الله يبارك فيك و يخليك ... تقبل خالص تحياتى و عظيم تقديرى
عرض للطباعة
تم الإتصال بى من خدمة العملاء بمودرن موتورز مصر توكيل سوزوكى يستطلع الرأى فى الصيانة التى أجريتها للإرتيجا و مطلوب التقييم بممتاز أو جيد جداً أو جيد أو مقبول عن:-
1- الصيانة ( جيد جداً )
2- مسئول الصيانة الذى قابلنى ( ممتاز )
3- نظافة السيارة بعد الصيانة ( جيد جداً )
4- البيانات عن قطع الغيار المتوفرة ( جيد جداً )
5- هل يوجد قطع غيار سألت عنها و توافرها من عدمه ؟
طبعاً أنا كنت محتاج دوسات السيارة
و أفاد مسئول خدمة العملاء أن المصنع بالهند يوجد نقص فيها و التوكيل طالبها منذ فترة و متوقع توافرها خلال شهرين و تم تأكيد رقم تليفونى و الإفادة بالإتصال بى فوراً عند توافرها ...
تحياتى لخدمة العملاء و نتمنى الإهتمام و العناية دوماً و تقديم خدمات ما بعد البيع بشكل متميز يرضينا جميعاً
بشمهندس عماد
بصراحة انت راجل محترم
وتعاملك بالشكل ده خلانى اشترك فى المنتدى
فعلا ربنا يباركلك فيها ويمنع عنك شرها
دى اول مشاركة ليا بس انا مبسوط بالمشاركة اوى
بشمهندس عماد انت من الاخر راجل زووووووووووووق
اما عن نفسى بتمنى اشترى العربية دى علشان اسافر بيها انا واسرتى ووالدى ووالدتى
وبحب اوى موضوع ال7 راكب ده
وبفكر انى اشغلها فى المدارس انى اركب فيها اولادى ومهاهم اولاد الجيران
فى توصيلهم لمدارسهم بس مش عارف متوسط الاستهلاك للبنزين عالى بالنسبة
للى قلته عنها وكمان احب اعرف منك هو ممكن ادفع مبلغ زى نصف تمنها واقسط الباقى
ولو ياريت اعرف كمان هو انا لو من الصعيد وعايز اعمل ليها صيانة ال 1000 كيلو هسافر بيها مصر
وهل فى فروع صيانة او فروع للتوكيل فى الصعيد زى قنا
ومشكورا اكتب لنا رقم توكيل مودرن موتورز القاهرة
وكتر خيرك على تعبك معانا
وبعدين اهم من كل حاجة قطع الغيار مدى تزفرها بالظبط
اصلا هما ممكن يقولوا فى التوكيل انها موجودة وتكام وفى الاخر يكون ضحك على الدقون
أسف جداً على تأخرى فى الرد ... السيارة بصراحة راااااااائعة و ممتازة و ممكن تقضى الغرض اللى محتاجة منها و ممكن مشاوير أو رحلات ستكون رائعة و ممتازة فالسيارة رحبه و ثابتة و سحبها ممتاز و تكيفها متميز ... أقرب فرع لكم فى الصعيد يوجد فى أسيوط فى 4 ش عبدالساتر الخراط و تليفونه 0882301251 ... رقم التوكيل بالفرع الرئيسى 3539055 ... و أنا شخصياً بفضل إجراء الصيانة بالفرع الرئيسى بأبو رواش ... و يمكنك الإتصال على خدمة العملاء على الرقم 16680 للمزيد من المعلومات التى تحتاج إليها ... تقبل خالص تحياتى و تقديرى و تقبل أسفى فى التأخير عليك فى الرد
أكملتا الــ 3000 كم على خير و بصراحة الواحد مش لاقى عيوب يقول عليها و لكن السيارة الحمد لله كلها مميزات و تستحق ... السحب ممتاز و التكيف رااااااائع الثباب عالى و بصراحة مبحاولش أعدى الــ 150 كم للسرعة و السيارة و كأنها على الـ 60 كم مش 150 كم ... متوسط إستهلاك البنزين المسجل على شاشة السيارة 14.5 كم/لتر
الف مبروك وربنا يبارك لك فيها أنا بقالي سنين عايز اجيب عربية ٧ راكب بس للأسف الأسعار نار سواء الكيا او الجرايد تيريوس ولما لقيت الارتياح ارتحت نفسيا لها بعد سماع بعض التعليقات المبداية عليها ورحت النهاردة حجزت عند فرع ابو رواش ودفعت ٥٠٠٠ ج عند أستاذ خالد المعلومات المتوفرة ان التسليم بعد ٦ شهور نظرا لان الحجز عليها وصل حوالي ٣٠٠ وللاسف الشحنة اللي بتوصل ما بيحصلش ١٥ سيارة ،، السعر ١٢٨٥٠٠ قابل للزيادة وسالت علي إمكانية التقسيط قال ان ممكن تبع شركة تبعهم بفائدة ٩.٥ ٪ لقيتها حتزيد حوالي ١٠٠٠٠ ج لو دفعت مقدم النص والباقي على سنتين،،، أنا اخترت النبيهي بس بفكر اليد للأبيض شكله احلى بصراحة ايه رأيكم ؟
دي كل المعلومات المتاحة للان بس أنا شايف ان ٦ شهور كتير قوي مش عارف هل يمكن نقلل المدة ولا استنى وخلاص وفكرة أني أجيبها من المعارض بأوفر باريس اكتر من ١٠٠٠٠ ج حرام فيهم،،،
نرجو متابعة تقييم السيارة للملاك لتوضيح الأمور اكتر قبل الاستلام وشكرا جزيلا
مبروك الحجز و أتمنى أن يكون عندك صبر علشان الوقت طويل جدا و ممكن تسأل على القسط المرن هيخليك تستلم بدرى شهر أو أكتر عن التقسيط العادى و ممكن تسدد فى خلال شهرين تلاتة كامل المبلغ و وقتها الزيادة هتكون حاجة بسيطة
أخيرا حضرتك بتقول بتفكر فى الأبيض فهل تم إخبارك بأن الأبيض ضمن الألوان المتاحة و التى يتم جلبها من سوزوكى !!
أولآً :
مبروك الحجز لسيارة العائلة و العملية
ثانياً :
السيارة بصراحة رااااااائعة و تستحق الإقتناء و الإنتظار و كفاية إنها أقل فى السعر عن مثيلاتها بحوالى من 30 إلى 50 ألف جنية (التويوتا الأفانزا - الكيا كارينز .... ) و السيارة بجد هتعجبك و هترتاح لها
ثالثاً:
لو حضرتك موظف و إمكانيات الكاش مش متاحة ممكن تجيبها تقسيط مع بنك ناصر الإجتماعى
و لك منى خالص التحية و التقدير
بصراحة لما فكرت فى السيارة و هى لسة جديدة على السوق المصرى لم يكن عنها أى معلومات إلا الهندى و كان نفسى أجد أى معلومات عنها فى مصر أو أى مواقع عربية و لكن للأسف لم يكن غير الهندى و من ساعتها و الواحد أخد عهد إنى لما أستلم السيارة أن أنقل كل التفاصيل عنها و عن تجربتى لتعم الفائدة و أساهم بشيئ كنت أتمناها عند الحجز للسيارة و سنوافيكم بكل التفاصيل إن شاء الله ... خالص تحياتى و تقديرى
ربنا يرزق خيرها ويكفيك شرها سوزوكى فهمت السوق المصرى عايز ايه وعملته باسعار معقوله
الله يبارك فيك ... و فعلاً شركة سوزوكى شركة محترمة و محترفة و متميزة و لكن المشكلة بس فى الوكيل المصرى فى عدم مقدرتة على توفير السيارات بالعدد الكافى و بكميات تتناسب مع زيادة الطلب المضطرد على سيارات السوزوكى الإقتصادية و المعمرة و يجب إعادة النظر من قبل الوكيل المصرى فى السياسة التسويقية و زياده السيولة و سرعة تدبير كميات تفى بإحتياجات السوق المصرى الذى يثق كثيراً فى سيارات شركة سوزوكى
قاربنا على الــ 4000 كم و متوسط إستهلاك السيارة ثابت على معدل 14.4 كم / لتر و فى الصيانة القادمة الــ 5000 كم سنناقش التوكيل هل ثبات المعدل هكذا هو الأمثل أم أنه سيرتفع بعد ذلك ؟؟ حيث أنه من ضمن التعريف بالسيارة أن معدل إستهلاك البنزين يصل 16 كم/لتر !!!!
معدل الاستهلاك المثالي اللى الشركة بتقول عليه بيكون محسوب في ظروف مثالية وسرعة محددة وعلى طريق مثالي وأسفلت موزون ومعمول بجودة عالية وسرعة الرياح صفر لوجوده غالبا على تراك مخصوص أو داخل ممرات ممهدة مخصوصا بداخل الشركة
عشان كدة صعب قوي إن العربية توصل لمعدل الاستهرك المكتوب في الكتالوج أو المكتوب في الدعاية بتاعة الشركة عن العربية ... لأن تكرار نفس الظروف في الشوارع العادية بزحمتها ومطباتها وإشاراتها مستحيل تقريبا :)
بعد التفويلة الأخيرة كانت قراءة العداد 3346 كم تم تفويل السيارة عند قراءة 3730 كم و المؤشر على الربع أخدت السيارة 30 لتر أى أن المسافة المقطوعة 384 كم و بالقسمة على عدد اللترات يصبح المتوسط الفعلى للإستهلاك للبنزين 12.5 كم لكل لتر
بصراحة التوكيل هيأثر على ركود السيارة بعدم توفير كميات كافية و الإهتمام بالسياز أكثر و يبقى كده بيخسر عملاء السيارات العائلية و يضع من أشتراها فى مأزق !!!!
كيفيه الحفاظ علي طرمبة البنزين لسياراتك :
1.لا تنتظر أن يقل مؤشر البنزين عن الربع، فمن الأفضل حفاظا على الطرمبة من السخونة، واستمرار عملية التبريد، أن تبادر بالتزويد عندما يصل المؤشر إلى الربع ولا تلجأ لغير ذلك إلا فى حالات الضرورة القصوى.
2. بمجرد الدخول لمحطات الوقود اطفئ مباشرة محرك السيارة حتى لا تحدث عملية تعكير أثناء نزول البنزين فى"التانك" فيؤدى ذلك إلى تحرك الشوائب التى تطفو إلى أعلى تجاه المصفاة.
3. لا تنس التنبيه على عامل المحطة ألا يضغط على مسدس البنزين إلى داخل "التانك" فتؤدى عملية الدفع الشديد إلى ارتفاع الشوائب وتدخل فى الطرمبة.
4. إذا كانت محطة الوقود مزدحمة ولا تسمح بالانتظار قم بالخروج منها وانتظر دقيقتين لإعطاء فرصة لاستقرار وركود الشوائب.
5. خلال الصيف احرص على تزويد السيارة بالبنزين فى الفترة المسائية، حيث إن ارتفاع درجة حرارة الجو والسخونة تؤدى إلى تبخر البنزين ولصق الشوائب فى" التانك"
6. ضرورة تنظيف مصفاة البنزين والقيام باستبدالها إذا تهالكت لأن انسدادها يؤدى إلى الضغط على الطرمبة.
7. لا تتردد إلا على محطات البنزين المعروفة، وتقوم بتنظيف دائم لخزانات الوقود من الصدأ والشوائب
هااااااااااام جداً ... إنتبه !!!!
يقع الكثير من أصحاب السيارات في خطأ يجب أخذ الحذر منه، وهو ملئ خزان وقود السيارة بشكل كامل، وهو ما يتسبب في عدة مشاكل يغفل عنها الكثير، وهو ما سوف نقوم بتوضيحه اليوم في هذا المقال، ونوضح سبب عدم تفضيل ملئ خزان السيارة بشكل كام وخصوصا في فصل الصيف.
حذر نادي حماية قائدي السيارات بميونخ من ملئ خزان الوقود بالكامل، لما سوف يسببه من أضرار جسيمة للسيارة وراكبيها، حيث من المحتمل أن يقوم البنزين أو الجاز بالتمدد، وذلك نظرا لما يتعرض له من درجات حرارة عالية في فصل الصيف، وسوف يؤدي التمدد إلي زيادة كمية الوقود عن حجم الخزان، وسوف يؤدي إلي وقوع الجاز أو البنزين من غطاء البنزين، وهو ما سوف يؤثر علي طلاء السيارة، وقاع السيارة من الأسفل.
يؤدي أيضا ملئ الخزان علي أخره في بعض الحالات البسيطة وفي أسوأ الحالات، أن يقوم هذا التسريب بنشوب حريق بسبب المدخنين، وفي أسوأ الحالات إذا مرت السيارة أثناء تسريبها من درجة حرارة عالية أو لهب موجود علي الأرض سوف يؤدي إلي حريق السيارة.
في حالة أخري وهي زيادة درجة حرارة الإطارات الخلفية المجاورة لخزان الوقود أثناء الرحلات طويلة المدي، من الممكن أيضا أن يؤدي إلي حريق السيارة، ولذلك وجب علينا التنبيه علي الجميع عدم ملئ خزان الوقود بالكامل في فصل الصيف، ونتمنى لكم السلامة دائما.
من خلال مشورين للقاهرة هذا الأسبوع فكانت فرصة لحساب معدل إستهلاك البنزين و كان خط السير من خلال طريق مصر الإسماعيلية الصحراوى و السرعة ما بين 100 و 160 كم و نستطيع أن نقول متوسط السرعة 120 كم :-
1 - تفويل السيارة عند قراءة العداد 4028 كم و عند الوصول للقاهرة بألماظة تم تفويل السيارة و كانت القراءة بالعداد 4273 كم و كمية البنزين المستهلكة 19 لتر أى أن المسافة المقطوعة 245 كم و بالتالى يكون المتوسط لإستهلاك البنزين 12.9 كم لكل لتر التكيف تم تشغيلة فى منتصف المسافة .
2 - فى رحلة العودة بعد قضاء المشاوير الخاصة داخل القاهرة و بعد الوصول لدمياط تم تفويل السيارة مرة أخرى كانت قراءة العداد 4560 كم و كمية البنزين 23 لتر أى أن المسافة المقطوعة 287 كم و بالتالى يكون المتوسط لإستهلاك البنزين 12.5 كم لكل لتر التكيف تم تشغيلة طوال الوقت .
3 - تم العودة بعدها بيومين للقاهرة وعند الوصول للقاهرة بألماظة تم تفويل السيارة و كانت القراءة بالعداد 4846 كم و كمية البنزين المستهلكة 20 لتر أى أن المسافة المقطوعة 286 كم و بالتالى يكون المتوسط لإستهلاك البنزين 14.3 كم لكل لتر التكيف تم تشغيلة فى منتصف المسافة .
الملاحظة هنا أن التحسن فى متوسط إستهلاك البنزين مستمر بمرور الوقت و زيادة فترة تشغيل موتور السيارة و ذلك من خلال المتابعات لمستخدمى السيارة القدامى و حسب المعلومات من الشركة بأن الإستهلاك بيتحسن بعد صيانة الـ 5000 كم و ربنا يكرمنا إن شاء الله و أياكم بكل خير و ينجينا و يكفينا كل شر ... تحياتى و تقديرى ... م/عماد شطا
فى عربيه جلورى من ناشونال موتورز اكبر و احلى من السوزوكى و ب 93000 و تقليد التويوتا افانزا كعفشه و موتور
كنت عايز اعرف راى حضرتك النهارده بعد 3 سنين من الاستخدام فى العربيه بواجه عام ومع التوكيل وقطع الغيار وهل فعلا الماتور بيكون ضعيف مع التكييف
السوزوكي كله جميل
من أكتر الياباني اللي مناسب لمصر (في رأيي)