استشاره من خبراء ال128

**ayminwafay** · 23-06-2008 10:13 PM

العربيه اللى معايا 128 موديل 1974 وانا ماشى بيها تقوم مبطله انزل اشفط بنزين من التنك و احطه فى الكربرتير العربيه تمشى شويه و تبطل تانى و بعدين غيرنا طلمبه البنيزين و الفلتر و ضعطنا هوا فى ماسوره البنزين اللى موصله من التنك و على الرغم من كده البزين اللى طالع من الطلمبة الجديده ضعيف جدا و و ماسوره الفايظ بتاعت الكاربتير مبيطلعش منها بنزين خالص و انا حاسس ان العيب لسه موجود و ان الطلمبه القديمه كانت سليمه يا ترى ممكن يكون العيب ده فين و ايه حله العربيه زهقنى على مدى اليومين اللى فاتو و طبعا انا طعم البنزبن اللى شفطه مش راضى يروح لغايه دلوقتى
برجاء الافاده و شكرا للجميع

**Xpert** · 23-06-2008 10:27 PM

يا باشا علشان تشتري دماغك بتعمل الاتي :
نضف دوره البنزين من اول التاني لحد المانيفولد ..
-فك التنك و اغسله و نضفه
-انفخ هواء في مواسير البنزين
-غير الفلاتر و خلافه
-فك الكربراتير و نضفه (الميكانيكي طبعاُ ) و تغير بيكات جديده
و اشتري دماغك ..
لو لسه بتبطل : ممكن تفك سلك البيجوهات الي في الوسطو هيا مبطله .. اعكسهم .. دور دقيقه كدهو بطل ... و رجعهم زي ما كانو ... (اوعي تتلخبط فيهم)

**ayminwafay** · 24-06-2008 06:03 PM

اولا انا متشكر جدا للاخ اكسبرت
و انا عايز اقول ان انا النهارده فكيت طلمبة النزين تانى
و فى قطعه حديد ( زغاد ) الزغاد ده بنقل الحركة من الكامه لطلمبة البنزين غيرناه بواحد اطول شويه وحالبا انا مشيت بالعربيه حوالى 10 كم و مش قطعت ربنا يسهل و تكون اتحلت المشكله على كده

**Xpert** · 24-06-2008 09:38 PM

طب ده المفروض الميكانيكي كان رعجع عليها اول ما فك الطلمبه اول مره ...

**Xpert** · 24-06-2008 09:44 PM

كان راجع عليها طبعاُ .. مش رجع ههههههههههه

**sab3aawy** · 25-06-2008 10:40 AM

اكتر حاجة عجبتىن فى الموضوع ده كله حكاية "ألزغاد" دة
الصنايعية دول عليهم اسامى عجب

لو العربية بطلت معاك تانى انصحك تفك عوامة البنزين وتنضف المصفاه بتاعتها

**ayminwafay** · 26-06-2008 01:27 AM

هو المفروض الميكانيكى كان اتاكد منها قبل مايركب طلمبة البنزين الجديده بس للاسف ماحصلش و واضح كده ان الطلمبة القديمة كانت سليمه بس العربية الحمد لله مابقتش بتقطع بنزين لغاية دلوقتى و انا شاكر فضل الجميع

**ayminwafay** · 26-06-2008 01:36 AM

تحياتى ياسبعاوي باشا
( الزغاد ) اسم بيدل فعلا على وظيفه القطعة الحديد دى على حسب مافهمت لانها بتدى حركه تردديه ( زغد ) للطلمبه من الكامه
طيب الصنايعيه سموها زغاد اسمها الصح بقى ايه ؟؟

**sab3aawy** · 26-06-2008 09:15 AM

المشاركة الأصلية كتبت بواسطة ayminwafay

تحياتى ياسبعاوي باشا
( الزغاد ) اسم بيدل فعلا على وظيفه القطعة الحديد دى على حسب مافهمت لانها بتدى حركه تردديه ( زغد ) للطلمبه من الكامه
طيب الصنايعيه سموها زغاد اسمها الصح بقى ايه ؟؟

انا الصراحة معرفلوش اسم لأن عمرى ما غيرته منفصلا عن الطرمبة، دايما الطرمبة كانت بتتغير على بعضها، على فكرة انا مش معترض على الإسم، انا قلت انه عجبنى

**saiedsm** · 27-06-2008 07:02 PM

انا يا جماعه عايز اغير كاوتشات العربيه ال 128 بتاعتي يا ترا اركبلها كاوتش نوعه ايه و مقاس كام و بكام بس يا ريت حاجه معقوله
و شكرا

الموضوع: استشاره من خبراء ال128

LinkBack

أدوات الموضوع

عرض

-

-

المواضيع المتشابهه

استشاره عاجله جدا من الخبراء في ال128

الي خبراء ال128

الى خبراء تسعيره ال128

استشاره يا خبراء ال civic

الى خبراء ال128 ... أرجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة