ههههههههههههههه اقسم بالله الميكانيكي ده ........ (اطلب من الساده الاعضاء ان تكمل مكان النقط)
يعني المهندس اتكلم صح و ده راجل مهندس اولا و اخير كلامه على العين و الراس
انما الكفتجي اللي بيقول المكنه بتسرب زيت من جوه ده يعني نفهم منه ايه ؟؟؟
المكنه عامله طحينة مثلاً ؟؟؟ فا قالك كدا يعني ...
نفسي اعرف العلامه يقصد ايه ؟؟؟
على فكرة شىء جميل ان المكنه تكون بتسرب الزيت لجوة ... انا والله بفرح جدا ان التهريب بيكون لجوه (دي حقيقه )
مشكلتك حلها اختصارا للوقت
تفتح الكرتيره من تحت .. و تلم مسامير الربط على جمب في حته نظيفه
تشيك على (suction pipe) او انبوب شفط الزيت للطرمبه و تشوف فيه انسداد ولا لا
لو لقيت شوائب فكه و نضفه كويس (بالسولار)
هتفك الطرمبه طبعا . و تبدأ تشوف الجزء اللي شبه الترس ده سايب كدا لما تمسكه ولا ثابت نسبيا في مكانه ... طبعا لو سايب يفضل استبدال الطرمبه بالكامل
هتجيب طرمبه استيراد او جديده على حسب امكانياتك
هتركب كله مكانه
وانت بتقفل الكرتيره ياريت تكون جايب اويلسيل اصلي و تربط بمفتاح عزم
هتقولي مفتاح عزم ايه و ايه الكلام اللي بقوله ده ؟؟؟
انا معلومتي لازم اديهالك من الكتاب مش من دماغي .. الناس اللي صنعت العربية قالت تربط بمفتاح عزم على قدر معين من الربط لتفادي الخسائر ... وانا حابب اوصلك المعلومة .
لاني مبحبش المثل اللي بيقول (المصري بيعرف في كل حاجه .. و يقدر يهد جبال) كل الكلام ده مالوش اي اساس من الصحه و الدليل (الميكانيكي ابو زيت بيهرب من جوه )
ده لو كان الميكانيكي فعلا قالك كدا .. لان يمكن حضرتك فهمته غلط وانا اكون ظلمته بكلامي
ربنا يسامحني لو ظنيت فيه غلط على اساس كلامك
المفضلات