طيب طلاما محدش بيشترك غيري انا و حضرتك في الموضوع عاوز اوصل لحضرتك معلومة
الخلوص اللي حضرتك بتتكلم عليه ده بيتصلح في حالة الموتور بياكل زيت بين الشميز و البستون اللي هو (غويشة امان الزيت) فا ساعتها واحنا بنعمل العمرة بنشيل السبايك و الكرنك و نركب سبايك جديدة و نغسل الكرنك ع المخرطه على خفيف حتى يصبح سطح الكرنك المواجه للاحتكاك املس و نظيف و محكم بعد الربط
الخلوص ده (ليس له علاقة بضغط الطرمبة ولا يسبب ان لمبه الزيت تعطي انذار بوجود خلل ما او تهريب ما)
الطرمبه كدا كدا لو سليمة و الموتور بياكل زيت او بيهرب لجوه (كما هو الزعم) لا تتاثر ولا تعطي انذار بوجود خلل
(اساسا لمبه الزيت بتور لو فيه خلل بعد الطرمبه مباشره او في الطرمبه نفسها ) يبقا ليه ندخل في جزئية اكبر
دليل كلامي ايه ؟؟؟ لو تخيلنا ان واحد المكنه عنده بترشح زيت لبره من فوق و من تحت بمقدار 50 ملي يوميا هل لمبه الزيت بتنور لو الطرمبه سليمة ؟؟؟
علشان كدا انا بقول لحضرتك ان الميكانيكي بيفتري و خلاص بكلام ليس له اساس
انا بقول لحضرتك الكلام ده على يقين لان شوفت بعيني حالات شبيهه بالحالة دي بل هي اسوأ و كان العيب طرمبه بردوا
طيب لو حبينا نتناقش في الجزئية الخاصة بالسبايك و الكرنك و التهريب بينهم نتكلم امتى ؟؟؟
لما يكون الزيت بينقص
انا عمري ما شوفت التوكيل فتح وش المكنه و بيكشف ع ضغط الزيت بالطريقة دي ... ده اكيد فكره مش حاجه عمليه .. حضرتك عارف ان لو الوش اتسال اثناء دوران المحرك هيحصل ايه ؟؟؟؟
على افتراض جدل اننا عملنا كدا اساسا حتى لو فيه تهريب زي ما حضرتك بتقول و الطرمبه كانت سليمة الزيت كلها هيبهدل الدنيا في اقل من دقائق
فكرتك سليمه في حاله اننا فكينا الوش المعدني و ركبنا مكانه وش زجاجي
انا بنقل لحضرتك تجربه من ورشة سيات مش من ميكانيكي في الشارع .. حاجه انا اتعلمتها هناك
سعيد جدا بالنقاش مع حضرتك
مع خالص تحياتي
المفضلات