الموضوع: لمبة بيان الزيت

مشكلتى باختصار ان انا عربيتى ابيزا ٢٠٠٠ ولمبه الزيت بتنور لما العربيه بتسخن لدرجه الحراره العاديه بتاعتها
عملت كشف ولمبه اختبار عند مهندس كنترول وقالى اللمبه بتنور لما تزود بنزين وان الطبيعى انها تنور اول لما
العربيه تشتغل يبقا اذن المشكله عندك فى ضغط الزيت ..... لحد كده
وروحت للميكانيكى قلتله على كلام المهندس قالى
بما ان العربيه اول ما بتدور كل حاجه بتبقا تمام ولما تسخن اللمبه بتنور
اذن المكنه بتسرب زيت من جوه
اذن محتاجين نعمل عمره !!!!
ياترى حد من الافاضل الكرام يقدر يقول رأيه فى الحوار ده
وجزاكم الله خيراً

المشاركة الأصلية كتبت بواسطة shikydodo

مشكلتى باختصار ان انا عربيتى ابيزا ٢٠٠٠ ولمبه الزيت بتنور لما العربيه بتسخن لدرجه الحراره العاديه بتاعتها
عملت كشف ولمبه اختبار عند مهندس كنترول وقالى اللمبه بتنور لما تزود بنزين وان الطبيعى انها تنور اول لما
العربيه تشتغل يبقا اذن المشكله عندك فى ضغط الزيت ..... لحد كده
وروحت للميكانيكى قلتله على كلام المهندس قالى
بما ان العربيه اول ما بتدور كل حاجه بتبقا تمام ولما تسخن اللمبه بتنور
اذن المكنه بتسرب زيت من جوه
اذن محتاجين نعمل عمره !!!!
ياترى حد من الافاضل الكرام يقدر يقول رأيه فى الحوار ده
وجزاكم الله خيراً

لو مفيش عندك تسريب زيت من الجوانات بتاعة الموتور ، غطا الزيت مفيهوش مشكلة و مش بيرشح ، الزيت مش قديم اوى و حدث ان لمبة الزيت بتنور على السلانسيه او لما تهدى فى المطبات يبقى المكنه فعلا بتسرب زيت من جوه ههههههههههههه و المكنة فعلا محتاجة عمرة

الميكانيكي لما قال بتهرب زيت جوه لما تسخن
يقصد في تهريب لضغط الزيت غالبا من كراسي الكرنك وجلب البيلات وبالبلدي اسمها الفرشه والزيت بيهدر في الكارتيره ,وفي الحاله دي بتبكون عمره فعلا
كمان مينفعش تغير طرمبة زيت بس, متتغيرش لوحدها بتجاب جديده مع العمره
فانت عشان تاخد قرار صح وميكونش الحساس فيه مشكله
تروح للتوكيل ويحلوا حساس ضغط الزيت ويركب خرطوم بعداد , ويقرا ضغط الزيت الفعلي وعندهم قيم الموتور او انت جوجل عليها
وفي طريقه تحل غطا التاكيهات وتشوف كلهم جايبين زيت علامة الدوره
محكومه
وكدا تقطع الشك باليقين وتوفر فلوسك

المشاركة الأصلية كتبت بواسطة Mecha

الميكانيكي لما قال بتهرب زيت جوه لما تسخن
يقصد في تهريب لضغط الزيت غالبا من كراسي الكرنك وجلب البيلات وبالبلدي اسمها الفرشه والزيت بيهدر في الكارتيره ,وفي الحاله دي بتبكون عمره فعلا
كمان مينفعش تغير طرمبة زيت بس, متتغيرش لوحدها بتجاب جديده مع العمره
فانت عشان تاخد قرار صح وميكونش الحساس فيه مشكله
تروح للتوكيل ويحلوا حساس ضغط الزيت ويركب خرطوم بعداد , ويقرا ضغط الزيت الفعلي وعندهم قيم الموتور او انت جوجل عليها
وفي طريقه تحل غطا التاكيهات وتشوف كلهم جايبين زيت علامة الدوره
محكومه
وكدا تقطع الشك باليقين وتوفر فلوسك

تمام

المشاركة الأصلية كتبت بواسطة sala7

معلش انا عاوز اسأل حضرتك سؤال دون المساس باي كلمه حضرتك قلتها او اي فكره تتبناها
ممكن اعرف حضرتك جبت المعلومه دي منين ؟؟؟؟
- حساس ضغط الزيت ويركب خرطوم بعداد
- وفي طريقه تحل غطا التاكيهات وتشوف كلهم جايبين زيت علامة الدوره

اولا المكنه لما بتاكل زيت بتاكله من مكان واحد اللي هو بين الشميز و رنج الزيت

بس انا عاوز اعرف ايه تهريب السبايك و الكرنك ده و البي الات و الجلب ...!!!

هو فيه تهريب كرنك فعلا بس بيكون لبره مش لجوه المكنه ... و بيكون من جانب سير الكامات او بين الفتيس و المكنه .
بس بردو ايه علاقه التهريب سواء خارجي ولا داخلي بضغط الزيت ؟؟؟
بردو نرجع للسؤال يعني ايه المكنه بتهرب لجوه المكنه ؟؟؟
عندها نزيف داخلي يعني (كمثال)؟؟؟ و لو الكلام ده صح ... ده بيخلي فيه مشكله في الطرمبه و لمبه الزيت تنور ؟ او ضغط الزيت يكون ضعيف

خلونا نلاقي حل و نفكر بصوت عالى

ايه اللي بيسحب الزيت من تحت لفوق على الكامات ؟؟ (الطرمبه طبعا)
لو فيه تهريب من جوه كما تتدعون .. او تهريب من بره
هل لمبه الزيت هتنور ؟؟؟؟


ولا لمبه الزيت بتنور فقط في غياب الزيت او خراب الطرمبه نفسها ولا ايه ؟؟؟

احنا لما نيجي نحل مشكله لازم نركز على المشكله بحد ذاتها و ما نفتحش جمبها في حتت تانيه تتوهنا

خلو الموضوع ده موضوع نتناقش فيه كلنا
وانا متابع

هسألك سؤال ؟

الزيت الموجود فى الكارتيرة ال 4 لتر دول ازى بيرشحو زيت ؟ و ازاى الفلتر يرشح زيت ؟ و ازاى جوان وش التاكيهات اللى موجود فوق خالص يرشح زيت ؟

أقولك أنا الجواب .....ببساطة الزيت موجود داخل الماكينة تحت ضغط ........ فى ماكينات الديزل 5.5 مثلا بار (معرفش البنزين...و كويس اقول انى معرفش)

طيب لو حاجة مضغوطة و فتحت لها سكة ايه اللى يحصل ؟

انخفاض للضغط طبعا

و دا اللى وضحه الاستاذ Mecha

انخفاض الضغط ممكن يكون نتيجة كبر الخلوص بين السبايك سواء المتحركة الخاصة بذراع البستم و عمود الكرنك أو الثابتة اللى بين عمود الكرنك و البلوك (السلندر) فتفتح سكة لتهريب الضغط

ملحوظة جانبية : "السبيكة هى نوع من المعادن شكله دائرى يعمل كطبقة متوسطة بين أجزاء ثابتة و متحركة او بين متحركة و متحركة من معادن مقاومة للتآكل"

و ممكن برضه نتيجة تآكل الكرسى (اللى بيقعد عليه السبيكة الثابتة) فتفتح سكة لتهريب الضغط

أو سدد جزئى فى دورة الزيت نتيجة شوائب متراكمة

أو ضعف لزوجة الزيت نتيجة طول مدته

أو ضغف ضغط طرمبة الزيت الترسية نتيجة بوش (عدم احكام) فيها

و حضرتك اكتفيت بآخر جزئية فقط !!!

المشاركة الأصلية كتبت بواسطة sala7

معلش انا بردوا عاوز افهم .. ايه علاقة سبايك و شمايز و بستون .. الخ بالمبه الزيت ؟؟؟
حضرتك عرفت انا عاوز اقول ايه ؟؟؟
كل المعلومات اللي حضرتك سردتهالنا هنا مشكور على سردها

لكن الحاجه اللي فديتنا فيها النهارده و انا ماقلتهوش اثناء النقاش .. و الصراحه هو ده الهدف من النقاش

اللي حضرتك مهم قلته
ان فيه تراكمات زيت و زيت تحول الى مواد صمغية
هو ده اللي انا مستني اسمعه
تراكمات و انسدادات .. و نروح التوكيل نعمل فلش للمكنه من جوه او بره التوكيل و نجرب

لكن نفك وش الكاتينه و نفرج ع الزيت و هو بيدلق بره المكنه ؟

كدا صاحب الموضوع عرف هيعمل ايه

مع خالص تحياتي

فك الوش و رؤية الزيت وسيلة للتأكد من ان دفع الطلمبة للزيت قوى و جايز العيب يكون عيب مؤشر

المختصر

تراكمات او انسدادات أو فى خط ال hydrodynamic بتاع الفلتر و الطرمبة
أو خلوصات مفتوحة و تفويت فى خط ال hydrostatic بتاع السبايك (ثابتة و متحركة) و الكراسى

و الحالة التانية هى دى اللى كان يقصدها الميكانيكى بالتهريب الداخلى

باقتباس رد الاخ sala7 نظرا لضيق المساحه

زي ما حضرتك عارف الطرمبه بتسحب زيت من الكارتيره وتضخ ع الفلتر اللي فيه by pass علي العرق الرئيسي في جانب البلوك منه يضرب علي كراسي الكرنك والبيلات ومنها ترش عالبستم من تحت تبرده
وخط تاني يطلع يزيت التاكيات وعمود الكامه وجلبها والصبابات
دي دوره التزييت اسمها Hydrostatic lubrication
يعني جميع الكراسي bearings بيجيلها التزييت بضغط ودا غير hydro dynamic system.
في hydrostatic التاكل والخلوصات الزياده تودي لهروب الزيت السريع
internal leakage طبقا لل Q= A*V معادله الاستمراريه , فالطلمبه مش هتلحق توفر ال Q اللي ترفع P في حدود pressure switch اللي بيشغل لمبه انذار انخفاض الضغط
فده المقصود بالتهريب الداخلي . الموضوع مش جديد اتعمل مليون مره
وقياسات العداد والتاكيهات كل الفنيين بيعملوه
ومش محتاج اخد ورد عشان الاخ صاحب الموتور لو سابو كدا ممكن المكنه تكسر بعضها وشكرا