رقم الشاسيه و الموتور فلوانس

**kamelyosef** · 08-11-2014 12:13 AM

الساده ملاك الفلوانس الكرام
ان شاء الله حارخص بكره يا ترى مكان رقم الشاسيه و الموتور موجودين فين بالضبط
و شكرا

**heeshooheeshoo** · 08-11-2014 11:21 AM

مكان رقم الموتور مش عارف بالتحديد ولكنه مش مشكلة إطلاقاً وعامل البصمة فى المرور حافظ مكانه
المشكلة فى مكان رقم الشاسيه .. مكانه صعب (مش عارف ليه!!) تحت الكرسى الأمامى اليمين .. العامل قدم الكرسى للأمام وقطع الموكيت فى مكان معين "بالكتر" حوالى 10 سم .. كان قلبى بيتقططططع معاه

**kamelyosef** · 08-11-2014 01:20 PM

المشاركة الأصلية كتبت بواسطة heeshooheeshoo

مكان رقم الموتور مش عارف بالتحديد ولكنه مش مشكلة إطلاقاً وعامل البصمة فى المرور حافظ مكانه
المشكلة فى مكان رقم الشاسيه .. مكانه صعب (مش عارف ليه!!) تحت الكرسى الأمامى اليمين .. العامل قدم الكرسى للأمام وقطع الموكيت فى مكان معين "بالكتر" حوالى 10 سم .. كان قلبى بيتقططططع معاه

الف شكر
الحمد لله رخصت النهارده و انا فى انتظار الفحص كلمت التوكيل اسالهم على مكان رقم الشاسيه و الى رد عليا قال هحوصللك ع المهندس و بعد الانتظار حوالى دقيقتين اتاسفت انها مش عارفه توصل للمهندس و اول ما توصله هاتتصل عليا
فنى الفحص وصل و طلع رقم الموتور بسهوله و زى ما توقعت داخ على رقم الشاسيه مش لاقيه وبعد شويه قل غالبا هيكون زى الاوبل امام كرسى الراكب الامامى او وراه و فعلا لاقاه ورا بس المكان كان مقطوع جاهز يا دوب رفع الفرش و الفوم الى تحته
و بعد ما خلصت التوكيل اتصلوا بيا فقلتهم الحمد لله لاقيته

**heeshooheeshoo** · 08-11-2014 01:48 PM

ألف مبروك .. ربنا يبارك لك فيها ويحفظك ويحفظها من كل شر وسوء .. اللهم آمين

**yasser100** · 08-11-2014 01:56 PM

انا بصراحه لا قطع و ﻻ دور . انا اخدت ولد من العيال اللى بتخلص داخل المرور . و اديته الورق كله و قعدت على جنب انا و عربيتى ههههه . و جاب لى الرخصه برقم الشاسيه بالموتور بالستاير و خد اللى فيه النصيب .