الموضوع: Brilliance FRV طلب عاجل جدا

المشاركة الأصلية كتبت بواسطة dede_dodo88

أنا في رأيي تزود 3 أو 4 ألاف كمان و تجيب الجيتز أفضل أو أي عربية كويسة تانية في نفس الفئة .
شايف انه مش من الحكمة أنك تآمن لعربية لسة نازلة جديد متعرفش عنها لسة أي حاجة و مظهرتش لسة عيوبها مع الأستخدام الكتير بالأضافة انها عربية صيني كمان مما يزيد الطينة بلة ;
لأن مفيش لسة أي عربية صيني أثبتت أي كفاءة عالية على المدى الطويل + قيمتها بتقل بسرعة كبيرة في أعادة البيع .
متستخسرش أنك تقرص نفسك سنة و تدفع كام ألف زيادة بس تجيب حاجة أثبتت كفاءة و ناس كتير مجرباها ,
و متفكرش في العربية أنك لمجرد عايز تجيب عربية بسعر رخيص وبس ,
في حاجات تانية لازم تبص عليها في العربية قبل سعرها,
و كمان أنا حاسس ان العربية دي فيها " إن " عربية بالأمكانيات دي و ب70 ألف بس ؟! أشـــك .
ده مجرد رأي شخصي مش أكتر

انا اكيد بحترم رايك ومقتنع بيه, بس الميزانية ده اقصاه ومنها عندي اختيارين لعربية عائلية مكنش في غير الفرنا والبريليانس ومن المقارنة ده اعتقد ان البريليانس افضل, وكمان تعتبر شركة كويسة واكيد بافاريان مش هينزل حاجة تهز صورته في السوق.
وعلى كل حال مفيش عربية وسعرها معقول وتكون فيها كل اللي الواحد بيحتاجه.
اعتقد ان البريليانس حلت المسئلة دي.

أنا عايزة أغير من جيتس 2008 ل Frv

المشاركة الأصلية كتبت بواسطة dede_dodo88

أنا في رأيي تزود 3 أو 4 ألاف كمان و تجيب الجيتز أفضل أو أي عربية كويسة تانية في نفس الفئة .
شايف انه مش من الحكمة أنك تآمن لعربية لسة نازلة جديد متعرفش عنها لسة أي حاجة و مظهرتش لسة عيوبها مع الأستخدام الكتير بالأضافة انها عربية صيني كمان مما يزيد الطينة بلة ;
لأن مفيش لسة أي عربية صيني أثبتت أي كفاءة عالية على المدى الطويل + قيمتها بتقل بسرعة كبيرة في أعادة البيع .
متستخسرش أنك تقرص نفسك سنة و تدفع كام ألف زيادة بس تجيب حاجة أثبتت كفاءة و ناس كتير مجرباها ,
و متفكرش في العربية أنك لمجرد عايز تجيب عربية بسعر رخيص وبس ,
في حاجات تانية لازم تبص عليها في العربية قبل سعرها,
و كمان أنا حاسس ان العربية دي فيها " إن " عربية بالأمكانيات دي و ب70 ألف بس ؟! أشـــك .
ده مجرد رأي شخصي مش أكتر

انا بصراحة مقتنع بال FRV اكتر, وبعدين اكبر من الجيتس و 1600 سي سي و 2 ايرباج, وحاجات كتيرة.
هي تعتبر مغامرة كبيرة ان الواحد يجيب عربية زيرو ولسه نازلة محدش يعرف عنها حاجة, بس بريليانس تعتبر من افضل الشركات الصينية, والعربية كويسة وتوكيلها توكيل بي ام , يعني سمعة افخم واضمن توكيل في مصر.
وفي الاول وفي الاخر اللي مقدروا ربنا هيحصل هيحصل حتى لو راكب عربية مدرعة, المهمة احترام قوانين المرور والسرعات المقررة , نمشي في السليم من الاخر و ربنا يفظ طريقنا كلنا ويبارك كل واحد في عربيته ويكفيه شرها.

واشكرك بجد على اهتمامك للتعبير عن حرصك على مصالح باقي الاعضاء, وبجد ده اللي شجعني اني ادخل واشارك في المنتدي .

فعلا يكفى توكيل بى ام

بس الخوف من انها ما تكملش سنة او اقل و تتعب!!

هذا اللى اخاف منه!

عشان كدا متردد بينها و بين الجين تو

مع انى بحب البريليانس كشكل و كعفشة و كموتور افضل

الا ان التجربة تقول ان الجين جيدة!

بس كمان توكيلها سئ! لانى اسمع انه مهمل

الله يعين!

مينا رفيق

حتى لو بيضيفوها و دا شئ صعب

اصلا هى حاجات مش مؤثرة! يعنى فوج لايت جنوط!! رموت ! تعتبر اشياء عادية و لا تؤثر لا على العربية ولا الموتور فى اى شئ!!