بلوج غريب حبيت اشاركه معاكم

**mido1988** · 30-09-2014 06:41 PM

من يومين كده كنت عمال اقلب في النت وقع تحت ايدي البلوج ده
اه يا افه
و قعدت اقرا فيه لحد ما خلصته بس احتارت في امر صاحبه الصراحه
هل هو انسان حاقد علي الدنيا و الناس
و لا هو انسان عنده حق و بيمثل كل بني ادم ظروفه عاديه و مفيش عند ابوه او اسرته امكانيات انها تساعده
الواحد كان فاكر انه بيفهم في الناس بس صاحب البلوج ده حيرني جدا
يا ريت تبصوا عليه و تدوني رأيكم

**mmtronic** · 30-09-2014 08:21 PM

المشاركة الأصلية كتبت بواسطة mido1988

من يومين كده كنت عمال اقلب في النت وقع تحت ايدي البلوج ده
اه يا افه
و قعدت اقرا فيه لحد ما خلصته بس احتارت في امر صاحبه الصراحه
هل هو انسان حاقد علي الدنيا و الناس
و لا هو انسان عنده حق و بيمثل كل بني ادم ظروفه عاديه و مفيش عند ابوه او اسرته امكانيات انها تساعده
الواحد كان فاكر انه بيفهم في الناس بس صاحب البلوج ده حيرني جدا
يا ريت تبصوا عليه و تدوني رأيكم

ولا يحير و لا حاجه

الموضوع هو تطور طبيعي جداً

فقر مع شخصيه ضعيفه مستسلمه ولد ياس أدى الى كره و حقد على الاخر - دا الموضوع ببساطه

**أحمد كمال** · 30-09-2014 08:23 PM

مش حاقد خالص ........ هو مكتئب بسبب ظروفه ....... ربنا يعينه ادعي له ربنا يفرجها عليه ......

**hitman235** · 30-09-2014 08:53 PM

المشاركة الأصلية كتبت بواسطة mmtronic

ولا يحير و لا حاجه

الموضوع هو تطور طبيعي جداً

فقر مع شخصيه ضعيفه مستسلمه ولد ياس أدى الى كره و حقد على الاخر - دا الموضوع ببساطه

شكلك من الناس الى ربنا كرمهم فمش حاسس بغيرك ولا هتحس فى يوم من الايام

**mmtronic** · 30-09-2014 10:12 PM

المشاركة الأصلية كتبت بواسطة hitman235

شكلك من الناس الى ربنا كرمهم فمش حاسس بغيرك ولا هتحس فى يوم من الايام

ردك يدل على انك مقرتش غير عناوين من البلوج

انا مش مجبر احكيلك الى حقوله بس انا حقوله علشان تبص لنفسك فى المرايه و احكم انت عليها مش انا

انا جبتها من الصفر

مرتب كان ٣٠٠جنيه و كنت بتشتغل ١٢ ساعه - كنت بتعب و بشقى و اشتغل و اجتهد - عمرى ما طلبت من ريس و لا مخلوق قرش - عارف ليه " و فى السماء رزقكم و ما توعدون " - بنيت نفسى لحد ما وقفت على رجلى - لا عمرى ندبت و لا اعترضت على الى خلقنى

لما ... لما تفهم الى انا كتبته حتعرف ان الفقر مش مشكله - المشكلة البهوات المستسلمين عديمى الاراده الى بينوحو - ليه ربنا عمل فينا كده - أبقى يا سيدى الفاضل اقرأ البلوج
تحياتى ليك و لاحساسك - لان الإحساس و البصيرة دى نعمه ربنا مبينعمش بيها على اى حد

**mido1988** · 30-09-2014 10:23 PM

يا جماعه انتو بتتخانقوا ليه بس كل واحد من حقه يشوف الموضوع من وجهه نظره
انا شخصيا لما قريت لقيت نفسي محتار و مش عارف هو مكتئب و لا هو حاقد
بوستات تحس انه بيحقد علي زمايله و بوستات تحس ان ظروفه مخلياه يائس و مش لاقي تفسير لحاله اللي مش عجبه
يا ريت يا جماعه متزعلوش بعض علشان حاجه تافهه زي دي

**hitman235** · 30-09-2014 10:34 PM

المشاركة الأصلية كتبت بواسطة mmtronic

ردك يدل على انك مقرتش غير عناوين من البلوج

انا مش مجبر احكيلك الى حقوله بس انا حقوله علشان تبص لنفسك فى المرايه و احكم انت عليها مش انا

انا جبتها من الصفر

مرتب كان ٣٠٠جنيه و كنت بتشتغل ١٢ ساعه - كنت بتعب و بشقى و اشتغل و اجتهد - عمرى ما طلبت من ريس و لا مخلوق قرش - عارف ليه " و فى السماء رزقكم و ما توعدون " - بنيت نفسى لحد ما وقفت على رجلى - لا عمرى ندبت و لا اعترضت على الى خلقنى

لما ... لما تفهم الى انا كتبته حتعرف ان الفقر مش مشكله - المشكلة البهوات المستسلمين عديمى الاراده الى بينوحو - ليه ربنا عمل فينا كده - أبقى يا سيدى الفاضل اقرأ البلوج
تحياتى ليك و لاحساسك - لان الإحساس و البصيرة دى نعمه ربنا مبينعمش بيها على اى حد

انت قريت البلوج من وجهه نظرك
فاكر ان صاحبه بيشتكى من الفقر او مش لاقى ياكل
صاحبه بيشتكى من انبدايته من الصفر ضيعت اهم سنين فى حياته فى الجرى ورا الفلوس و انه يقف على رجله زى ما انت بتقول
الحقيقه مشكله صاحب البلوج مشكله ناس كتير
الاكتئاب مش بيجى من انك تتعب فى حياتك الاكتئاب بيجى من احساس بتضيع وقتك و عمرك على الفاضى علشان تحقق اساسيات الحياه
انا برضه مهندس خلصت من 6 سنين ضاع منهم اول سنتين فى خدمه جيش ببلاش للبلد الظالم اهلها دى علشان مش معايا واسطه تخرجنى ولا تجيبلى تأجيل ولا خظى كويس برضه و عانيت عشلان الاقى شغل بعد الجيش و ما استمرتش فيه بسبب الظروف الاقتصاديه الى خلت شركات كتير تسرح الموظفين انا حاليا بعد 6 سنين ببص على الوقت الى فات من العمر بحسره انى ما عيشتش حياه طبيعيه مشكله البلد دى ان فيه ناس حتى البدايه من الصفر مش متاحه ليها لازم تجيبها من الارض السابعه
و طبعا الفلوس و المظاهر تحكم لحد ما يبقى معاك فلوس مش من حقك انك تطلب انك تتعامل كبنى ادم
ووقت ما يبقى معاك الفلوس يكون فات الأوان

**mido1988** · 30-09-2014 10:39 PM

المشاركة الأصلية كتبت بواسطة hitman235

انت قريت البلوج من وجهه نظرك
فاكر ان صاحبه بيشتكى من الفقر او مش لاقى ياكل
صاحبه بيشتكى من انبدايته من الصفر ضيعت اهم سنين فى حياته فى الجرى ورا الفلوس و انه يقف على رجله زى ما انت بتقول
الحقيقه مشكله صاحب البلوج مشكله ناس كتير
الاكتئاب مش بيجى من انك تتعب فى حياتك الاكتئاب بيجى من احساس بتضيع وقتك و عمرك على الفاضى علشان تحقق اساسيات الحياه
انا برضه مهندس خلصت من 6 سنين ضاع منهم اول سنتين فى خدمه جيش ببلاش للبلد الظالم اهلها دى علشان مش معايا واسطه تخرجنى ولا تجيبلى تأجيل ولا خظى كويس برضه و عانيت عشلان الاقى شغل بعد الجيش و ما استمرتش فيه بسبب الظروف الاقتصاديه الى خلت شركات كتير تسرح الموظفين انا حاليا بعد 6 سنين ببص على الوقت الى فات من العمر بحسره انى ما عيشتش حياه طبيعيه مشكله البلد دى ان فيه ناس حتى البدايه من الصفر مش متاحه ليها لازم تجيبها من الارض السابعه
و طبعا الفلوس و المظاهر تحكم لحد ما يبقى معاك فلوس مش من حقك انك تطلب انك تتعامل كبنى ادم
ووقت ما يبقى معاك الفلوس يكون فات الأوان

كلامك ده انا حسيته من كلام الشخص ده اعتقد ان مشكلته ان حتي بعد ما تعب السنين دي كلها مقدرش يحصل الناس اللي ربنا كرمها عن طريق اهلها اللي هو بيتكلم عنهم
صراحه انا لو مكانه مكنتش عارف هعمل ايه

**hitman235** · 30-09-2014 11:24 PM

المشاركة الأصلية كتبت بواسطة mido1988

كلامك ده انا حسيته من كلام الشخص ده اعتقد ان مشكلته ان حتي بعد ما تعب السنين دي كلها مقدرش يحصل الناس اللي ربنا كرمها عن طريق اهلها اللي هو بيتكلم عنهم
صراحه انا لو مكانه مكنتش عارف هعمل ايه

الحقيقه الحل ان مافيش حل اليوم الى بيعدى مش بيرجع تانى و ربنا ما رجعش الزمن لحد ولا حتى للانبياء يبقى الاختيارات قدامك محدوده
يا هتعيش حياه شاذه زى الشاب الى بيحاول يسترجع طفولته الى معاشهاش فى وقتها او الشايب العجوز الى عايش فى دور الشاب الروش الى فاته وقت ما كانت حياته كرب و فقر
يا تنتحر و تستريح
يا تعيش عيشه ملحدين بدون اى قيود او محرمات بشكل تحاول تخليك تنسى الى فاتك من عمرك
يا هتكتئب و هتتجنن فى الاخر او تنتحر شوف زى الاختيار السابق

انا عن نفسى فعلا مش عارف السبب ايه فى الظلم الى فى الدنيا او فى مصر تحديدا

الدين و الاسلام و الاخلاق بيقولولك اشتغل و اسعىو ما تكلش مال حرام ..........تلاقى بطاله و مافيش شغل من غير واسطه و مهندس ياخد اقل من عامل بوفيه فى شركة و مرتبات ما تكفيش مواصلاتك
الدين و الاسلام و الاخلاق يقولك اجتهد فى طلب العلم ..............تلاقى السرسجيه و البصمجيه هما علاه القوم فى بلدك
الدين و الاسلام و الاخلاق يقولك ما تمشيش مع بنات او تصاحب او تشقط ههه .............تلاقى البنات بتمشى مع شاب و اتنين و تلاته و تروح تتقدم لواحده و تدخل بيتها و تكلم اهلها ترفضك علشان مرتبطه مع انها لا مخطوبة ولا مقرى فتحتها بس مصاحبه واحد لافف عليها و اهلها زى الطراطير عارفين و ساكتين و لو قبتلك هترفضك لأنك مش مدردح
الدين و الاسلام و الاخلاق يقولك اتجوز و عف نفسك و ابعد عن الحرام ................ تلاقى مصارف الجواز فى مصر 400..500 الف جنيه لو هتجيب شقه من جيبك لو انت مش شغال فى البترول او سفير او مدير فى بنك هتحتاج على الاقل 8..10 سنين علشان تعمل المبلغ ده تكون فقد رغبتك فى الجواز اساسا + هتلاقى كل الى يتعرض عليك فرز تانى و ثالث و اشباه الاناث و حاجات تشوفها يجيلك مغص ...

هل المطلوب غير قابل للتطبيق ............هل المشكله فى المنطق نفسه يعنى فى الدين و الاخلاق ولا فى العصر ولا فى ايه بالظبط ولا المشكله فى اهلى انهم ما جابوليش الشقة و العربيه و الوظيفه ولا المشكله مشكله توزيع ارزاق ..........

زمان ايام اهلى كانت الدنيا مختلفه كان فيه حاجه اسمها ايجار قديم و الناس بتتجوز فيه عادى
كان فيه شغل بسهوله مش ظروف اقتصاديه و سياسيه منيله بنيله لو كملت سنه فى مكان واحد يبقى كويس لو لقيته
دلوقتى الاسعار زادت........ طلبات الناس الماديه زادت و تطلعاتهم زادت ........ اخلاق الناس زادت انحطاطا

الى هيقرا كلامى هيحس انى معارض للدين او ضده بالعكس ... انا على فكره من سكان المدينه المنورة حاليا و بينى و بين مسجد الرسول 7 دقائق مشى ........... و بكره طالع حج عايز تصدق صدق .....

بس فعلا الاوضاع بالنسبة لناس طول ما بيفكر فيها هيلاقى اسئلة مالهاش اجابه و اوضاع مالهاش حلول غير حل واحد
ان الزمن يرجع بيه
و الزمن ما بيرجعش