السلام عليكم

انا اشتريت مرسيدس c240 موديل 2002 امبارح ، كشفت عالعربيه و كويسه و زى الفل و مفيهاش مشاكل الحمد لله ، بس انا اول مره اركب مرسيدس ، و العربيه اللى كانت معايا قبلها مختلفه تماماً ، كانت BMW 325 موديل 1994 ، فا عندى كام سؤال و اتمنى اتمنى والله حد يساعدنى فيهم

انا دلوقتى العربيه عامله 115 الف ميل ، و هى موديل 2002 ، اخر سرفيس كامل اتعملها كان على 100 الف ميل يعنى من 15 الف ميل ، و حاولت اعرف بشتى الطرق من البائع هل هو غير البوجيهات قبل كدا ولا لا ، لكن هو مش عارف لانه ميح فى الميكانيكا ، وانا محتار دلوقتى اغيرهم ولا لا ؟ .. وانا على حسب ما قريت فى مانيوال العربيه دى المفروض انهم بيتغيرو بعد 100 الف ميل او 5 سنين .. ايهما اقرب يعنى ، ودا مختلف شوية عن العربيات اللى اتعاملت فيها قبل كدا لانى كنت بغير وقت لما احس بتنشنه فى الايدل او تقطيعه فى المشى العادى وخلاص و طول ما مفيش مشاكل بكبر حتى لو مشيت بيها مليون سنه ، لكن العربيه دى جديده عليا اوى

تغيير البوجيهات دا قصه كبيره فى المرسيدس ، و اكيد مش هعمله عند ديلر او حتى ميكانيكى عادى لانه هيخش بالميت فى 800 دولار لانى مش فى مصر .. فا هضطر اعمله بنفسى و حتى دى عايزه ادوات مش معايا فى الوقت الحالى والظروف مادياً مش كويسه ، فا السؤال عشان مبقاش ممل .. هل لو صبرت شويه طول ما الدنيا عادى والموتور بيأيدل كويس و بيدى كويس على كل النقلات يبقى دا عادى ؟ ولا ممكن البوجيهات تكون قالشه ومش ظاهر اوى فى الاداء ؟ .. يعنى ايه العلامه اللى اعرف بيها فى المرسيدس ان البوجيه عايز يتغير لانى مليش فى المرسيدس نهائى واول مره اجيبها ؟ .. انا معنديش اى تشيك انجين لايت فى الشاشه ولا فى اى حاجه خالص .. بس انا قلقان و مش عايز امشى بالعربيه و فى احتمال ان البوجيهات ضايعه ، ولو حبيت اجيب بوجيهات يا ترى اجيبلها انهى نوع بالظبط ؟ وهل الكويل بيحتاج يتغير معاه ولا زيه زى العادى البوجيه يتغير و خلاص على كدا ؟

تانى سؤال ، العربيه دى بيتغيرلها قد ايه زيت بالظبط ؟ 8 اربع ولا 8 ونص ( زيت موبيل 0w40 ) ؟ .. لان فى ناس بتقول 8 و ناس بتقول 8 ونص ، واغيره على 10 الاف ميل ولا اقل ؟