أنواع الميجان

**Wins more** · 28-10-2014 03:55 PM

السلام عليكم
انا في مرحلة البحث عن عربية مستعملة ، وعلي حسب امكانياتي استقريت علي الميجان 2006 ، بس بلاقي كلام مش فاهمة زي الفرق بين (اعلي فئه او الفئه الاولي ، الفئه الثانيه) ، الفرق بين (اتوماتيك كامله ، واتوماتيك بس) ، الفرق بين (هاي لاين بانوراما ، توب لاين)
ارجو الافاده عشان اعرف انا بشتري ايه

**Ahmed Koller** · 28-10-2014 04:08 PM

اول فئه : مانيوال . طاسات . مثبت سرعه في بعض السنين
تاني فئه : اتوماتيك وجنوط . ومثبت السرعه برده نزل في بعض الموديلات وبعضها لا
تالت فئه : اتوماتيك وفتحة سقف بانوراما وجنوط ومثبت السرعه برده مش في كل السنين
رابع فئه : الهاي لاين ..... اتوماتيك وفتحة سقف بانوراما وفرش جلد وتكييف تاتش وعتب ومثبت سرعه

كل الفئات فيها زجاج كهرباء لمسه واحده . و٦ ايرباج . و التحكم في إضائة التابلوه والكاشفات الاماميه وحساس مطر وإضائه وستائر في الابواب والزجاج الخلفي .و فرامل ebs وebd وكلهم بيشتغلوا بالكارت

اتمني اكون وصلتلك المعلومه وإن شاء الله زمايلنا يضيفوا

**Wins more** · 28-10-2014 04:42 PM

متشكر جداً طبعا استفدت جدا وفهمت
بس هل معني كلامك ان الاربع فئات دي في نفس موديل السنه 2006
وان كده افضل فئه هي الرابعه
وان الفئه الرابعه هتبقي اغلي من التالته وهكذا

**Super_Star_h** · 28-10-2014 06:45 PM

المشاركة الأصلية كتبت بواسطة wins more

متشكر جداً طبعا استفدت جدا وفهمت
بس هل معني كلامك ان الاربع فئات دي في نفس موديل السنه 2006
وان كده افضل فئه هي الرابعه
وان الفئه الرابعه هتبقي اغلي من التالته وهكذا

ايوه يا باشا الفئه الاعلى هى البانوراما يعنى فتحة سقف وتكييف تاتش .. وهى الاغلى فى السعر وحسب الحاله برضو
اما حكايه الفرش دى انا معرفش بصراحه
يعنى ساعات بلاقى ميجان بانوراما وفرشها قماش هى والابواب !
وساعات بلاقى الفرش الجلد للكراسى والابواب
الجلد افضل طبعآ لانه مش بيقشر وكمان القماش بيتقطع وبيهرول وبيبقى مبهدل شوفته فى كذا عربيه طالع عينه

**Wins more** · 29-10-2014 04:26 PM

طب كويس انا كده فهمت
بس كل الناس بتقولي متجبش ميجان عشان قطع غيارها وصيانتها عموما غاليه
ايه رايكم
ياريت الاجابه عن تجربه فعليه

**Ahmed Koller** · 29-10-2014 06:51 PM

حسب امكانيتك
ولازم تعرف انها فئه عاليه . يعني زي الاوكتافيا a5 والمازدا ٣ والسيفك والكورولا .... فأكيد قطع غيرها مش بتمن قطع غيار الفيرنا والاوبترا والنوبيرا .

بس قطع غيارها ارخص من العىربيات ال جمبها

**Ahmed Selim** · 30-10-2014 11:38 AM

شوف الموضوع ده

http://www.nilemotors.net/Nile/321055-2.html

**Ahmed Koller** · 30-10-2014 06:49 PM

شكرا للأضافه .. بس انا اشتريت من الزيرو وعارف كويس فرق الفئات ولسه كلام المندوب بتاع معرض الطارق في وداني

**Ahmed Koller** · 30-10-2014 06:51 PM

وعلي فكرة في فرق انك تشتري من معرض وتشتري من موزع معتمد ... بمعني ان الموزع ممكن يلعب في حتة انه يديلك الاتوماتيك بطاسات وياخد الجنوط ويضحك عليك في فرق السعر