معلش يمكن ما حدش حس بيك ....
ربنا معاك و يوفقك ان شاء الله
رقم العضوية : 167321
تاريخ التسجيل : 26Oct2014
المشاركات : 7
النوع : ذكر
الاقامة : Egypt
السيارة: none
السيارة[2]: none
الحالة :
اولا اعرفكم بنفسي انا صاحب مدونه اه يا افه
سبب اني عامل الموضوع ده اني من اسبوع كده دخلت المدونه لقيت ان الشهر اللي فات في 800 زياره و مصدرها موقعكم الكريم
دخلت لقيت احد اعضائكم عامل موضوع عن مدونتي
http://www.nilemotors.net/Nile/442874-a.html
لحد كده مفيش مشاكل
لكن اللي نفرذني كميه الهجوم اللي كانت عليا من ناس لا تعرفني و لا اعرفها
اللي يقولك ده حاقد و اللي يقولك ده معقد و اللي يقول بيمثل و عايز يعمل شهره و اللي يقولك ده فاشل و اللي يقولك بدل ما هو قاعد يكتب علي النت يقوم يغير حاله
شويه ناس مش عارف ايه دماغهم و بيحكموا بناء علي ايه
الصراحه اتضايقت جدا و قعدت متردد فتره اني اجي ارد عليهم و لا لأ
عموما لكل اللي هاجموني و منهم الاعضاء mmtronic qkash.com A_H_M_A_D
mcomics
احب اقولهم ربنا ما يكتب عليكم نفس الظروف و لا يكتبها علي عيالكم و ربنا يزيدكم من علمه في علم النفس و تحليل الشخصيات
انا لا قعدت 5 سنين بكتب البلوج و مبعملش غير كده و لا مدعي يا اخوتي الاعزاء
اشكركم علي كلامكم الرائع
و لكل الناس اللي تفهمت موقفي او اتعاطفت معايا و منهم الاعضاءمحمد عز hitman235 أحمد كمال
متشكر جدا كلامكم حسسني ان لسه في ناس بتحس بغيرها و بتفهم ظروفهم صح و مش بتحكم عليهم احكام متسرعه
قولت اللي في نفسي
سلام
رقم العضوية : 18524
تاريخ التسجيل : 10Sep2008
المشاركات : 1,257
النوع : ذكر
الاقامة : Cairo
السيارة: I wish good Beetle 1303
السيارة[2]: Octavia A5
دراجة بخارية: no
الحالة :
معلش يمكن ما حدش حس بيك ....
ربنا معاك و يوفقك ان شاء الله
رقم العضوية : 74910
تاريخ التسجيل : 09Jul2010
المشاركات : 523
النوع : ذكر
الاقامة : egypt
السيارة: lancer
السيارة[2]: LANCER EX 2014 HL
دراجة بخارية: -------
الحالة :
بص يا فندم انا الصراحه لم اقرأ الي معاليك كاتبه في البلوج
بس هو حضرتك كاتب البلوج ده لنفسك ولا للناس عشان تقراه
طبيعي ان اراء الناس هتختلف ناس هتكون معاك وناس هتكون ضدك وده طبيعي
طبعا كل ابي قرا البلوج وعلق مكنش ملم بكل جوانب الموضوع وحكم على قد ما فهم وانت شايف حكمو غلط عشان انت الي عايش الموضوع ويخصك
رأيي الشخصي محدش كان يقصد يهينك او يجرح فيك او يقلل منك كل اعضاء نايل موتوز بيحترم بعض وبيلتزمو بأداب الحوار
عموما متزعلش نفسك بس الكل كان بيقول رأيه بحسن نيه
واهلا بيك معانا في نايل موتورز
رقم العضوية : 167321
تاريخ التسجيل : 26Oct2014
المشاركات : 7
النوع : ذكر
الاقامة : Egypt
السيارة: none
السيارة[2]: none
الحالة :
شكرا علي الترحيب
لكن حضرتك في ناس اتهمتني اني فاشل و اللي يقولك حاقد و مش عارف ايه
معتقدش دي ليها علاقه بفهم كلامي
انا مكتبتش علي نفسي اني فاشل و مش عارف اعمل حاجه لكن اللي كتبته اني الظروف منعتني من اني انفذ كل اللي بتمناه في حياتي
في ناس كتير الدنيا بالنسبه ليها كانت سهله او تعبت شويه صغيره فبالتالي مش بتتخيل المعانه اللي بيعانيها واحد زي
انا مكنتش طفل محروم و لا غلبان بالعكس انا كنت فوق المتوسط بكتير بس ده نتيجه ان والدي كان بيصرف كل فلوسه علينا اول بأول و لأنه مسافرش بره مصر فبالتالي بعد تخرجي مكنش معاه اللي يساعدني بيه علشان اجيب شقه و كده ده زائد اني دخت قرب ال 3 سنين علشان الاقي اول وظيفه ليا تخيل مهندس كل الوظايف اللي لاقاها في خلال 3 سنين شغل في سنترال من بتوع الاهالي او انه يقعد في مكتب يكتب علي الكمبيوتر و يتحاسب بالصفحه
هتقولي ازاي هقولك ده الواقع و دلوقت السي في بتاعك اصلا علشان يدخل شركه محتاج وسطه
و ده مش معناه انك هتتعين لكن مجرد دخوله محتاج وسطه
عموما للناس اللي شايفاني فاشل انا حضرتك حاليا عندي عربيه اه مش حاجه عاليه بس احسن من اللي معندهوش و عندي شقه معقوله و ده لواحد بدء من الصفر و محدش ساعده لا في العثور علي وظيفه و لا في مبلغ يجيب بيه حاجه لو بعد ده كله الناس بتعتبرني فاشل يبقي انا فخور بفشلي
سبب كتابتي علي البلوج هو نوع من الفضفضه و لو حد قرا كان بيها محدش قرا برضه كان بها
اشكرك علي ترحيبك الجميل بيا في نايل موتورز و علي اخلاقك الكريمه
اخوك الافه
رقم العضوية : 74910
تاريخ التسجيل : 09Jul2010
المشاركات : 523
النوع : ذكر
الاقامة : egypt
السيارة: lancer
السيارة[2]: LANCER EX 2014 HL
دراجة بخارية: -------
الحالة :
رقم العضوية : 129141
تاريخ التسجيل : 05Sep2012
المشاركات : 495
النوع : ذكر
الاقامة : Alex, Egypt
السيارة: Fiat-Uno 1.0 M.T 1993
السيارة[2]: Seat-Leon 1.6 2012
دراجة بخارية: None
الحالة :
السلام عليكم
أنا قرأت موضوع (بلوج غريب حبيت اشاركه معاكم) ودخلت بعديها على المدونة وقرأت فيها وبصراحة اتعاطفت معاك جدا جدا ربنا يقويك على اللي شفته في حياتك ونفسي اليأس اللي عندك يروح علشان تعرف تعيش وتتقدم في حياتك وعلى العموم لو كانت الدنيا وحشة معاك فربك حيعوضك في الآخرة.يا ريت كنت أقدر اعمل حاجة اخفف عليك
Best Regards[S]F.@.®.€.S[/S]
رقم العضوية : 40298
تاريخ التسجيل : 14May2009
المشاركات : 5,965
النوع : ذكر
الاقامة : Heliopolis- Masr El Gedida
السيارة: I do not have
السيارة[2]: لا
دراجة بخارية: I do not have
الحالة :
انا قرأت موضوعك صدفة ومتفهم موقفك والمريت بية وصدقنى مش لوحدك فى كتير من الشباب فى مصر عايش بمستوى اقل وفى الاتحرم من حواسة و الاتولد مشلول وغيرة وانت اكيد شايف وعارف طب دول يعملو اية انا عاوز بس عاوز اقولك كلنا كشباب بتواجهنا نفس الصعاب انت اكيد قابلتها بدرى عننا امال تقول اية على الشباب خريج 2013 و 2014 فى الظروف الجميلة الحوالينا المقفولة من كل حتة والشغل المتاح الوحيد كول سنتر مفيش اكتنر منة وحتى شوف اسعار الشقق دلوقتى مين معاة اقل حاجة 200.000 دة غير الشروط الحصول على الشقة لذا فى كتير بقى بيرضى بالقانون الجديد
ياريت تحاول تصلى وتدعى لربنا وتقول يارب هل انت فكرت فى ربنا خلال السنين الفاتت ووقت كتابتك للمدونات هل حاولت تتقرب اكتر لربنا بقراة القرأن ولا كنت مخنوق وملكش نفس تقرأ وبتصوم علشان دة رمضان وبس وبتصلى علشان تخلص مش بتصلى بخشوع وتتقرب الى الله انا بقولك كدة مش حعمل فيها بنصح لاء انا بسالك عادى لانى الياس والضعف والخوف بيصيبو الانسان البيدور على الدنيا مش بيعمل لاخرتة كان اخرتة هى دنيتة
من نسي الله تعالى انساه نفسه في الدنيا ونسيه في العذاب يوم القيامة قال تعالى ) ومن أعرض عن ذكري فإن له معيشة ضنكا ونحشره يوم القيامة أعمى قال رب لم حشرتني أعمى وقد كنت بصيرا قال كذلك أتتك آياتنا فنسيتها وكذلك اليوم تنسى ( أي تنسى في العذاب كما نسيت اياتي فلم تذكرها ولم تعمل بها واعراضه عن ذكره يتناول اعراضه عن الذكر الذي انزله وهو ان يذكر الذي انزله في كتابه وهو المراد بتناول اعراضه عن ان يذكر ربه بكتابه واسمائه وصفاته واوامره والائه ونعمه فان هذه كلها توابع اعراضه
خد بالك انا سمعت خطبة ان البلاء بينزل على الانسان وبيقول لية انا بالذات وبيستغرب وبيشتكى الحوالية من اهل او اقارب او اصحاب بس صدقنى المفروض الانسان يلوم نفسة لان اى ابتلاء من عند الله اختبار والابتلاء بينزل على الانسان لوحدة فى حالة البيعملة فى السر ولو البيعملة دة فى العلن والحوالية شايفين وعارفين بس بيطنشو بيصيبهم معاة نفس الابتلاء - ومتنساش لا يغير الله بقوم حتى يغيروا ما بأنفسهم
انا بقولك نصيحة حاول انت جربت وتعبت فى كل حاجة حواليك وكانت الدنيا مليانة هم ومشاكل وصعاب حاول فى الموضوع دة وادعى ربنا يرزقك بالزوجة الصالحة والاطفال الصالحين وصدقنى حتى الزواج رزق من عند الله فكلة بميعاد ربنا يعافيك ويكشف عنك الهم والكرب بأذن الله
[img3]http://s11.postimg.org/5u651o4eb/bsmlhe41104899dnj0zx5.gif[/img3]
رقم العضوية : 54820
تاريخ التسجيل : 04Dec2009
المشاركات : 151
النوع : ذكر
الاقامة : المنيا-مصر
السيارة: يا رب
السيارة[2]: sunny super saloon 2013
دراجة بخارية: لا
الحالة :
ربنا يعينك و يهديك و يوفقك لما يحب و يرضى و تذكر حديث النبي صلى الله عليه و سلم:
يقول - صلى الله عليه وسلم - في الحديث الذي يرويه عنه أنس بن مالك - رضي الله عنه - : (إِنَّ عِظَمَ الْجَزَاءِ مَعَ عِظَمِ الْبَلاءِ، وإِنَّ اللَّهَ عَزَّ وَجَلَّ إِذَا أَحَبَّ قَوْمًا ابْتَلاهُمْ، فمَنْ رَضِيَ فَلَهُ الرِّضَا، وَمَنْ سَخِطَ فَلَهُ السَّخَطُ) رواه الترمذي وحسنه.
رقم العضوية : 23252
تاريخ التسجيل : 26Oct2008
المشاركات : 691
النوع : ذكر
الاقامة : البحيرة
السيارة: hyundai excel 94
السيارة[2]: daewoo lanos1 99
دراجة بخارية: ده اختراع ابن تيت بيموت
الحالة :
ساعات كتير لما كان يبقى عندى مشكلة كنت بدخل فى حالة اكتئاب واقول برده اشمعنا انا ما غيرى كويس والدنيا معاه زى الفل لكن لما كنت برجع لربنا كنت بحس انى راضى بقضاء الله
صلح علاقتك بربنا وانت هتلاقيه بيفرجها عليك من حيث لا تعلم
رقم العضوية : 58810
تاريخ التسجيل : 13Jan2010
المشاركات : 570
النوع : ذكر
الاقامة : طنطا
السيارة: hyndai accent 2006
السيارة[2]: Lanos 2001
دراجة بخارية: لا
الحالة :
انا قريت البلوج وعجبني كلامك بس ايه الاحباط المزمن اللي انت معيش نفسك فيه !
الحقيقة انت معذب نفسك بأيديك وواضح انك شخص انطوائي وغير اجتماعي ومش عارف انت عامل مناحة ليه ع الجواز
هو الجواز دا اخر الدنيا عشان تحطة معيار وتقيم نفسك بيه وتفكر فيه ليل نهار ! هو يعني 10 رفضوك يبقي انت متستاهلش تعيش في الحياة خلاص
الجواز نصيب واهتم بشكلك ومظهرك وفكر في حياتك .. هتقابل بنت الحلال اللي هتلاقيها في وشك وتتجوز وتخلف
انت بالمنظر دا هيعدي عليك مش ال 32 ولا ال 33 لا ال 40 وال 41 و 43 كمان وانت لسه بتندب حظك.. الحق نفسك انت لسه في الثلاثينات ودا سن مش كبير ولا نيلة واقسم بالله اانا بشوف شباب ثلاثينات افتكرهم حاجة وعشرين ! رغم انهم شايفين الغلب بس بيعرفوا يرموا ورا ضهرهم ويضحكوا مش منكدين علي نفسهم وقافلين بابهم عليهم وعايز كل شىء في الحياة يتحقق
اخرج من الدائرة اللي انت فيها دي احسن ماتموت قبل الحاج والحاجة من الحسرة والقهر !
المفضلات