العربية بتكهرب

**jimmy.awad** · 26-10-2014 10:36 PM

السلام عليكم
من حوالى شهر كدا ابقى ماشى بلعربية واجى انزل المس الباب يكهربنى مع انى عارف ان كهربة العربية 12 فوات متكهربش رحت لكهربائى قلى العربية مية مية طﻻما انت مش عامل شغل فى دفيرة الكهربة اختفت المشكلة حوالى شهر ولسة جاية تظهر انهردة اشد من اﻻول
فياربت تفيدونى اية حلها

**attaa11** · 26-10-2014 11:19 PM

حضرتك .. اقرا كويس عن الكهرباء الاستاتيكية ...
انتا اللي بتكهرب مش العربيه ... لو حضرتك قعدت ف العربيه مده طويله وجيت تخرج منها وتقفل الباب هتلاقيك اتكهربت .. او لو كنت راكبها ونزلت تمون ف البنزينه هتتكهرب .. انا كنت زيك بالظبط
الحل .. ان حضرتك تلبس بناطيل جنيز او قماش ساده من غير بوليستر .. ولو بتلبس كوتشيات ..يفضل ان جلدها يكون من النوع الجيد .. العربيه سليمه وزي الفل .. وكل انسان بيكون جواه شحنه كهربا .. وبتتفاعل مع اللبس او المكان اللي بيكون فيه ..

**jimmy.awad** · 26-10-2014 11:35 PM

متشكر لمرور حضرتك جداا الكهربائى قلى نفس الكلام بس انا قلت مش للدرجة ان شاء الله هنفرغ الشحنة دى

**karkour33** · 27-10-2014 12:21 AM

ياباشا كلامه صح جدا حضرتك السبب في الكهربا مش العربية بس الحل مش في البناطيل و اللبس بس الفكرة انك بتنزل من العربية بسرعة و بتقوم من عالكرسي بسرعة قوم بالراحة ابعد ضهرك عن الكرسي بالراحة يعني مش هتتكهرب

**shoshasam** · 27-10-2014 12:33 AM

بالاضافة لكلام الاعضاء , أنا رأيي ان عندك املاح زيادة في جسمك
كان أخويا اوقات يمسك حنفية المياة يتنطط ويقولي اتكهربت امسها انا مالقيش حاجه
روحنا لواحد دكتور صاحبنا قال املاح زيادة

* أشرب مياه كتير وعصاير
* ابعد عن الطرشي والتوابل الكتير
* ممكن فوار لاذابة املاح الجسم

أتمني اكون افدتك