السيارات المبالغ فى سعرها
ايه رأيكو نعمل موضوع عن السيارات اللى سعرها عندنا عالى بصورة مبالغ فيها مقارنةً بسعر نفس السيارة بالخارج؟ (حتى بعد احتساب الجمارك المستحقة)
أملى من الموضوع ده ان يكون فيه تحرك من الناس عن طريق مقاطعة السيارات ديه حتى يقوم التوكيل بتخفيض السعر
يا جماعة احنا المستهلكين و المفروض احنا اللى نمشى السوق على مزاجنا مش العكس، خصوصاً مع وجود البدائل!! فيه توكيلات راضية بهامش ربح منطقى و فيه هيفرقعوا من الجشع، و دوول همه اللى هنستهدفهم..
طبعاً الموضوع هيبقى سمك لبن تمر هندى لفترة، بس ممكن بعد ما نكون وصلنا لقائمة بالسيارات ديه نفتح موضوع جديد يكون منظم، بس ساعتها حد غيرى اللى يعملوا عشان أنا بكتب عربى بسرعة 5 حروف فى الساعة!
أنا هبدأ باذن الله من واقع أسعار السوق الكويتى بما انى حالياً أعمل فى الكويت.. مع العلم ان يوجد جمارك فى الكويت و لكن بنسبة لا تتعدى 5%
هكتب أسعار كذا سيارة (فيهم اللى سعره فى مصر مناسب و فيهم اللى مغالى فيه، للمقارنة)، و أسيب لكم مقارنة هذه الأسعار بأسعار مصر
و بالله التوفيق