النور في الماروتي.....

**moslema_arabia** · 29-10-2008 04:25 PM

السلام عليكم
الاخوة الكرام اصحاب الماروتي- هدوشكم بشوية اسئلة لاني ماليش اي خبرة في العربيات
*انا بفضل الله رزقت بشراء ماروتي بقالي حوالي 6 شهور-مكنتش بمشي بيها بالليل- المهم مع التوقيت الشتوي حسيت ان النور العالي بتاعها مفيش يمكن فرق بينه وبين نور المدينة مش عارفة بصراحة اقرر ان كان فيه مشكلة ولا هوه اصلا كده وخايفة اسالهم في التوكيل يلعبو في حاجة وفتح ونصب - يبقي وجنت علي نفسها براكش
*كمان لما ببطل العربية بحس فيها برجة قلتلهم عليها في الاول ظبطولي كهربا الدينامو وفعلا خفت شوية وبعدين احيانا تحصل واحيانا ابطلها وتبقي عادية جدا
*هوه انا لازم اغسل الموتور؟ يعني الكبوت لما افتحة مش نظيف خالص وخايفة حد يغسلهولي يبوظلي الكربراتير ده مش عارفة ضروري غسله؟
وسؤال كمان معلش اروح اي توكيل -انا رحت صيانة الالف لابورواش وناس تقول مش كويسين مع انه كان زحمة جدا
افيدونا افادكم الله

**maak333** · 30-10-2008 09:09 AM

السلام عليكم
اولا العربية فعلا نورها مش قوي اوي هو ضعيف شوية انا عندي نفس المشكلة لما بكون ماشي في مكان ضلمة شوية واول مرة امشي فيه ببقا حاسس اني مش شايف حاجة فبمشي علي مهل شوية
ثانيا حكاية النضافة من جوة ممكن تتنضف من غير غسيل وفي التوكل كل صيانة هما بيغسلوها من جوه
ثالثا التوكيل اللي في ابو رواش انا مروحتوش وسمعت انو فعلا مش كويس انا بروح اللي في الدقي وهو كويس حتي الان...
وشكرا.
أبو مريم

**maak333** · 30-10-2008 09:14 AM

بالنسبة لموضوع الرجة لما تيجي تبطلي العربية اتاكدي ان مروحة التبريد بتاعت الرديياتير مش شغالةلان كنت بحس ان العربة بتترج بذات وهي سخنة واكتشفت ان المروحة بتكون لسة شغالة وهي اللي بترج العربة لما ابطلها

**sab3aawy** · 30-10-2008 09:17 AM

بالنسبة لرعشة الموتور لو هى لمدة ثانية واحدة متحطيهاش فى بالك، دى طبيعة العربية دى لأن الكربراتير بتاعها مبسط جدا ومافيهوش سولينويد كهربائى يقفل مع المفتاح لمنع مثل هذة الرعشة

اما لو هى بتستمر لاكثر من ثانية واحدة يبقى الأمر ضبط كهرباء

بالنسبة لنظافة الموتور، كل 10 آلاف كيلومتر الى 20 ألف كيلومتر مرة واحدة، مش اكتر من كدة، وهم فى التوكيل بيغسولوهولك

مودرن موتورز ليهم فرع تالت فى الهايكستيب معقول جدا فى الشغل بس زحمة برضه

**moslema_arabia** · 30-10-2008 11:44 AM

جزاكم الله خير علي سرعة الرد والاستجابة - افادكم الله

**xylola** · 30-10-2008 08:33 PM

المشاركة الأصلية كتبت بواسطة maak333

بالنسبة لموضوع الرجة لما تيجي تبطلي العربية اتاكدي ان مروحة التبريد بتاعت الرديياتير مش شغالةلان كنت بحس ان العربة بتترج بذات وهي سخنة واكتشفت ان المروحة بتكون لسة شغالة وهي اللي بترج العربة لما ابطلها

صحححححححححححححححححح المروحة لو كانت شغالة وي افقلتي العربية فعلان العربية هترجرج جامد
علشان كدة دايمن لماتوقفي استني دقيقتين كدة وي ائفلي العربية

**moslema_arabia** · 01-11-2008 08:42 AM

فعلا ده بيحصل لانه احيانا مبتحصلش الرجة دي ومكنتش باخد بالي اني في الوقت ده مش ببطل العربية اول ما اقف بس مكنش عندي فكرة عن موضوح المروحة ده
جزاكم الله خيرا