نرجو الإفادة من السادة الأعضاء ذوى الخبرة و المقارنة من حيث الأداء و التحمل و أسعار قطع الغيار مع العلم إن العربية هاتقعد فى حدود 5 سنوات
نرجو الإفادة من السادة الأعضاء ذوى الخبرة و المقارنة من حيث الأداء و التحمل و أسعار قطع الغيار مع العلم إن العربية هاتقعد فى حدود 5 سنوات
Any one there......؟
Still no one is there……? Or the comparison doesn’t make sense to any of you……?
Persona A/T will cost u 91.000
the future of the persona is not that clear
The Lancer is a good choice for your budget
but the condition is a variable thing
if u can find zero or zero-like condition
go for it
for me personally...i will go for lancer
لانسر انت بتتكلم فى ايه
لو 1600
انما لو 1300 هات البرسونا احسن
اللانسر سحب جامد جدا وعفشة رياضية وسعر اعادة بيع تحفة حتى لو فى الصحراء الساعة 2 بليل و توكيل محترم وسعر قطع غيار جميل جدا واسعار صيانة حلوة
البرسونا انا شايف انها احلى من الجين 2 (انا عموما بحب العربيات السيدان)
زى ما قلتلك 1600 لانسر
لو انت قصدك لانسر 1300 يبقى هات البرسونا احسن
شاكر ذوقكم و نصايحكم الجميلة بس المشكلة عندى فى اللانسر هى الإنتشار الرهيب و أنا عارف ان دى ميزة بس فين الإحساس بالتميز و انت ماشى فى اى شارع كل العربيات اللى ماشية واللى راكنة واللى فى البنزينة و اللى على الكوبرى واللى فى النفق................. لانسر لانسر لانسر لانسر لانسر لانسر لانسر لانسر لانسر لانسر لانسر
للأسف هو ده اللى مخلينى متردد شوية فى العربيه دى بالرغم من العقلانية التامة فى اختيارها
يا باشا حدد الاول انت تقصد انهى فئه فى الانسر بس عموما لو تقدر تجيب لانسر سوبر اكشن نفض للبرسونا لو لانسر 1600 وعاديه مش سوبر اكشن برضوا نفض للبرسونا وهات الجين 2 وعيش حياتك ولو تقصد بقى الانسر 1300 نفض بقى للانسر خالص وعموما مستنى ردك وقولى انت تقصد انهى لانسر و1300 والا 1600 وبتحب مانويل والا اتوماتيك ومعاك فلوس لحد كام يعنى عندك استعداد تدفع لحد كام معلش بقى رغيت كتير بس انا غاوى وهاوى عربيات وبحب اركب واسوق كل العربيات واجيب لحد اخر امكانيتها قولى احتياجك بالظبط من العربيه واخبارك فى الصيانه وقطع الغيار والمبلغ المتاح وطريقه سوقتك ومانويل والا اتوماتيك وسنك اد ايه واخبارك مع الهاتش باك والسيدان ومحب للسرعات والا لا وسفر والا ايه وبتمشى قليل والا لا وانا اديك الروشته التمام التمااام
هتجيب مانيوال ولا أوتوماتك ؟
أصل انا سقت الجين تو أوتوماتك هي حلوة طبعا بس متحسش بالعربية دي غير و هي مانيوال .. فا أعتقد البيرسونا هتبقي كدة برضه .. إنما اللانسر الأوتو بتاعها شديد ال 1600
ياجماعة ميرسى جدا على المشاركة و الرأى و انا بتكلم عن 1600 CC لأنى راكب دلوقتى سيفيا أتوماتيك و كمان عايز أجيب أتوماتيك تانى لأن شغلى فى جاردن سيتى و باتبهدل فى الزحمة فقررت استغنى عن متعة المانيوال واريح رجلى الشمال شوية اما بالنسبة للسواقة فيعنى ماشى الحال بس انا من النوع اللى بيعدى ال100 كم فى نفق الأزهر و احياناً بضطر للغرز ما بين الناس اللى بتروح عليها نومة جوا النفق.
هو انا رغاى كدة لية حاجة تقرف المهم علشان مطولش (انا طولت فعلا)
المطلوب عربية 1600 Atoumatic و الميزانية اخرها 95000 و الحمد لله وكفى و السلام عليكم و رحمة الله
طيب يا باشا لازمك زيرو والا ممكن كسر زيرو؟؟ ومقولتليش سنك اد ايه واخبارك مع قطع الغيار والتوكيلات يعنى عاوز حاجه حاجتها متوفره وتتصلح فى اى مكان والا مش فارقه
بالمناسبة انا عايز سيدان مش هاتش باك علشان عربيه البيه الصغير و حاجته (اللى هو ابنى يعنى):coffee2:
لا ياباشا ممكن كسر زيرو مع انه مش مضمون اوى بس يعنى لو هاتسى على لانسر يبقى ادور على حاجة نظيفة
طيب يا باشا فى كذا اقتراح واختار ما يناسبك بس مبدائيا فكك من البرسونا
الاقتراح الاول: تشوفلك لانسر سوبر اكشن كسر زيرو لان شكلك بتحب الانسر وهى ممتازه الصراحه وعن تجربه ومفيش سوبر اكشن زيرو وكمان ال 95 ميجبوش لانسر 1600 زيرو والا مانويل والا اتوماتيك
الاقتراح الثانى : تويوتا كرولا الشكل القديم يعنى شوف حاجه 2005 او 2006 حاله نظيفه يعبها الثبات على السرعات العاليه الانسر افضل فى الثبات
الاقتراح الثالت : جين تو اتوماتيك 2009 وانا افضل الاقتراح ده بس انا اركبها مانويل الصراحه بس لو جيبتها ابنك مش حيسبهالك هههههههههههههههههه ويعبها التوكيل وسعر قطع الغيار
الاقتراح الرابع : عندى انا عربيه النترا 2007 الشكل الجديد سودا جميع الكماليات مانويل عداد 12 الف كيلو لسه فى الضمان بحاله المصنع واستلام المصنع بكل البلاستيك مش كانت بتطلع الا مناسبات بس لان عندنا عربيتين غيرها وصدقنى افضل من الانسر وعن تجربه بس الانسر طبعا انا بحترمها ومن عشقها وده للينك اللى عارض فيه الالنترا وهى بتاعت والدى وثباتها افضل من الانسر وعن تجربه http://www.nilemotors.net/Nile/showthread.php?t=44232
فى مشكلة واحدة فى الهيونداى ان العربية مابتستحملش وصاجها مش ورق لأ اضعف شوية واللا ايه رأيك..... و بعدين غريب ان انت بتقوللى بلاش بيرسونا مع انك مكسر الدنيا فى قسم البروتون...........؟
لا يا باشا لو معترض على الجين تو علشان الشنطه وعربيه ابنك الصغير اللى ربنا يخليهولك فانصحك تفتح الشنطه بتاعتها هى تبان من بره صغيره لكن افتح واتفرج حتلاقيها معقوله وإن شاء الله تلبى كل احتياجاتك وهى عربيه ممتازه بس بينى وبينك مش تتركب الا مانويل الاتوماتيك ممتاز برضوا بس علشان تحس انك راكب جين 2 يبقى مانويل وتحت امرك فى اى استفسار وبصراحه مش مستلطف البرسونا دى روحت اتفرجت عليها فى عز العرب بتاع الصحراوى وعينى طلعت على الجين 2 ماشاء الله لكن برسونا دى تقيله على قلبى ونازله كذا فئه وفيهم فئه فاضيه وشكلها مش عجبنى الجين 2 دمااار بس مقولتليش انت عندك كام سنه؟؟
السن 31 سنة :flirt:
لا لا لا يا باشا مش انا المزجانجى بتاع قسم البروتون ده المزجانجى التانى ده برنس فى البروتون انا مجيش جمبه حاجه وبالنسبه لكلام حضرتك عن الهيوانداى كل العربيات ورق وانت مش حتمشى تتخانق وتخبط لان لو عملت كده كل العربيات حتتحك وحتتجرح جين 2 او لانسر او تويوتا او بى ام حتى مش هيوانداى بس وفى الحادثه لاقدر الله يعنى كله بيبقى زى كانز البيبسى وشوف على النت اختبار التصادم بتاع الالنترا وشوف مقارناتها بالانسر فى قسم المقارنات وانا مش بقولك كده علشان خاطر عربيتى اللى عارضها للبيع والله انا بقول كده علشان فى ال 95 ده عربيه اختيار صحيح وعموما انسى انى عارضها للبيع هى كويسه بس طالما حد مش مقتنع بيها تبقى وحشه واهم حاجه النفسيه والراحه للعربيه انا مش ارتحت للتويوتا الجديده وقولت وحشه وكل صحابى قاموا عاليا وكتير من المنتدى حيقوم عاليا دلوقتى بس هى راحه نفسيه مش اكتر وانا 21 سنه بس غاوى عربيات وتقريبا سوقت انواااع كتير وكل الفئات بس مش كلو يعنى
عامة مستنى انك تأكدلى على متانة العربية وصاجها و طبعا عمو غبغب ور ور غنى عنى التعريف واى عيل صغير فى بطن امه بيسمع عن امجاده
ههههههههههههههه يا باشا غبور مش لمس العربيه دى هنا بتيجى من كوريا كامله مش بيلمسها غبور والا كانت بقيت حاجه تانيه لان غبور يحط ايده فى حاجه ولله الحمد باظت اكسنت فيرنا كل الكلام ده لكن الالنترا لا وعموما هى حاصله على خمس نجوم فى اختبار التصادم فى اوروبا وعامله مبيعات هايله وصاجها انا مش جربته الصراحه يعنى مش اتخبطت ابدا الحمد لله لكن لما قارنته بالانسر وهما واقفين جمب بعض تقريبا مفيش فرق بس برضوا اسال الخبره يعرفوا اكتر منى لانى مش خبير فى موضوع الصاج انا اقدر افيدك فى التسارع والثبات والموتور والفرامل وكده لكن صاج معرفش بصراحه بس هو مش زى الفيرنا بكل الاحوال
http://www.nilemotors.net/Nile/showthread.php?t=1728
حاول تشوف اللينك ده
آآآآآآآآآآآآآآآآآآآآآآآآآ آآآآآآه قوللى بقى كدة انا فهمت
بس ياللا الحمد لله المنتدى هنا كله ناس محترمه ومتعاونة جدا الصراحة
على فكرة انا مش قصدى حاجة و فعلا هافكر فى عربيتك (مش مجاملة)
و بالمناسبة فى عربيه هاف سبورت (لانسر طبعا) خليجى موديل 2007 وعدادها 24000 كم وشكلها كويسة هى خربوشين كدة بس ماشى يعنى هى دى سنة الحياه فى مصر المهم مطلوب فيها 85000 وممكن ننتكلم فى 1000 او 2000 كمان تفتكر الكلام ياكل واللا كتير و اللا ايه وشكرا ياسيدى على تعبك ونردهالك وانت محتار بين البورش و البوجاتى و الفيرارى ان شاء الله (رأيى خليك فى البورش علشان التوكيل ههههههههههههه)
ههههههههههههههه يا باشا لو مقتنع بالانسر ديه اتوكل على الله هى عربيه جميله وانا بحبها جدااا وحاول إن شاء الله لو حتخلص فيها متكشفش فى بنزينه والا سمكرى والا الكلام ده اطلع على التوكيل عدل من غير تفكير يطلعلك تقرير شامل عن كل حاجه فى العربيه بس ابعتلى كده لينك الاعلان بتعها واشوفه وارد عليك وبالنسبه للبورش والكلام ده يا باشا انا مش طماع انا نفسى فى بى ام 318 بس شوفت انا مش طماع ازاى وهى اللى لقيتها تلبى كل احتياجاتى بصراحه
اولا المبلغ اللى معاك انت بتقول اخره 95000 يبقى مينفعش لانسر1600 لانها حوالى110000 قدامك بالمبلغ ده العربيات الاوتوماتيك1600اقتباس:
المشاركة الأصلية كتبت بواسطة sibrahim
بروتون جين2 سبورت اوتوماتيك فول اوبشن ABS ,2AIRBAG ,CDب91000
بروتون بيرسونا نفس اوبشن الجين2 بس سيدان الفول ب91000 والهاف 86000
بروتون واجا اوتوماتيك فول اوبشن ب90000
نيسان صنى اوتوماتيك فول اوبشن ب93000
شيفروليه اوبترا اوتوماتيك فول اوبشن ب95000
هيونداى نيو اكسنت 1600 CVVT اوتوماتيك فول اوبشن ب86000
هى دى العربيات المتاحه1600 اوتوماتيك بالمبلغ اللى معاك
..mokhtar..