+12343567890
المستهلك لازم يبقى واعى
و حتى لو معايا مبلغ كويس، مش معنى كده انى أشوف أحسن حاجة فى حدود المبلغ ده و أجيبها و خلاص
لازم أعرف السلعة ديه تسوى كام
عرض للطباعة
كلامك عين العقل فعلا الناس فاكره ان ربنا حرم الربا بدون هدف (استغفر الله العظيم) وناس كتير فى الشغل عندى يفضلوا يجادلوا طب ليه القروض حرام وليه دى بتسهل حياة الناس ومش مقتنعين ان ربنا سبحانه وتعالى لم يحرم شئ الا لانه يضر الناس
انا باحيك يا جيمنو على رايك ده
مع احترامى لصاحب الموضوع حضرتك حاطط بعض العربيات فى اقل فئة ليها والبعض الاخر فى اعلى فئة واعتقد كده ان تحديد الاسعار المبالغ فيها مش هايكون مظبوط
اعتقد يا باشا انك مفهمتش تعليقها صح
هى قصدها ان فى عربيات انت جايب اقل موديل فيها زى مثلا الكيا سيراتو
انت الموديل اللى جايبه اللى هو F.O MT اللى بـ 90 الف مع ان السيراتو اعلى موديل فيها F.O AT S/R اللى بـ 107 الف
فى حين انت جايب التويوتا ياريس اللى هى اعلى موديل فيها F.O AT اللى بـ 103 الف مع ان المفروض كده انت كنت تقارن بالتويوتا ياريس الـ F.O MT اللى بـ 93 الف
مش عارف بصراحة انا فهمت كلامها صح ولا لاء... بس اعتقد ان ده اللى هى تقصده
انا فاهمة كويس ان مش المقصود المقارنة بين العربيات دى وبعضها ده واضح لكن انا اقصد ان التصويت مش هايكون دقيق لان فيه ناس ماتعرفش كماليات وامكانيات كل عربية فيهم فلما تقولى مثلا ان تعرض اقل فئة فى عربية وتكون بتسعين الف والاقى عربية تانية فى اعلى فئة ليها وتكون تعدى المية فانا ممكن اختار العربية اللى بتعدى مية لانى مش عارف كماليات الاتنين واقول ان العربية دى سعرها مبالغ فيه اكتر من الاولى ولكن الحقيقة ممكن تكون غير كده لانى لو عرفت كماليات العربية اللى بتسعين الاقيها فقيرة جدا جدا بالنسبة للى بمية ويكون بكده اختيارى غير صحيح بالمرة ارجو انى اكون وصلتلك قصدى وشكرا
بالظبط هو ده قصدى مع ان حضرتك مقترح الموضوع لكن حضرتك ماتعرفش جميع كماليات كل واحدة وبالتالى هتلاقى ناس تانية كتير برده ماتعرفش وهاتكون نتيجة التصويت غير صحيحة بالمرة
انا اقترح بعد اذنك يبقى الموضوع بشكل تانى وهو ان يكون كل عربية يتكتب سعرها برة مصر وسعرها جوة مصر وبكده هاتكون الصورة اوضح بكتير بغض النظر عن الكماليات ويكون التصويت منطقى اكتر وشكرا لسعة صدرك