تكلفه عمره موتور 128 دلوقتى ممكن تدخل فى الفين جنيه غير الخراط
الاول تفك الموتور عند ميكانيكى امين و تشوف الحاله و هل هايحتاج عمره كامله ام نصف عمره و ايه اللى هايتغير و بكام و بعدين تشوف التكلفه و انت اللى تحكم هل عمره ام موتور جديد
الافضل فى رأييى ان تشترى موتور استيراد ريجاتا 1300 فى حدود 3500 جنيه بالفتيس بتاعو هاتلاقيه فى عزبه شلبى و احتمال فى الوكاله هايركب مكان موتور 128 و هايكون احسن منه بمراحل بس هايحتاج شويه شغل (سيور و فلاتر و بوجيهات و ضفيره و قواعد موتور و فتيس) بس لازم الشاسيه عندك يكون مظبوط مفيهوش مشكله و العفشه كمان
لو قررت تعمل عمره احسن اماكن تجيب منها حاجات عمره الموتور
- المصطفى فى ش زكى فى التوفيقيه (متخصص قطع غيار داخليه و عمرات موتور للفيات)
- فيات 2000 فى التوفيقية امام سنترال رمسيس
- الكيلانى ش شامبليون جنب دار القضاء العالى
- احمد محرم فى المطريه اخر ش عين شمس امام كليه الهندسه
لو عايز ميكانيكى امين يشوفلك الموتور و تمشى معاه ابعتلى رقمك فى رساله خاصه و اكلمك :)
المفضلات