الموضوع: سؤال للمهندسين

أكتر قسمين فى هندسة نسبة التشغيل فيهم عالية هما مدنى و ميكانيكا و ممكن هندسة إنتاج

طبية فرص شغلها حلوة مش وحشة. بتبقى يا أما في الSales او technical support في شركات الأجهزة الطبية او في الصيانة و دي المرتبات بتاعتها كويسة. المجال التاني اللي طبية بيشتغلوا فيه (يمكن اكتر من نص الخريجين بتوع طبية) هو ال IT و ال programming بتفريعاته و برضه سوقه حلو و مرتباته كويسة.

يعيب طبية انه بقى موجود في جامعات كتير خاصة و بالتالي بقى نسبة الخريجين كبيرة مفيهاش ندرة زي زمان

ميكانيكا و ميكاترونيكس معنديش خلفية عنه بس ليا واحدة صاحبتي طبية و جوزها مهندس ميكانيكا بيشتغل في مبيعات شركة كبيرة و كانت بتشتكيلي انه مرتبه صغير (مجابش 4000 بعد 7 سنين خبرة)

أهم حاجة انك تعمل استخارة و ربنا بأذن الله يوفقك للي فيه الخير

بالمناسبة انت جامعة ايه؟؟

المشاركة الأصلية كتبت بواسطة omar101970

ليه ما فكرتش فى قسم كهرباء ؟

ناس كتير كرهونى فيها مهندسين كهرباء اساسا ورشحولى طبية

المشاركة الأصلية كتبت بواسطة محمد يوسف

لو ظروفك تسمح لك بالسفر بره المخروبة دى يبقى طبية أو ميكاترونيكس

لو مغروز فى الوحل زينا يبقى ميكانيكا ...باور أو انتاج مش حاتفرق

اعرف ازاى ان ظروفى تسمح انا اكيد نفسى اكمل بره

المشاركة الأصلية كتبت بواسطة hh

طبية فرص شغلها حلوة مش وحشة. بتبقى يا أما في الsales او technical support في شركات الأجهزة الطبية او في الصيانة و دي المرتبات بتاعتها كويسة. المجال التاني اللي طبية بيشتغلوا فيه (يمكن اكتر من نص الخريجين بتوع طبية) هو ال it و ال programming بتفريعاته و برضه سوقه حلو و مرتباته كويسة.

يعيب طبية انه بقى موجود في جامعات كتير خاصة و بالتالي بقى نسبة الخريجين كبيرة مفيهاش ندرة زي زمان

ميكانيكا و ميكاترونيكس معنديش خلفية عنه بس ليا واحدة صاحبتي طبية و جوزها مهندس ميكانيكا بيشتغل في مبيعات شركة كبيرة و كانت بتشتكيلي انه مرتبه صغير (مجابش 4000 بعد 7 سنين خبرة)

أهم حاجة انك تعمل استخارة و ربنا بأذن الله يوفقك للي فيه الخير

بالمناسبة انت جامعة ايه؟؟

انا منصورة
كل الناس بتشكرلى فى طبية بصراحة بس انا مش عارف مش عاجبنى المجال بالرغم من ان كل الى حواليا بيشكرولى فيها وفى شغلها

بس ليه كل الناس بترشح ميكانيكا عن ميكاترونيكس مع ان المفروض المستقبل مع ميكاترونيكس (الاسباب )

المشاركة الأصلية كتبت بواسطة amdd

هقولك على حاجه شوف الشعبة عندك امتى (يعنى هتدرس ميكاترونك فى اخر سنة بس ولا من اولى ولا ايه؟)
لو هتدرسها سنه واحده مش هتبقى قوى فيها لو هتاخدها سنتين او من اولى ارشحلك ميكاترونك
بس بصراحة ميكانيكا غلسة لو انت مش هاويها بلاش احسن

بقولك كده وانا مهندس ميكانيكا إنتاج ميزتها ان فرص شغلك اوسع طبعا الباور اوسع

وشوف انت مقيم فين لو فى محافظة نائيه زى حالاتى خليك 100% ميكانيكا
لاكن لو مكان مفتوح مش هتفرق

اوزن العملية وحدد انت بتحب ومايل لمين

انا هدرس ميكاترونيك من اولى مش شعبه فى اخر سنة