نصيحة عاجلة أجيب زيرو ولا مستعمل فى الحدود دى

**NEW2014** · 08-11-2014 06:23 PM

1_ يعنى أجيب من السوق ولا معرض أفضل؟

2_ أخدها بنزينة تترفع ويفحصوها ولا أخد معايا سمكرى وميكانيكى ولا أفحصها إزاى؟

3_ هل بقى فى حاجة أو طريقة أو إجراءات أعرف بيها العربية دى مسروقة ولا لأ وأن اللى قدامى دة فعلا صاحبها يعنى مش بالورق وخلاص؟

**ahmed p880** · 08-11-2014 07:31 PM

لو معرض هيبقي اضمن
لان برده معظم اللي في السوق تجار
لو تعرف تاخد معاك حد ثقه هيكون اوفر واسرع لان انت مش هتشوف عربيه واحده انت هتشوف كتير جدا
احذر من السماسره هدفه البيعه تتم وخلاص
متشترىش غير من المالك وبحد اقصي توكيل واحد تبقي انت التاني وتطابق الاسم اللي في الرخصه مع التوكيل مع الشخص اللي قدامك لو شكيت في حاجه سيبه وامشي
ومتستعجلش مش لازم تجيب النهارده ولا الاسبوع ده ولا الشهر ده انت مش كل يوم هتشترى
لو هتشتري من السوق بعض ما تعجبك وتتفحص وهتخلص متدفعش كل الفلوس ومتسجلش في السوق
هتدفع معظم المبلغ وهتعمل عقد بيع ابتداي
وتاني يوم او بالاتفاق علي ما يعمل براءه زمه تروح وتسجل
ويا سلام لو رخصه منتهيه وتقوله اعملي شهاده بيانات وتسجل باسمك مره واحده

**eng.samy** · 15-11-2014 04:33 PM

زيرو طبعا

**eng محمد** · 18-11-2014 04:22 PM

شوف ياكبير ...
اولا الجديد جديد ووالكلام دا عن تجرب للمستعمل وللجديد
لو هتجيب مستعمل يبقا خليك فى السزوكى سويفت لانها عربية يبانى وكمان اعادة البيع لانك بتشترى للسوق مع العلم ....
ان طبعا كل المستعمل مطحون وواخد وش بوهية وطبعا فى ناس مش هتأيد كلامى ولكن انا بقول انه بنسة 90 % ويترتي على ذلك انك لو هتجيب مستعمل يبقى عن طريق صديق او قريب او معرفة بحيث تكون عارف قصة حياة العربية دى ايه وطبعا الموضوع دا بيكون صعب ..اذا نيجى للنصيحة الفعلية
انت تجيب زيرو حتى ولو كان اقل الزيرو ولكنك صدقنى مش هتندم ولا اعطال ولاوجع دماغ واقفة الصنيعية هتكرك فى العربية وهيشتغلوك احلى اشتغالة ودا كمان بماانك جديد فى الموضوع ..
فخليك فى الجديييييييد بس خلى باللللك الجديد دا بيتطلب انك تكون بتسووق كويس جدا ومتكونش سواق مبتدأ
مع خالص الامنيات بالتوفيق

**essamz** · 20-11-2014 12:06 AM

المشاركة الأصلية كتبت بواسطة eng محمد

شوف ياكبير ...
اولا الجديد جديد ووالكلام دا عن تجرب للمستعمل وللجديد
لو هتجيب مستعمل يبقا خليك فى السزوكى سويفت لانها عربية يبانى وكمان اعادة البيع لانك بتشترى للسوق مع العلم ....
ان طبعا كل المستعمل مطحون وواخد وش بوهية وطبعا فى ناس مش هتأيد كلامى ولكن انا بقول انه بنسة 90 % ويترتي على ذلك انك لو هتجيب مستعمل يبقى عن طريق صديق او قريب او معرفة بحيث تكون عارف قصة حياة العربية دى ايه وطبعا الموضوع دا بيكون صعب ..اذا نيجى للنصيحة الفعلية
انت تجيب زيرو حتى ولو كان اقل الزيرو ولكنك صدقنى مش هتندم ولا اعطال ولاوجع دماغ واقفة الصنيعية هتكرك فى العربية وهيشتغلوك احلى اشتغالة ودا كمان بماانك جديد فى الموضوع ..
فخليك فى الجديييييييد بس خلى باللللك الجديد دا بيتطلب انك تكون بتسووق كويس جدا ومتكونش سواق مبتدأ
مع خالص الامنيات بالتوفيق

طب واللى لسه يتعلم