني ممكن تدمج كل المواضيع في موضوع واحد هو ده قصدي
نريد اختلافات

---

باشا تنوع المواضيع ده بيجي لما تكون بتقرا لكاتب او روائي مش واحد علي قده بيطلع كلمتين جواه كاتمين علي نفسه
ممكن برضه quarter life crisis يبقي ليها سبب في كده
بس المواضيع مكتوبه علي 5 سنين و بتلاقي ان في خلالهم محصلش اي جديد فبالتالي يبقي الحال كما هو عليه من غير وجود ما يمكن اضافته
لو حضرتك شايف ان اسلوبي كويس و في حد ممكن يحب يقراه انا ممكن اكتب في اي مواضيع بس حضرتك رشح اي موضوع و انا اكتب عنه علي طول
و شكرا لرد حضرتك

اقتباس:

---

المشاركة الأصلية كتبت بواسطة محمد يوسف

يا أستاذ أفا.... مش عارف ليه حاسس انك عامل الموضوع ده مخصوص عشان تجيب زباين لمدونتك المهجورة

---

و الله يا باشا الزباين هما اللي جم لوحدهم و انا دخلت اشوف جم منين لقيت نفسي متهزق
ثانيا يعني حتي لو عايز اجيب زباين المدونه المهجوره اللي مليانه عناكب هتخليهم ميجوش تاني علشان المحتوي مش ممتع و مش علي مزاجهم

ربنا يعينك و يعوض صبرك خير

اقتباس:

---

المشاركة الأصلية كتبت بواسطة chicobon

ربنا يعينك و يعوض صبرك خير

---

شكرا لردك الذوق و دعائك يا باشا

حاول تستفيد من وجودك في المنتديات وابحث عن مواضيع قد تفيد الاعضاء وتجذبهم...واعتقد ان في ناس كتير بتحب تشجع المجتهدين طالما ان الدعم او التشجيع لن يضر احدا

النصيحة لوجه الله تعالي

اتمنالك كل التوفيق

انا من ضمن الناس الى هاجمتك

عارف ليه - ابسط حاجه تلخص كلام كتير ( الصورة الى حاططها فى البروفيل بتاعك )

هوة ليه حضرتك عامل فى نفسك كدة

انا برضو مش حتعاطف معاك - مش علشان حاجه وحشه لا سمح الله - انا بس بحزن لما الاقى ابن بلدى كدة ( خرع ) - متزعلش منى - صاحبك هوه الى يوريك مشكلتك مش بس الى يطبطب عليك

ما تتخيل نفسك كدة رغم كل البلاوى انك صخرة صعب تتنكسر ( توجع ايد الى يحاول يكسرها )

تقف على رجلك تانى مهما تقع ة تتمرمط و تقف راجل تانى و تالت و عاشر و مليون

قبل ما تستهزاء بكلامى و تقول دة حمار مش حاسس او مش عارف - خد بس دقيقه تخيل فيها نفسك

تبقى زى ما قولتلك ( راجل ) و لا زى ما انت حاطط الصورة فى البرفيل بتاعك

ما تخليش الدنيا تكسرك - لان لو كسرتك - بخ - مالكش قيمه و محدش حيحترمك

حكايه صغيرة

كنت مسافر كندا ( شغل ) ركبت تاكسى - سواق التاكسى طلع مصرى

عارف كان شغال ايه فى مصر - كان شغال مدير الادارة المــــــــــــــــــــــ ــاليه فى احد المؤسسات ( الخاصه الكبرى فى البلد ) - و دلوقتى سواق تاكسى فى كندا و عايش و مبسوط كمان

الدنيا مش حتمشى زى ما انت عايز - طوع من فكرك ( بما يرضى الله طبعا ) علشان تستمر و يفضل املك فى الله موجود

ارجو رسالتى تكون وصلتك

و انا بعتزر ليك لو كان كلامى وجعك بس لازم علشان انا عايز مصلحتك - كام ممكن اسكت و اطنش بس ليه - الدال على الخير كفاعلة

اقتباس:

---

المشاركة الأصلية كتبت بواسطة qkash.com

حاول تستفيد من وجودك في المنتديات وابحث عن مواضيع قد تفيد الاعضاء وتجذبهم...واعتقد ان في ناس كتير بتحب تشجع المجتهدين طالما ان الدعم او التشجيع لن يضر احدا

النصيحة لوجه الله تعالي

اتمنالك كل التوفيق

---

فاهم كلامك بس الفكره يمكن مش وصله ليك يا استاذ محمد
انا مفيش عندي موهبه مثلا و عملت المدونه علشان اظهرها او اصقلها او اعرضها علي الناس
انا شاب عادي جدا كان بيحاول يخرج اللي جواه و مكنش في غرض للشهره او ان الناس تعرفني بس ممكن مثلا يبقي في ناس عندها مفس الظروف و الكلام ده يفيدها او يحسسها انها مش لوحدها في الدنيا
اساسا يعني انا شايف اني بكتب بالعاميه و ا سلوبي ركيك جدا فميش موهبه و لا اجتهاد هي مجرد احاسيس بتخرج
و رغم ذلك ا نا بحب القرايه جدا و بقرا كتير بس ده ملهوش علاقه بالكتابه

اقتباس:

---

المشاركة الأصلية كتبت بواسطة mmtronic

انا من ضمن الناس الى هاجمتك

عارف ليه - ابسط حاجه تلخص كلام كتير ( الصورة الى حاططها فى البروفيل بتاعك )

هوة ليه حضرتك عامل فى نفسك كدة

انا برضو مش حتعاطف معاك - مش علشان حاجه وحشه لا سمح الله - انا بس بحزن لما الاقى ابن بلدى كدة ( خرع ) - متزعلش منى - صاحبك هوه الى يوريك مشكلتك مش بس الى يطبطب عليك

ما تتخيل نفسك كدة رغم كل البلاوى انك صخرة صعب تتنكسر ( توجع ايد الى يحاول يكسرها )

تقف على رجلك تانى مهما تقع ة تتمرمط و تقف راجل تانى و تالت و عاشر و مليون

قبل ما تستهزاء بكلامى و تقول دة حمار مش حاسس او مش عارف - خد بس دقيقه تخيل فيها نفسك

تبقى زى ما قولتلك ( راجل ) و لا زى ما انت حاطط الصورة فى البرفيل بتاعك

ما تخليش الدنيا تكسرك - لان لو كسرتك - بخ - مالكش قيمه و محدش حيحترمك

حكايه صغيرة

كنت مسافر كندا ( شغل ) ركبت تاكسى - سواق التاكسى طلع مصرى

عارف كان شغال ايه فى مصر - كان شغال مدير الادارة المــــــــــــــــــــــ ــاليه فى احد المؤسسات ( الخاصه الكبرى فى البلد ) - و دلوقتى سواق تاكسى فى كندا و عايش و مبسوط كمان

الدنيا مش حتمشى زى ما انت عايز - طوع من فكرك ( بما يرضى الله طبعا ) علشان تستمر و يفضل املك فى الله موجود

ارجو رسالتى تكون وصلتك

و انا بعتزر ليك لو كان كلامى وجعك بس لازم علشان انا عايز مصلحتك - كام ممكن اسكت و اطنش بس ليه - الدال على الخير كفاعلة

---

شوف يا باشا انا لا مكسور و لا حاجه و لا لما وقعت فضلت واقع و موقفتش علي رجلي
اولا بالنسبه للصوره فلو حضرتك قريت البلوج كله او حتي اول 3 بوست هتعرف سبب الصوره و سبب التسميه اللي هو ببساطه الاحلام الهابله اللي بتكون في دماغنا ايام فتره الدراسه و قرب التخرج و اللي بتيجي من اننا بنشوف ناس كتير حياتها سهله حوالينا فبنتخيل اننا كلنا هنبقي زيهم
و مع التخرج تبدء اول صدمه و تكتشف ان كل ده كان كلام و احلام و ان الدنيا كلها قرف و بهدله و الحياه مش سهله و لا تحقيق الاحلام سهل خالص و رغم ذلك تلاقي برضه ناس حياتها اسهل منك بكتير يعني ببساطه حضرتك عايز تقنعني انك لما تلاقي نافسك عامل كل اللي عليك و طالع عينك و رغم ذلك مش عارف تلاقي شغل
و تلاقي زميل ليك اتخرج و في يوم تخرجه لقي واسطه تعينه في مكان بمرتب خيالي و بعدها بشويه والده راح يجوزه و يجبله كل احتياجاته هيبقي شعورك ايه
اللي هو عمله في سنه انت هتعمله في 10 سنين او اكثر هتقولي المهم هتعمله هقوله في سن بعده بتفقد الاحساس بقيمه الحاجه زي ما بشروا سيدنا ابراهيم بالولد فالقراأن " قال ابشرتموني بعد انا مسني الكبر فبما تبشرون" و ده نبي حضرتك
و بالنسبه للأحباط فعندك سيدنا يونس "و ذا النون اذ ذهب مغضبا فظن ان لن نقدر عليه فنادي في الظلمات " نبي زهق و يأس من الدعوه فساب قومه و مشي
و سيدنا محمد لما سيدنا ذهب تقريبا للطائف و رجموه بالحجاره فقال له سيدنا جبريل " لو شئت لأطبقت عليهم الاخشبين"بعد ما ناجي ربنا و هو بيقول "ارب. إن لم يكن بك غضب علي فلا أبالي ولك العتبي حتي ترضي. لكن عافيتك أوسع لي"
اذا كان ده حال الانبياء و الرسل اللي هما احسن مننا ملايين المرات
مش عايزني احس بأكتئاب او حزن
عامه الاكتئاب او الحزن بيبقي داخلي و مفيش في كل البوستات بتاعتي في البلوج ما يشير اني روحت قفلت علي اوضتي و بطلت اخرج منها و بطلت اسعي و اشتغل و ابحث
و شكرا لمرورك يا سيدي المهاجم

يعنى انت مقضيها هنا صعبانيات واللى بيحسوا بيا واللى مش بيحسوا بيا وربنا مايكتبها عليكم وعلى عيالكم...الخ

ورايح عندك تشتمنا وتقول اننا كوميديين وجتنا الخيبة ؟

انت انسان بوشين...صح ؟

ربنا يهديك

اقتباس:

---

المشاركة الأصلية كتبت بواسطة محمد يوسف

يعنى انت مقضيها هنا صعبانيات واللى بيحسوا بيا واللى مش بيحسوا بيا وربنا مايكتبها عليكم وعلى عيالكم...الخ

ورايح عندك تشتمنا وتقول اننا كوميديين وجتنا الخيبة ؟

انت انسان بوشين...صح ؟

ربنا يهديك

---

شكرا يا باشا و اما مشتمتش حد و رأي حضرتك فيا انا مقدرش اقول عليه حاجه كل انسان بيبني انطباعته عن الناس التانيه و ده حقه لو شايفني بوشين في ده حقك و مليش اني اتكلم عليه او ارد ليه بس بكرر تاني انا مشتمتش حد لكن انا استغربت فعلا من طبيعه الناس و ده حقي و لو زعلك اني قولت في ناس بتقول عليا جاي اجيب زباين فمش انت لوحدك اللي قولت كده و عموما شيل ده من ده يرتاح ده عن ده ببساطه تقدر متردش عليا و تتجاهلني و تعتبرني هوا و فراغ معدي جنبك و كده نفضل حبايب ولا ايه