-
العربيه دي تديك اداء حلو قوي مع التكييف لما تجيبها مانيوال ... انما اوتوماتيك على 1200 و 3 سلندر ... تبقى ولاتسوى .. لا وبكام .. ب 112 الف .. هيا النيسان الصني وحشه ؟ ولا الهونداي الاكسنت ار بي ؟ ولا البروتون بيرسونا او جين 2 ؟ولا البريليانس ال fsv او ال frv cross؟ ادي المنافسين بتوعها وفي نفس رينج السعر ومن مختلف الصناعات .. اللي بيحب الياباني ولا الكوري ولا الماليزي ولا الصيني ... ونقي اللي يعجبك ...
-
موضوع شيق
موضوع لذيذ و مفيد في نفس الوقت
أحييك على أسلوبك المتميز في العرض
و شكرأ لنقل التجربة و الرد على تساؤلات الكثيرين انا واحد منهم
-
شكرا على الموضوع المميز دة
انت طرحت الموضوع بشكل لذيذ لكن هناك ملاحظات.
اولا : انت مسكت النقط اللى الكل كان بيقول عليها انها عيب فى الاتراج و مع الوقت ظهرت ان العربية كويس فى السحب عكس المتوقع .
لكن فى نفس الوقت بتقول ان التكيف حمل على العربية علما بانك بتقول ان العربية ادائها 1600 و دة تناقض بين الكلام اللى مخليك تحس ان العربية ادائها 1600 ان الفتيس زكى جدا و نقل سريع و دة ميزة كبيرة فى العربية التكيف مع العربية مش زى ما بتقول بتتاتا التكيف مع العربية زى اى عربية انت راكب العربية فيها 3 افراد و العربية 4 راكب و العربية بشاهدتك فى السحب ممتازة .
ثانيا : التابولة على كلامك فقير جدا هو مش فقير هو بسيط مش متكلف زى الكورى حركات كدة وحركات كدة بس انت عايز الشكل و لا المضمون . اللى موجود فى التبلوة موجود فى كل العربيات تماما .
ثالثا :العربية فيها وسائل امان لم تتكلم عنها مش موجودة الا فى السوزوكى و الاتراج فى نفس الفئة السعرية زى air bag . abs . ebd كل دة ماقولتوش.
رابعا : العربية عاليا و ثابتة وناعمة بشاهدتك و انتوا 3 فى العربية و دة فى حد ذاتة ميزة .
انت بتقول ان العربية جابت مع التكيف اقصى سرعة 60 ك و دة مش حقيقى لانها عربية مواصفات خليجية مش مواصفات مصرية يعنى معمول حساب التكيف كويس قوى مع سحب العربية و عن تجربة 4 فى العربية و محمل الشنطة و مشغل التكيف و ماشى على 150 ك و متوسط استهلاك البنزين كان 16.5 ك فى اللتر و الله العظيم زى ما بقولك كدة .
خامسا : انت باسلوبك الحلو حطيت السم فى العسل و بتظلم عربية عالشان بدأت تنتشر و تسمع كويس قوى و اسأل رأى الملاك عن اداء العربية بالتكيف و بدون تكيف محدش هيضحك على نفسة لو العربية زى ما بتقول هتلاقيها بتتباع مستعملة بالعبيط و دة مش باين خش على كونتكت و شوف العربيات المتباعة هتلاقيها 1 او 2 و اللى كاتب لظروف السفر او واحد عامل اعلان للتقسيط .
شكر ليك فى الاخر.
-
الحكم على الاتراج لن يكون منصفا تماما قبل مرور سنتين او الوصول الى 100 الف كيلو لبعض السيارات حتى يظهر مدة كفاءة السيارة على المدى الطويل وهو الأهم ... من الطبيعي جدا سيارة جديدة تماما اداءها يكون ممتاز لكن لم يمر على السيارة عام كامل حتى الان ولا أظن أن أحد قد وصل بها اكثر من 20 الف كيلو ... وهذا غير كاف للحكم على اداء السيارة بعد الاستهلاك لفترة من الزمن ...
-
الحته الفاضيه دى عشان فئه 2...الفئه 3 الكاسيت عريض او الفئه 2 خليجى كاسيت عريض.
اه نسيت الموضوع مش غريب على السوق المصرى زيه زى مواضيع الامجراند بالضبط وفى الاخر اتفرج على الامجراند فى الشارع وده لانها امكانيات مقابل سعر
ابقى قول حاجات حقيقيه عشان الناس تصدق مش اخرها 60
-
بصراحة موضوع ان العربية مبتجبش ٦٠ بالتكييف بين ان الموضوع تكسير فى العربية لانه كلام مش منطقى .... العربية دى لو فيها عيب هيبقى التوكيل.دى لو ماروتى مش هتبقى ٦٠ يا راجل حرام عليك :d :d
-
انا معايا الاتراج والحمد لله مفيش ضعف سحب .. يمكن في مشكلة في العربية اللي جربتها
أنا سافرت بيها مطروح يعني 450 كم متواصل على 100 -140 بفضل الله ومحملها 5 أفراد والشنطة على آخرها وحطيت حاجات فوق العربية كمان ومشغل التكييف ومفيش الكلام اللي بتقوله دا .. ممكن يكون في ضعف خامات في الصالون بس دا على حساب السعر عشان مترفعش واهتم بالماتور والأساسيات الهامة في السيارة
إذا هتقارنها بالكورولا أو السيفيك مثلا أقول كلامك مظبوط لكن فئتها كلامك غلط خالص
-
الاتراج دى فعلا عربية حريمى بامتياز عشان كمان ابعادها.... يعنى ممكن تتقارن مع الجراند i10 و البيكانتو و السويفت... و برضو عشان الستات او البنات و ده مش عيب لان الواحد اللى يجيب عربية لمراته لازم يكون البور بتاعها ضعيف عشان يقلل نسبة الخطورة.. أما عربية 1600 قوية ربنا يستر من قلة خبرتهم في السواقة
هو طبعا اللى هتجيب عربية زى دى هتبقى ممتازة لانها جديدة و جودة ميتسوبيشى اللى انا مجربها في الكريستالة حتى بعد عشر سنين استعمال
.... مشكور على نقل التجربة
....
-
موضوع غريب...و غريب دى حط تحتها مليون خط...
العربيه معايا بقالها 5 شهور سحب بتكييف من غير تكييف فيها ناس مافيهاش ناس العربيه نفس القوه و السحب و الاداء الممتاز....التابلوه فى الفئه الثانيه فقير لكن الهاى لاين كاسيت ممتاز و عريض......
موضوع السحب ده كوميدى بصراحه واضح انك كنت بتجرب عربيه تانيه و جربت عربيه بايظه او قاصد تكتب بالشكل ده انا هافترض حسن نيتك......لكن التقرير مضلل و غير حقيقى من وجهة نظرى و انا من اوائل ملاك العربيه....
-
نسيت اقول ان اللى عايز ييجى يجرب عربيتى الشخصيه بنفسه يتواصل معايا و ييجى يجربها علشان الناس تعرف مدى مصداقيه هذا الموضوع المريب
Content Relevant URLs by
vBSEO 3.6.0 PL2