مش عارف السبب فى نقص الزيت هل هو الزيت بيتحرق ام فى تسريب . كيف اعرف السبب ؟

**عمرو الشريف** · 02-11-2014 09:20 AM

سيارتى شيفورليه اوبترا ( عادى )
انا غيرت زيت الموتور من حوالى 3 اسابيع
اول ما غيرت الزيت كان مقاسه عند نهاية منطقة الماكس لمقاس الزيت , اليوم لقيت مستوى الزيت فى منتصف المنطقة الوسطى لمقاس الزيت , مع العلم انى مشيت بالسيارة 2000 كم من لحظة ما غيرت الزيت وحتى الان , انا بستخدم زيت تقيل زيت 3000 .
مش عارف السبب فى نقص الزيت هل هو الزيت بيتحرق ام فى تسريب .
كيف اعرف السبب ؟

**hotbird2271980** · 02-11-2014 09:31 AM

المشاركة الأصلية كتبت بواسطة عمرو الشريف

سيارتى شيفورليه اوبترا ( عادى )
انا غيرت زيت الموتور من حوالى 3 اسابيع
اول ما غيرت الزيت كان مقاسه عند نهاية منطقة الماكس لمقاس الزيت , اليوم لقيت مستوى الزيت فى منتصف المنطقة الوسطى لمقاس الزيت , مع العلم انى مشيت بالسيارة 2000 كم من لحظة ما غيرت الزيت وحتى الان , انا بستخدم زيت تقيل زيت 3000 .
مش عارف السبب فى نقص الزيت هل هو الزيت بيتحرق ام فى تسريب .
كيف اعرف السبب ؟

أعتقد يجب اتباع الآتى :
1- ملاحظة هل يوجد أثر لأى رشح للزيت حول جسم الموتور ؟ .
2- هل يوجد دخنة زرقاء من الشكمان أثناء تشغيل الموتور على آر بى إم عالى نسبيا ؟ .
3- هل يوجد أثر لبقعة زيت على الأرض أسفل الموتور ؟ .
أعتقد الإجابة على الأسئلة دى هى اللى هتحدد سبب نقص الزيت فى الموتور .. و يا ريت تطمنا عملت إيه .. خالص تحياتى .

**mnashat77** · 02-11-2014 09:58 AM

حاول تسيب كرتونه تحت الماتور وانت راكنها بالليل
واول لما تدور الصبح شوف الكرتونه دي فيها اي اثار للزيت ام لا
المفروض ان في فاقد ف الزيت بس بنسبه بسيطه جدا ومش بتنزل من الموتور هي يتتطاير ف المفروض متلاقيش حاجه ع الكرتونه

**borio1704** · 02-11-2014 10:25 AM

المشاركة الأصلية كتبت بواسطة mnashat77

حاول تسيب كرتونه تحت الماتور وانت راكنها بالليل
واول لما تدور الصبح شوف الكرتونه دي فيها اي اثار للزيت ام لا
المفروض ان في فاقد ف الزيت بس بنسبه بسيطه جدا ومش بتنزل من الموتور هي يتتطاير ف المفروض متلاقيش حاجه ع الكرتونه

هو في الحقيقة مفيش حاجة إسمها الزيت بيتطاير

وكلمة "بخر الزيت" مش مقصود بيه نهائي إنه يتبخر لما تسيبه في الهوا مثلا زي المية

إنما الحقيقة إن الزيت بيستهلك .. وبكلمات أخرى.. بيتحرق مع البنزين جوه السلندر.

واللي ممكن يفرق في كمية الاستهلاك هو مدى سهولة تحول الزيت إلى رذاذ (مش بخار) وبقاؤه في هذه الحالة دون ترسب.. وده هو المقصود بكلمة "بخر الزيت"

لو مش مصدقني... اسأل نفسك سؤال صغير... هو الزيت لما يتبخر وينقص مش المفروض إن فيه مكان يخرج منه؟؟ فين المكان ده في بلوك موتور مقفول من كل حتة؟؟؟؟

عايز تعرف معلومات أكتر عن الموضوع ده... اتفضل وادخل هنا:

http://www.nilemotors.net/Nile/418186-a.html

...