الحمد لله العربيه جابت وش سليندر

**hagagatc** · 08-11-2014 02:59 AM

الحمد لله علي كل شيء العربيه جابت وش سليندر
طبعا انا معرفش السبب بس انا كنت سايبها مع اخويا ودي كانت المشكله كلمني وقالي ان العربيه كانت بتوصل ل 100 وبعدها عدت وصلت للاحمر المهم البيه ركنها ومش في دماغه طيب ليه موقفتش قالي وقفت لحد مهديت ومشيت بيها تاني وسخنت وكان خايف يقف لحد يثبته علي الدائري بليل طبعا هو مكتشفهاش انا الي جيت بعدها لقيت القربه مفيهاش نقطه ميه وحطيت فيها بمعدل 4 لتر ميه دورت العربيه لقيت الميه بتختفي تماما وبتخرج من الشكمان والعربيه متلته والشكمان بيتفتف والقربه بيطلع منها ريحت عادم والمشكله اني معرفش ليه هي سخنت عشان اعرف السبب لانه مفتحش الكبوت يبص علي حاجه دلوقتي عايز نصيحكوا بالنسبه للناس الي خاضت التجربه دي قبل كده انا موتوري 2000 سي سي ايكوتك
اجيبلها جوان اصلي من التوكيل ولا اوفر فلوسي واجيب الاسباني او الالماني الي موجود في السوق مبيفرقش كتير

**ayman hamdy** · 08-11-2014 11:30 AM

الحمد لله على كل شيئ يا عبد الرحمن
الجوان على طول من التوكيل ومن غير تفكير لان دة اهم جزء فى الموتور وريح دماغك بس لازم تعمله عند واحد فاهم وكويس وشوف وش السليندر اتاثر من الحرارة ولا لا وشوف محتاج يتملى ويتمسح ولا لا واكشف على طلمبة المية بالمرة وترموستات الكوعة ممكن تكون قفشة وشوف لو محتاج تغير جوان فرن الشكمان وقبل كل شيئ اكشف على ترموستات المراوح الرصاصى شوفه سليم ولا لا وبالمرة اكشف على المراوح وجميع الكتاوتات بتعتها علشان نعرف ايه السبب فى سخونة العربية اولا
وقدر الله وما شاء فعل والحمد لله على اى حال

**hagagatc** · 08-11-2014 03:32 PM

انا سالت عاليه في التوكيل عامل ٤٥٢ جنيه
التركي ٥٠ جنيه
الاسباني ١٢٥
الالماني ١٧٥
في حيره اجيبه من التوكيل ولا الالماني والله اعلم

**hagagatc** · 08-11-2014 03:34 PM

المشاركة الأصلية كتبت بواسطة ayman hamdy

الحمد لله على كل شيئ يا عبد الرحمن
الجوان على طول من التوكيل ومن غير تفكير لان دة اهم جزء فى الموتور وريح دماغك بس لازم تعمله عند واحد فاهم وكويس وشوف وش السليندر اتاثر من الحرارة ولا لا وشوف محتاج يتملى ويتمسح ولا لا واكشف على طلمبة المية بالمرة وترموستات الكوعة ممكن تكون قفشة وشوف لو محتاج تغير جوان فرن الشكمان وقبل كل شيئ اكشف على ترموستات المراوح الرصاصى شوفه سليم ولا لا وبالمرة اكشف على المراوح وجميع الكتاوتات بتعتها علشان نعرف ايه السبب فى سخونة العربية اولا
وقدر الله وما شاء فعل والحمد لله على اى حال

شكرا ليك يا ايمن انا فعلا كنت حشيك علي كل الحجات دي في دماغي لاني مش عارف السبب لاني ومفيش اي علامات ظاهره قدامي

**Hesham.H** · 08-11-2014 06:04 PM

الحمد لله وقدر الله وما شاء فعل ... التوكيل وما فرقتش ٢٠٠ جنيه فى حاجه بتتعمل فى العمر مره واحده

**monamize4** · 08-11-2014 07:14 PM

المشاركة الأصلية كتبت بواسطة hagagatc

اجيبلها جوان اصلي من التوكيل ولا اوفر فلوسي واجيب الاسباني او الالماني الي موجود في السوق مبيفرقش كتير

ياباشا الامور هتبان لما الوش يتحل
اغلب الحالات بيكون الوش محتاج بتخرط و فى حالات بيكون محتاج يتملى
و فى لاقدر الله حالات بيكون لازم تغير فيها الوش خصوصا لو كان اتخرط قبل كدا

طبعا الجوان الاصلى بيكون كفاءته اعلى لكن الميكانيكيه مابيستخدمهوش ف حاله خرط الوش
و بيفضلوا حاجات زى الجرين جريت (اللى كفاءتها اقل) لان سمكه اكبر و دا لتعويض الفرق نتيجة خرط الوش

طبعا افضل حل هو انك تشترى وش سلندر و تنسى الموضوع خالص لكن طبعا مكلف
و متنساش تكشف على سبب السخونة ,,,,,,,,,,,,,,,,,, و فداك ياباشا :)

**monamize4** · 08-11-2014 11:26 PM

المشاركة الأصلية كتبت بواسطة hagagatc

الف شكر يا باشا علي المعلومات القيمه
يعني افهم من كلامك مشتريش الا لما افك الاول

ايوه ياباشا ,,
ما تشتريش حاجة غير لما تفك الوش عشان تعرف المطلوب ايه بالظبط
خصوصا ان ممكن تحتاج تغير بوجيهات او زيت , فاتشترى الطلبات كلها مره واحده

**amr elsisi** · 09-11-2014 08:34 AM

اوعي تشتري حاجة غير لما تفك
ولو الوش مخروط قب كدة هات واحد استيراد
واكيد طبعا تغير طرمبة المياة حتي ولو سليمة واكشف علي الطبب بالمرة بالثرموستات
كلف شوية بس حترتاح

-

-

الموضوع: الحمد لله العربيه جابت وش سليندر

LinkBack

أدوات الموضوع

عرض

الحمد لله العربيه جابت وش سليندر - انشر الموضوع فى :

-

-

-

-

-

-

المواضيع المتشابهه

العربيه جابت جوان

الحمد لله العربيه جابت وش سليندر :)

جابت فتيس و الحمد للة

هيه العربية جابت طقم دبرياج و الحمد لله

ايه الفرق بين جراند شروكي 99 ال 6 سليندر و 8 سليندر

الكلمات الدلالية لهذا الموضوع

المفضلات

المفضلات

ضوابط المشاركة