أفضل نوع تيل فرامل ؟؟؟

**Dawns_Mist** · 19-07-2011 05:58 PM

الفرامل عندي عجيبة يا جماعة ..
أنا معايا بومة 2005 خليجي 1600
أولا بحس إن فيه هوا في الفرامل لإنها بتتأخر على ماتشد معايا لازم أكبس لحد نص الدواسه على الأقل ، سألت الميكانيكي كذا مرة يقولي مافيش هوا و مية مية و يحلفلي بالطلاق.
تاني حاجة .. التيل بيخلص بسرعة جداااااااااااااا يادوب مش بيكمل 10000 كيلو
و كل ماسأل حد على أحسن نوع تيل لعربيتي بيقولي التركي .. أجيب التركي أحس إنه بيتبخر بعد 8000 كيلو مثلا

فياريت لو حد يقولي إيه أقوى نوعية تيل فرامل تركب لعربيتي تخلي الفرامل معايا تقيلة ، و كمان يعيش شوية ، و يا ترى سعره كام .

و كمان لو حد ليه خبره يقولي إزاي أخلي الفرامل بتاعت عربيتي عموما أقوى من كده .. العربية عندي ماشاء الله مش بتزعلني في أي حاجة غير موضوع الفرامل ده .. يتزحف بسهولة لو العربية مش محملة ، و لو محملة أوزان كتير ببقى زي اللي ماشي من غير فرامل خااااااااااااااااااالص .. و كمان بحس إن تلتينها فاضي طووووووول الوقت ... يا ترى أفضي زيت الباكم خالص و أجيب زيت جديد باكم و أفرغ هوا برضه و كده و أنا بركب التيل الجديد ، ولا أعمل إيه بالظبط ؟

**gta10** · 19-07-2011 09:05 PM

افضل تيل جربته بعد الاصلى هو تيل s.k الالمانى شغال معايا بقالى 26000 كيلو و عمره ماصفر معايا و الفرامل شديدة جدا الحمد لله

**Dawns_Mist** · 19-07-2011 11:14 PM

بكام الـ s.k يا باشا ؟؟

**M.Al-Hefnawy** · 20-07-2011 12:32 AM

يا ريت تقولنا بكام وموجود عند مين؟

**gta10** · 20-07-2011 03:36 AM

انا كنت جايبة ب120 جنيه بالصاج و السوست بتاعته من عند الخواجة اللى فى شارع البحر الاعظم و ممكن تلاقيه عند المنير فى فيصل
و دى صورة العلبة بتاعته هى الصور منقولة

http://img72.imageshack.us/img72/8073/gdsc0022.jpg
http://img16.imageshack.us/img16/5283/gdsc0023.jpg

**Dawns_Mist** · 20-07-2011 04:22 PM

شكرا جزيلا يا باشا .. هجربه المرة الجاية و بإذن الله يظبط معايا

**dede_sese** · 20-07-2011 05:17 PM

معلش هو فين محل الخواجه ده بالضبط فى ش البحر الاعظم ولا ش ربيع الجيزى. معلش ان امكن العنوان
وشكرا

**gta10** · 20-07-2011 05:36 PM

فى شارع البحر الاعظم لو انت جاى من الجيزة هاتلاقيه على يمينك جنب حلوانى الدمياطى اللى قبل شارع المدبح و لو انت جاى من المنيب او الدائرى هاتلاقيه بعد القرية الفرعونية بحوالى 750 متر على شمالك

**M.Al-Hefnawy** · 20-07-2011 11:27 PM

طيب هو التيل ده بيركب على عربيات تانية زي الاوبل مثلا ... ممكن اشوفه عند حد بتاع قطع غيار اوبل لأني مش من القاهرة.

**Dawns_Mist** · 21-07-2011 02:59 AM

طيب .. حد عنده خلفية عن بايقي المشاكل اللي أنا حكيتها عن العربية عندي ...؟؟؟
هل كلها مشكلة تيل بس ؟؟ ولا فيه حاجة المفروض أعملها أو أشيك عليها ؟

الموضوع: أفضل نوع تيل فرامل ؟؟؟

LinkBack

أدوات الموضوع

عرض

المواضيع المتشابهه

ما هو أفضل نوع تيل فرامل غير الاصلي؟

اخيرا تعديل فرامل الفيرنا امامى وخلفى (سكاكين)الى فرامل رياضية

أيه أفضل زيت فرامل

أفضل فرامل لعربية أقل من 100 ألف !!!!!

سيفيك سيدان تفوز بجائزة أفضل قيمة إجمالية, و أفضل إختيار آمن لعام 2010

الكلمات الدلالية لهذا الموضوع

المفضلات

المفضلات

ضوابط المشاركة