سوزوكى أرتيجا suzuki ertiga
الأصدقاء الأعزاء أعضاء المنتدى المحترمين لكم منى خالص التحية و عظيم التقدير و أتشرف بأن أتواجد بينكم و معكم ...
لقد قمت بالحجز للإرتيجا من أسبوعين و أود الإفادة منكم بتقدير الموقف
حيث أن هذه السيارة جديدة بمصر و قد تنتشر أو تندثر مثل سيارات كتير ظهرت فى السوق و لا تجد إقبال فتنتهى و يقع من أشتراها فى ورطة قطع الغيار و توافرها فى السوق و السعر المرتفع إن وجدت على سبيل المثال سيارة Hyundai H1 سيارة فخمة و جميلة بس لم تنتشر !!!
فهل ممكن نقع فى نفس المشكلة لإقدامنا على شراء السوزوكى الأرتيجا الجديدة ؟؟
فهل أستمر فى الحجز أم أغير لنوع آخر معروف و مجرب و متداول فى السوق ؟؟؟
... و أشكر لكم النصيحة مقدماً و تحياتى لكم
بسم الله الرحمن الرحيم و به نستعين ,,,
بسم الله الرحمن الرحيم و به نستعين ,,,
بعد تجربه السوزوكي ارتيجا 2015 داخل البلد يومان فقط .
اليكم التقرير الاتي المبدئي و لكن هيكون عبارة عن نقاط هاتفيد اي حد عاوز يشتريها و مجربهاش و بدون مواصفات للسيارة عشان هية موجوده بالفعل في المنتدي في تقرير مفصل .
بسم الله ,,,
1-الشكل العام الخارجي جيدا جدا بانسيابية تليق باسرة او بشاب او اي مناسبة انت رايحها و طول العربية كويس هية اطول من الماريكس الشكل الجديد 25 سم و اكنز في العرض من الماتريكس ب 15 سم و ده طبعا مش مقصر في وسع السيارة من الداخل السيارة بالفعل واسعة و طبعا المريات الي فيها اشارة من الجنب شكلها شيك جدا و ارتفاع السيارة جيد عشان المطبات و ده انا شايفه مش مقصر علي الثبات عشان فيها جنوت سبور 15 عريضة و بتحس ان العربية عالية عن العربيات الي جنبك و في نفس الوقت انت مش مكشوف و الباب
الي ورا هكذا بس طويل شوية بانوراما كدة عشان الي قاعد ورا خالص يقدر يشوف من الامام شكلها زي الماتريكس شوية و من الخلف شكلها زي السيارات الفاميلي الامريكي شيك يعني و في مساحة خلفية كمان ببخاخ ماية حاجه شغل الماني كدة + سبويلر خلفي فوق شيك نيجي بقي لصاج السيارة ...هو بالنسبة للكبوت
خفيف سيكة زي الرفارف بس مش ورق يعني في عربيات كتير كدة و بالنسبة للباب كويس و تقيل مش ضعبف.
2- السيارة يوجد بها انزار سرقة بيعمل بعد قفل الريموت ب 25 ثانية يعني مش محتاج تركبه في التوكيل زي ماناس كانت بتقول مافيهاش و صوته عالي جدا عشان واصل علي كلاكس العربية و الكلالكس بتعها صوته زي كلالكس النيسان او اللانسر دبل يعني .
3- العفشة بالنسبة لي جيده جدا و ناعمة مش ناشفة في فواصل الكباري و المدقدق و المطبات مقارنه بالماتريكس مع ان الماتريكس كانت حلوة برده .
4- العزل ممتاز جدا لا يوجد صوت موتور و لا صوت خارجي مزعج بالعلم انك مش هاتحس ان السيارة دايرة اصلا
5 علي ما اعتقد يوجد بها بالاسفل استبن 15 سبور برده لسه هاتأكد +كوريك و 2 مفتاح +4 غطاء صغير عليه علامه سوزوكي للجنوط.
6-السيارة من الداخل رحبة جدا الكرسيين الاماميين مريحين اوي و كمان كرسي السائق بيعلي و يوطى و الكراسي الخلفية مريحة و واسعة تسع ل3 اجسام عادية مستريحين و تقدر تتحكم زي مانتا عايز في مساحة الرجلين عشان الكنبة بترجع لورا و قدام عادي عشان برده تدي مساحه للكنبة الاخيرة تكون مستريحة و المجمل ان لو معاك كل الناس كبار بالغين يقدروا يركبوا عادي من غير ما تقلق من الوسع يعني سبعة راكب تمام و برده ماننساش ان الكنبتين بيتكفوا عشان لو عاوز تخليها نقل برده بالعلم ان الكنبة الوسطانية تنقسم 2 و خامات الكراسي ممتازة بس متقفلة من تحت عادي مش معضمة كويس .صحيح حد قالي ان كل الاوان فرشها و الطابلوا شامباين .
7- الطابلوا شييييك جدا و عصري تحس بالفخافة و الثقة و خامته جيدا جدا من حبث التقفيل و البلاستيك
بأضائة برتقالي و يمكن التحكم بسطوع الطابلوه و يوجد وصلة يو اس بي تصلح للايفون و الكاسيت صوته حلو و نقي و يوجد بالدريكسيون زارير تحكم بصوت الكاسيت و تقليب محطات و اغاني يوجد طبعا ايموبلايزر ليه لمبه بيان بالعداد و يوجد لمبة صالون قرائة في الامام و في الخلف خالص بتحكم منفرد و طبعا الرؤية وانت سايق واضحة و ملم بأبعاد السيارة .
8- العربية جيده فالتسارع و النقلات بالمقارنة بالماتريكس و مش تقيلة علما بان الموتور VVT 95 1400 حصان يعني عزم ال 1600 و استهلاك بنزين ال 1200 مثلا .
9- التكيف جيد بس مجاربتوش كتير و كذلك التكييف الخلفي جيد جدا و يوجد اربع هوايات للكنبتين و يوجد تحكم من الخلف 3 سرعات و ممكن الي قاعد ورا يقفل من عنده الخلفي .
10- خامات بلاسيك الاجناب من الداخل و الشنطة و جناب الكراسي و الكنصول الي في فرامل اليد مش حلوة شوية ضعيفة و برده للامانة فرش الارضية مش معمول حلو تحس انه معمول اي كلام ( سفرجي الي مركبه مش سروجي ) و طبعا مزعلتش اوى مقارنة بالكماليات و الابوشن الي فالعربية و سعرها و قلت اللهم ديمها علينا نعمة و فضل انت الكامل لوحدك عما سواك .
11-الباور ناعم جدا بس تحس انك ماسك فالطارة بمعنى انك لو ماشي علي الطريق و جبت الطارة سنه يميين او شمال بأيدك الدريكسيون بيروح معاك يمين او شمال مش بيرجع فالنص زي بعض العربية و لما سألت ناس شاريا سويفت الجديدة قالوا فيها نفس الحركة و فالصيانة قالوا هيا كدة . و في الملفات بيرد لوحده عادي قلت ممكن عشان لسه جديدة .بس فالنهاية انا حاسس ان ده عادي و مافيهوش مشكله بالنسبة لي .
12-اماكن التخزين مش كتيره (يعني مثلا في الامان تابلوه و مكان امام الفتيس مش سلس للموبيلات و لمن يوجد به حامل اكواب و يوجد امكان للاكواب في الابواب الاربعة و يوجد في الخلف للكنبة الخلفية خالص و علما بان الاستبن من تحت يوجد في الخلف .خلف الكنبة من تحت تابلوة عمق 20 سم بعرض العربية يصلح لجميع العدة و اي حاجة معاك رفيعة و مثلث العاكس و الطفاية و ليه غطا و المنفاخ اما الكوريك ليه مكان لوحدة في الجنب ورا بيتفتح بغطاء .
13- لا يمكن خلع المفتاح الي علي وضع ال P يعني مش هاتعرف تسيبها تتزق و مموره .
14- يوجد حركة انك تلمس دراع الاشارات يمين او شمال تكه كدة بينور 3 مرات اشاره يمين اوي شمال فقط
و لو عاوز يبقي عادي دوس لتحت عادي .
15 -انا بصراحة ماجربتهاش علي الطرق بس في الملفات المتوسطة كويسة مش عايمة و مابتخوفش و الفرامل الايه بي اس برده كويسه بتطمنك و ربنا يسترها علينا و يكفينا شر الطريق و شر عين الناس .
و فالاخر و ما توفيقي الا بالله ,,,ان اقدر اقولك انا فخور و مش ندمان و بحمد ربنا علي كل شيء عشان
توكلت علي الله و استعنت به :_Alshmokh22[1]:
و هذا رأيي بما يرضي الله و رسوله و اسف ان اكون اخطأت في شيء و الله اعلم .
و برده عشان خاطري اسأل تاني حتي يطمأن قلبك و استخر الله و احمده علي كل شيء .
و السلام عليكم و رحمة الله ,,,
اللهم صلي و سلم و بارك عليك يا حبيبي يا رسول الله ,,,