المروحه بتعلق

**هشام السيد** · 26-10-2014 10:35 PM

لو سمحتوا ياجماعه انا عندي المروحه بتعلق وبتبقي عيني علي الحراره اول مابتوصل ٩٠ بنزل ابص الاقيها فاصله افضل اخبط علي العلبه اللي قدام البطاريه الاقيها اشتغلت ممكن حد يعرف السويتشات دي بتاعت ايه بالترتيب ؟

**هشام السيد** · 27-10-2014 07:40 AM

محدش عنده المعلومه ؟

**أسامه الحسيني** · 27-10-2014 09:00 AM

مش المفروض ان المروححه دى شغاله ععلى ثرمستات حراره لما الحراره تعلى بتشغل المروحه اوتوماتيك ولا حضرتك تقصصد حاجه تانيه

**هشام السيد** · 27-10-2014 09:17 AM

انا فيكتر ٩٧ مانوال الموتور الاسود ١٦٠٠ وعندي ترموستات عادي المشكله المروحه بتعلق ومش عارف العيب منين انا بلعب في العلبه اللي قدام البطاريه ولا دي ملهاش دعوه ؟

**hobasalim** · 27-10-2014 10:08 AM

العلبة دي متهيألي موجود فيها فيوزات وكتاوت من ضمنها كتاوت المروحة ، جرب حضرتك تفتح العلبه وتنضف كتاوت المروحة أو تخلي كهربائي يقوم بالموضوع ده عشان يحدد هو عايز يتغير ولا لأ ... ارجو ان أكون أفدتك

**هشام السيد** · 27-10-2014 10:22 AM

ربنا يكرمك طيب مش ممكن يكون الترموستات اللي راكب في الرادياتير ؟

**ayman hamdy** · 27-10-2014 10:33 AM

العلبة اللى قدام البطارية فيها 5 كتاوت دول مسؤولين عن تشغيل المراوح بالترتيب كدة زى ما حضرتك عايز :
وحضرتك واقف قدام العربية من اليمين الى الشمال :
1- الكتاوت الاول وهو k60 لونه رصاصى ودة كتاوت كلاتش الكمبروسر لما تشغل التكييف يشغل الكمبروسر وكمان يشغل المروحتين سرعة اولى فقط ودة فى حالة تشغيل التكييف عن طريق قفل دائرة ارضى الكتاوت الثانى k87 اللى مسؤول عن تشغيل المروحتين سرعة اولى
2-الكتاوت الثانى وهو k87 لونه اخضر ودة مسؤول عن تشغيل المروحتين سرعة اولى فقط فى حالة عدم تشغيل التكييف عن طريق قفل دائرة ارضى السويتش الرصاصى (ترمستات المراوح) اللى فى الرايدتير
3- الكتاوت الثالث وهو k52 ولونه بنى والكتاوت الرابع وهو k53 ولونه بنى كمان والكتاوت الخامس وهو k51 دول مسؤولين عن تشغيل المراوح سرعة تانية سواء فى حالة تشغيل التكييف او عدم تشغيله
4- فى 2 كتاوت كمان جنب البطارية الاول هو k28 لونه اسود ودا مسؤول عن تشغيل المروحتين سرعة ثانية وثالثة فى حالة تشغيل التكييف عن طريق قفل دائرة ارضى سويتش الضغط العالى بتاع التكييف الموجود على شجرة التكييف والكتاوت الثانى وهو k67 لونه اخضر ودة مسؤول عن تشغيل المراوح سرعة رابعة عن طريق قفل ارضى السويتش الازرق ( ترموستات المراوح ) اللى فى الرايدتير فى حالة عدم تشغيل التكييف وفى حالة تشغيل التكييف عن طريق قفل ارضى سويتش الضغط العالى بتاع التكييف اللى على شجرة التكييف امام فرن الجكمان
انظر الصور وركز شوية هتلاقى الامور واضحة جدا ومفهومة

تقبل تحياتى

**ayman hamdy** · 27-10-2014 11:27 AM

المشاركة الأصلية كتبت بواسطة هشام السيد

تسلم ايدك ياباشا بس انا فكرت في حاجه ان المروحه طالما بتقف او بتشتغل متاخر اوي ممكن يبقي الترموستات ابتدي يخرف فبفكر اغيره بحاجه للتجربه . في نوع ترموستات ارخص ممكن اركبه ؟ لحد متاكد العيب منين ؟

طال ما بتخبط على الكتاوت بتشتغل السرعة الاولى عند 90 درجة يبقى كتاوت رقم k87 الاخضراللى هو تانى واحد من على اليمين وحضرتك واقف امام العربية
ولا فى حاجة تانية ممكن تشرح لنا الوضع بالضبط علشان نقدر نفيدك مضبوط
تحياتى