feen ayaaam zamaaaaaaaaaaan
kanet el IBIZA be 53000, Corolla be 75000, Vectra 85000, ya rab terga3 tany ........ ba7lam taba3an :D
عرض للطباعة
feen ayaaam zamaaaaaaaaaaan
kanet el IBIZA be 53000, Corolla be 75000, Vectra 85000, ya rab terga3 tany ........ ba7lam taba3an :D
كل العربيات مبالغ في سعرها و حرام الفلوس اللي بتدفع فيها و لكن حكم القوي
يعني الواحد اما يدفع 70 ألف في كيا بيكانتو ده يبقي إسمه إيه
جميع السيارات مبالغ فى سعرها بسبب الجمارك العظيمة، ممكن تراجع اللينك ديه و تشوف:
http://akhbarelyom.org.eg/sayarat/issues/128/1600.html
و لأ منقاطعش الكل عشان ده مش منطقى
بس اللى يعلى سعر العربية بصورة مش مفهومة و يقول أصل الجبنة الفلمنك غليت ده اللى نقاطعه، بسيطة يعنى!!
و زى ما زميل قال هنا من كام يوم، يعنى هو الين بيغلى على توكيل سيارة يابانى و باقى التوكيلات اليابانى لأ؟؟ اشتغالات طبعاً
أنا ممكن أكبر دماغى و أنا بشترى بنطلون ماشى، آخرى هيتضحك على فى 10 أو 15 جنيه، بس ازاى أعطى واحد بمزاجى 10 أو 15 ألف جنيه مكسب فوق مكسبه و أقول يعنى أنا هعمل ايه!! العمل بسيط، متشتريش منه، و كمان و انت ماشى من عنده قوله أنا مشترتش منك عشان انت بتستهبل! عشان لما يلاقى نفسه خسر كذا بيعة بسبب واحد - الجشع - يمكن يراجع نفسه
كل العربيات الهيونداى سعرها مبالغ فيه والكورولا الشكل اللى قبل الموجود حاليا مبالغ فيه جدا
وياريت يا جماعه نتفق فى الاخر على قائمه بأسامى العربيات دى وكل التوكيلات الجشعه عشان الصوره تكون واضحه للناس
وشكرا للموضوع
هو زي ما تفضل أ. رفيق صاحب الموضوع ان الموضوع في الأول هيبقى ملخبط .. علشان كده أقترح إن كل واحد يكتب السيارة اللي شايفها مغالى في سعرها ويكتب ليه هو شايف ان هيه متستاهلش السعر ..بالضبط زي ما صاحب الموضوع عمل في بداية كلامه .
من وجهة نظري السبرانزا (وأخواتها ) مغالى في سعرها جدا جدا لأنها وبالمقام الأول فاشلة في اختبارات الأمان و اختبارات الأمان دهية من وجهة نظري هي اللي معليه سعر الأوروبي بشكل عام , غير كده قطع غيارها سيئة للغاية وده بشهادة أصحابها ان عمر قطع الغيار قصير جدا ..
يعني مش معقولة أبدا أروح أشتري عربية صيني بسعر مساوي لعربية كوري أو ماليزي أو أغلى أحيانا !!
والعربية الثانية اللي شايف انه مغالى فيها هي الشاهين ,, مش من المنطق أبدا ان العربية دهية تنزل بالأسعار دهية .. لا أمان ولا أوبشنز ولا شكل ولا قوة ولا قطع غيار ..من الآخر مش مقتنع بسعرها على الإطلاق .. طبعا كل الكلام اللي فات ده وجهة نظر شخصية قد تكون خاطئة وقد تكون صواب . وشكرا ليكم .
لو اتكلمنا عن السعر مقارنة بالخارج عشان الجمارك يبقى هكتب تقرير .... هههههههه
مثال بسيط جداً .. بريليانس جالينا فى السعودية تمنها 20 الف ريال .. يعنى المفروض 30 ألف جنيه ...بس طبعا عشان انت عارفين العربية صينى يعنى جودة عالية و فيها محرك جبااار جدا 2000 سي سي و فيها مرايات كهرباء ... ( ايوا الجمارك بتبص على المرايات الكهرباء و الزجاج الحرارى ...تخيلو؟؟ ) عشان كده سعرها هنا يبدأ من 140 الف جنيه ...
أما بخوص السيارات المبالغ فيها كماركة فرأيي تويوتا عامة اصبحت اسعارها مبالغ فيها .. و كل ده عشان شوية كماليات تافهة و مفيش جديد فى الثبات مثلا !!
( كنت شايف فيديو مقارنة بين سيفيك و مازدا 3 و كورولا الجديدة كانت النتيجة فوز السيفيك و بعدها المازدا ..!! و كان تعليق الناس اللى عملوا الأختبار ان الكورولا الجديدة مفيهاش جديد من ناحية الثبات .. )
رأى شخصي ...
لانسر الشكل القديم و الجديد
بيكانتو
i 10
كورولا الجديدة