الموضوع: خلاصه رحله ربع مليون كيلو علي متن محبوبتي البيرسونا

المشاركة الأصلية كتبت بواسطة swimmer25

مبارك عليك البيع
سؤال صغير..هو سير الكاتينة كاوتش ولا جنزير؟

سير الكاتينة كاوتش

بس أنا شايف ان سعر البيع (50 ألف) كويس جداً جداً باعتبار عمر السيارة والعداد العالي.!!
كمان المانيوال دلوقت عموماً أتقل في البيع والطلب عليه أقل.
و متنساش انك شاريها بحاجة وتمانين ألف بس :)

مبروك البيع و هارد لك فى نفس الوقت. أنا كنت و مازلت بعشق العربية دى و لينكات تقاريرى عليها هتلاقيها غزل و شعر بس ربنا يحفظ الأعضاء و يبعد عنهم كل شر كنت عملت بها حادثة و بعتها و جبت جين 2 مؤقتا لحد ما أشوف هعمل إيه
مش عايز أضايقك انت خلاص بعتها بس باستثناء عدد الكم اللى للأسق بيخوف الناس بصرف النظر عن حالة العربية انت بايعها رخيص جدا و مش رينجها تماما و من غير ما أقولك رقم لأنى دوست فى الموضوع أنا بايع عربيتى الحمد لله مقلوبة فى حادثة و عايزة سقف و 3 جنوظ و أربع كاوتشات و رفرف غير السمكرة و المصنعية و بيقال الفتيس كمان كان مكسور ب35 ألف و هى نفس موديل عربيتك و مانيوال برده و كان وقتها تكلفة تصليحها حوالى 25 ألف + يعنى بفرض اللى اشترى منى أكيد عنده سكة يصلحها و يجيب قطع غيار بمبالغ أقل منى كزبون قول هيكلفها من 15 ألف ل 20 ألف و يعنى هتجيب الخمسين اللى انت قلت عليها قبل ما يحط مكسبه. عموما قدر الله و ما شاء فعل و أنا مش قصدى أضايقك و الله بس لما قلت إنها مع أخوك ما حبتش يتكرر الكلام معاك تانى و على فكرة الكلام اللى بقوله ده كان من سنة يعنى كان لسه تمنها جديد 110 ألف قبل ما تبقى 116

المشاركة الأصلية كتبت بواسطة dr\mohamed

أنا رأي من رأي حضرتك العداد الكبير ميعيبش العربية بشرط إن تكون حالتها كويسة
ياما عربيات موديل السنة ومتهانة جدا مع أصحابها ..... ليا واحد صاحبي معاه نيسان صني 2014 الشكل الجديد مطلع عنيها في القرص والحرق والكك دون لغاية ما بتصعب عليا لما بكون راكب معاه وهو رأيه إنه كده بيتمتع بيها وكانت النتيجة عمل حادثة بيها غيير جنب كامل رفرف خلفي والبابين

وطبعا ياما ناس مش بتخاف ربنا بيلعبوا في العداد

دمتم بخير

هى دى مشكلتنا الحقيقية فى السوق اللى بيحدد سعر البيع عوامل ثابتة و غبية مالهاش أى علاقة بقيمة العربية يعنى على سبيل المثال لا الحصر موضوع الكيلو مترات ده رغم إن زى ما حضرتك قلت يا ما عربيات عاملة كيلومترات قليلة و متهانة و فى عربيات عاملة كيلو مترات خزعبلية و زى الفل أنا حمايا باع عربيته عاملة 330000 و كان موتورها مافيهوش الهوا و كان بيتنطط و حاطط رجل على رجل و بيقول المشترى أنا مستعد أعمل زيهم تانى من غير ما أفتح الموتور.
و حاجة زى موضوع الفابريقة يعنى حد يقولى إن فيه عربية واحدة بيعدى عليها شهر من غير لا خدشة و تطبيقة و لا حكة ركنة و لا مسمار و لا سندة غلط على عمود أو سور و حتى لو تفاديت ده كله باقى الشعب بيقوم معاك بالواجب و بعد كده يقولك لأ يا باشا دى رشة و ترد يا عم ده حزام نضافة مش أكتر عشان ممشيش بعربية مخبطة و برده ما فيش فايدة.
يا راجل ده فى أى حتة فى العالم تغيير اللون عمره ما كان مشكلة لازم تمشى باللون اللى يريحك خاصة لو اللون مش موجود فى موديل العربية أو جايبها مستعملة و ده الأعم يقولك ما دام يا باشا دهنت سقف و شنطة يبقى العربية مقلوبة!!!!!!!!!!!!!!!!!!!!!!!!!!!!!!!!!!!!!! !!!!!!!!
ده غير الغباء الأصيل للسوق اللى خلاص قفل على عربيات معينة بعينها هى اللى لها إعادة بيع و الباقى كله كخة و مالوش و مش هيدخل كمان

المشاركة الأصلية كتبت بواسطة jisso82

هى دى مشكلتنا الحقيقية فى السوق اللى بيحدد سعر البيع عوامل ثابتة و غبية مالهاش أى علاقة بقيمة العربية يعنى على سبيل المثال لا الحصر موضوع الكيلو مترات ده رغم إن زى ما حضرتك قلت يا ما عربيات عاملة كيلومترات قليلة و متهانة و فى عربيات عاملة كيلو مترات خزعبلية و زى الفل أنا حمايا باع عربيته عاملة 330000 و كان موتورها مافيهوش الهوا و كان بيتنطط و حاطط رجل على رجل و بيقول المشترى أنا مستعد أعمل زيهم تانى من غير ما أفتح الموتور.
و حاجة زى موضوع الفابريقة يعنى حد يقولى إن فيه عربية واحدة بيعدى عليها شهر من غير لا خدشة و تطبيقة و لا حكة ركنة و لا مسمار و لا سندة غلط على عمود أو سور و حتى لو تفاديت ده كله باقى الشعب بيقوم معاك بالواجب و بعد كده يقولك لأ يا باشا دى رشة و ترد يا عم ده حزام نضافة مش أكتر عشان ممشيش بعربية مخبطة و برده ما فيش فايدة.
يا راجل ده فى أى حتة فى العالم تغيير اللون عمره ما كان مشكلة لازم تمشى باللون اللى يريحك خاصة لو اللون مش موجود فى موديل العربية أو جايبها مستعملة و ده الأعم يقولك ما دام يا باشا دهنت سقف و شنطة يبقى العربية مقلوبة!!!!!!!!!!!!!!!!!!!!!!!!!!!!!!!!!!!!!! !!!!!!!!
ده غير الغباء الأصيل للسوق اللى خلاص قفل على عربيات معينة بعينها هى اللى لها إعادة بيع و الباقى كله كخة و مالوش و مش هيدخل كمان

مصطلحات اخترعها جحش
البلد الوحيدة اللي العربية اللي بترش اوحش من المصدية المخبطة اللي موتورها مفوت
البلد الوحيدة اللي محدش بيرضي يقرب فيها من الدواخل
و المصيبة التجار لما يشوفوا عربيات برة مصر رشت دواخل او غيرت لون يقوللك "ده رش عربيته كدة مبقتش تسوي"ببيقي عايز اقوله انت شايف الناس برة حمير علشان يفكروا زيك؟؟؟

كلامكم جميل جدا عن البرسونا... أنا بصراحه كنت بفكر في التيجو الأوتوماتيك 2015... هيا أحسن ولا البرسونا الأوتوماتيك؟؟؟؟