حجزت في انهي توكيل
الكلام بتاع 8 شهور في مودرن موتورز عباس العقاد مدينة نصر
عرض للطباعة
حجزت في انهي توكيل
الكلام بتاع 8 شهور في مودرن موتورز عباس العقاد مدينة نصر
ربنا يسترها و يكون خير إن شاء الله أنا حجزتها من غير ما أشوفها غير من ريفيوهات من النت من سيارات بالهند و ربنا يستر و متكونش مغامرة !!! منتظرين رأى مجربيها و مستخدموها
أنا حجزتها من غير ما أشوفها غير من ريفيوهات من النت من سيارات بالهند و ربنا يستر و متكونش مغامرة !!! و بالتأكيد التجربة خير دليل و محتاجين حد يطمنا و إذا حصل نصيب و أستلمنا بالتأكيد هنفيد الناس من التجربة ....
فين أعضاء المنتدى مالكى الأرتيجا أو من تعامل معها ؟؟؟؟
باشمهندس عماد أنا بعت لحضرتك رساله على الخاص
برجاء الرد
و عليكم السلام عليكم ورحمة الله وبركاته
ربنا يبارك فيك ويحفظك
- بالنسبة للحجز شوف الأقرب لك عندنا فى دمياط أو القاهرة
- بالنسبة للمقدم يتم أسترداده بالكامل فى أى وقت تشاء
- بخصوص التليفونات أرقام التوكيل بدمياط هو 0572329060 - 01116777821 وعنوانه تقسيم المعلمين طريق دمياط بورسعيد
و تحت أمرك فى أى وقت و إذا قررت الحجز بفرع دمياط ستجدنى معك إن شاء الله و تشرف على الرحب و السعة
وتقبل تحياتى و عظيم تقديرى
للأسف مش قادر أبعت على الخاص لأن المشاركات أقل من 50 حسب الرسالة الأدارية للمنتدى
على الرحب و السعة تشرفنا فى أى وقت و تليفونى مع حضرتك ... تحياتى و تقديرى
المشكلة إن التوكيل مش قادر يحدد ميعاد للتسليم ... فهل هذا معقول ؟
المشكلة أن التوكيل مش قادر يحدد ميعاد لتسليم السيارة !!!!
فهل هذا الكلام معقول ؟؟؟
الأخ عماد طبعا إنت عارف إن فيه جروب لسه معمول جديد لمالكى الإرتيجا لأنك من أوائل من إنضموا له بس اللى مش عارف
الجروب إسمه Suzuki Ertiga Owners in Egypt
مش عارف مسموح فى المنتدى أحط له لينك و لا لأ
بس أنا بحاول نجمع حاجزى ومالكى الإرتيجا علشان الفائدة تكون عامة
معلش بكرر نفس الكلام فى أكتر من مكان علشان نوصل لأكبر عدد من الراغبين فى إقتناء إرتيجا
يا كريم
إتصلت بخدمة العملاء لمودرن موتورز على الرقم 16680 للمرة الثانية للأسبوع الثانى على التوالى لمعرفة ميعاد الإستلام يستفسروا عن البيانات و يقولوا المبيعات هتتصل بيك و لكن لا يوجد رد فأنا حجز من 27 أكتوبر و كانوا بيقولوا الإستلام خلال شهر أو شهرين !!!! الآن لا توجد إجابة شافية
مسئول المبيعات بالتوكيل لا يستطيع تحديد الميعاد و هو منتظر مثلى تماماً أن يرسلوا السيارة ثم يقوم بإخبارى بالحضور للإستلام و لكن متى بالتحديد لا يوجد لديه معلومة أكيده ليجاوب بها و لذلك أتصلت بخدمة العملاء و لكن أيضاً على ما يبدو لا يوجد ليهم أيضاً رد فلمن نلجأ ليخبرنا بميعاد محدد للتسليم ؟ ممكن تساعدنى ؟
بعد اذنك ايه إجراءات الحجز؟ وارقام التليفونات؟
وايه المعرض اللي ممكن الاقي فيه سوزوكي ارتيجا؟
علشان عديلي عاوز يشوفها علي الطبيعة ليقوم بالحجز.
ولو حد يعرف معرض قريب من المنصورة ممكن نلاقي العربية فيه؟
تم الإتصال بى اليوم منذ ساعتين من توكيل مودرن موتورز فرع دمياط يبشرنى بإستلام السيارة خلال 10 أيام .... أخيراً ...!!!! ربنا يسهلها و نستلم إن شاء الله و نوافيكم بتقرير مفصل عن تجربتنا للسيارة إن شاء الله
بعد التحية ... بخصوص إجراءات الحجز سداد مبلغ 5000 جنية و صورة البطاقة بأحد فروع التوكيل ... و أقرب فرع للمنصورة هو فرع دمياط و أرقام التليفونات لفرع مودرن موتورز فرع دمياط 0572329060 - 01116777821 ... و لو حضرتك عايز تشوف السيارة ممكن الأسبوع بعد القادم إن شاء الله حيث سيتم تسليمى السيارة إن شاء الله يوم الأحد بعد القادم حسب إفادة الأستاذ المحترم / أحمد توفيق اليوم أثناء تواجدى بفرع مودرن موتورز دمياط اليوم
إن شاء الله حيث سيتم تسليمى السيارة إن شاء الله يوم الأحد بعد القادم حسب إفادة الأستاذ المحترم / أحمد توفيق أثناء تواجدى بفرع مودرن موتورز دمياط أمس... الحمد لله الأمور قربت و بالتأكيد سنوافيكم بتقرير مفصل بكل خطوة لتعم الفائدة التى كنا نتمناها بأى موقع حيث حجزت السيارة و لم أرها قبل الحجز و لم أجد من يعطينا النصيحة و كملنا الحجز و ربنا يجعلها خير و تكون سيارة إعتمادية و جميلة و يعطينا خيرها و يكفينا شرها و يكون فيها الخير
الإرتيجا سيارة جديدة على السوق المصرى و من قام بالإستلام عدد محدود و لذلك المعلومات العملية لإستخدام السيارة قليلة و محدودة و بالرغم من ذلك سوف نستكمل إن شاء الله و بعد الإستلام بإذن الله سنوافيكم بنتائج التجربة العملية للسيارة لتعم الفائدة و لا يقع غيرى فى نفس حيرتى و يكون حجزه للسيارة بناء على معلومات من مستخدم للسيارة و ليس مجرد ريفيوهات من النت مثلى فلقد حجزت السيارة دون أن أراها و المعلومات العملية نادرة بالسوق المصرى ... تحياتى لكل الأصدقاء و المتابعين ... مهندس/عماد شطا
أولا ربنا يجيبها لك على خير
بالنسبة لمدة استلامها فمن تواريخ كتاباتك يبدو انهم بيسلموك خلال شهر ونص الى شهرين مثلا؟
هيأ الله لك الخير
وبإذن الله تستلم على خير
اليوم تم الإتصال بى من التوكيل يخبرنى بأن اللون اللى أنا حجزته النبيتى غير متوفر فى الدفعة أو الشحنة الوارده الحالية و أن اللى موجود اللون الفضى و الرمادى و البنى و طالبونى بالإختيار من المتاح أو الإنتظار للدفعة القادمة ... طبعاً أنا لن أنتظر الدفعة القادمة و أبلغتهم بأننى ممكن أستلم اللون الفضى و الله الموفق و المستعان
يصراحة بعد تغير اللون النبيتى اللى كنت حاجزة و أنا أحترت بين الرمادى و الفضى !!! و أدينى توكلت على الله و أخترت الفضى و ربنا يكملها على خير
العربية تنمها 125 الف ، يعني داخلة فشريحة الاكسنت ، والريو ، والاوبترا . ايه الميزة اللي فالارتيجا اللي تخليك تفضلها عن دول ؟
أولاً : السيارة يابانى و تقفيل هندى و الصناعة اليابانية محترمة جداً
ثانياً : السيارة إقتصادية فى إستهلاك البنزين و إعتمادية
ثالثاً : و هذا أهم سبب أن السيارة تسمح بركوب عدد 7 أفراد و دى مناسبة جداً لظروف العائلة
و أعتقد إن هذه السيارة بعد أن تحقق إنتشار بالسوق سوف تتعدى 150 ألف و ربما تصل لسعر التويوتا أفانزا التى ثمنها 185 ألف جنية