الموضوع: استفسار هام بخصوص تضبيط الصوت في النترا

4 سماعات سوني مدور بدل الفبريكة الصوت هيفرق و لو بازوكا كمان يبقي فل الفل

انا معاك يا باشا
شوف انت كل اللى انت هتعمله هتشوف مقاس السماعات بتاع الفبريكه ايه اللى فى الابواب وهتجيبلك بدلا منهم سونى ويا سلام بقه لو طلع مقاساتهم 16 سم على طول تروح تجيبلك سماعتين سونى كمبوننت وتركبهم فى البابين اللى فى الامام اما الابواب الخلفيه تركب سونى عاديين ولو المقاسات اقل ركب كله بردو سونى مدور عاديين وطبعا هتوصلهم على الكاسيت مباشر ودول هيدولك صوت نقى جدا وتريبلات وميدرينج محترم
نيجى بقه لموضوع الجى ام والبازوكا كل اللى انت هتعمله هتجيبلك بازوكا بايونير 1300 وات مع جى ام سيمفونى 400 وات 2 تشانل وتوصل البازوكا بريدج على الجى ام وكده انت عندك صوت وبيز كويس جدا جدا وكده انت تمام من غير ما تفتح فى صاج العربيه

تسلم يا باشا هو تقريبا المقاس عندي ١٦ بس عندي حبه استفسارات
هو السماعات الكمبوننت دي بتكون معاها تريبلات بتركب علي التابلوه و هل لو جبت مكانها سماعات ٤ واي سوني هتدي نفس الصوت و يكونوا كام وات
و بالنسبه للسماعات ورا هتكون كام وات و كام واي
بالنسبه للبازوكا انا فهمت ان البازوكا بتخلي البيز بره العربيه جامد و انا يهمني جوا اكتر فهل الصب في علبه احسن علي الجي ام
وهل ممكن رينج الاسعار تقريبا و اسف على الازعاج

المشاركة الأصلية كتبت بواسطة body7733

شوف يا باشا
السماعات السونى الكمبوننت بيبقه معاها تويترات بيركبو على الطابلوه او اى مكان كويس قريب للسماعات
ودى من افضل السماعات اللى هيدولك صوت مفتوح وميدرينج وتريبلات ممتازه جدا جوه وبره العربيه
بالنسبه للسماعات اللى ورا برضو هاتهم سونى عاديين 350 وات بس عاديين لان الكمبوننت 350 برضو
البازوكا ممتازه فى الحالتين
بيز جوة العربيه وبره العربيه بس الفرق ان البازوكا بتبقه صوتها مسموع من بعيد اوى والبيز له مدى وترددات بعيده ومسموعه من مسافه
اما الصب مش هيديك الاداء اللى انت محتاجه غير فى نطاق العربيه
بمعنى ان البيز هيبقه كويس جوة العربيه لكن بره من بعيد يعتبر معدوم
الا لو انت هتركب صب alpine type r 15 مثلا ده هيبقه فى فرق طبعا
اما لوبتقارن صب بايونير 12 انش بالبازوكا البايونير طبعا البازوكا البايونير تتفوق بكتييييييييير عن الصب
اما الاسعار
السماعات السونى الكمبوننت 350 وات سعرها تقريبا عند اوتوماركت 490 جنيه
السماعات السونى المدوره العاديه 350 وات تقريبا ب 300 الى 350 جنيه مش متاكد بصراحه
البازوكا البايونير 1300 وات ب 650 جنيه
الجى ام السيمفونى 400 وات 2 تشانل مش عارف بكام بصراحه
اما الجى ام السيمفونى ال 640 وات 4 تشانل ب 650 جنيه

تسلم يا كبير النهارده واحد صاحبي في الشغل كان بيقولي بلاش السماعات السوني لانها بتضرب بسرعه و نصحني باربع سماعات بيونير ٣٠٠ للابواب مع جي ام صغير ليهم و و بازوكا مع جي ام تاني و تويترات برده بس لوحدها بس انا شايف ان الكومبننت دي هتكون افضل ايه رايك

المشاركة الأصلية كتبت بواسطة body7733

مع احترامى لصاحبك هو ميعرفش حاجه عن السونى كده خالص دى حاجه
تانى حاجه قارن سعر السماعات دى بالسماعات البايونير وانت تعرف اذا كانت دى افضل ولا البايونير وده ان دل فيدل على ان السماعات دى سبتت وجود جامد جدا
لان لو السونى بتضرب والكلام الفارغ ده ماكنش سعرها يعلى بالطريقه دى ومن الاخر دى افضل سماعات مدوره
تالت حاجه هو صحبك عاوزك تجيب سماعات بايونير مدور وتركبلها جى ام عشان يطيرهالك بسرعة البرق دة بصراحه عاوز يحافظلك عليهم هههههههههههههه
والله اذا كنت عندك شك فى ناس مجربه ومغيره اكثر من مره يبقه خد بكلام صحبك ولما تعرف ان كلام الناس المجربه صح ساعتها هتبقه خسرت تمن السماعات للاسف وهترجع تشترى السونى تانى
انا بقولك كده لان مالاقتش حد ينصحنى زى ما الناس بتنصحك كده
وعموما عشان اريحك خالص انا السماعات دى عندى بقالها سنتين ومفيهاش الهوا وعند ناس تانيه كثيييييييير هنا فى المنتدى وبره المنتدى بس ادعى انك تلاقيهم
وبعدين انا بصراحه عمرى ما سمعت ان حد بيوصل السماعات الابواب على جى ام
السماعات السونى الكمبوننت بتتوصل على الكاسيت مباشر وهما بيجى معاهم تويترين وجهازين لرفع مستوى الصوت وتقسيمه ونقاءه
وطبعا ليك حرية الاختيار

خلاص يا باشا نجرب المجرب بس انا ممكن اعمل السيستم على مرتين اول مره اركب السماعات الكمبوننت الي قدام و العاديه اللي ورا و بعد كده ان شاء الله لما ربنا يكرم اجيب البازوكا و الجي ام و غلبتك معايا يا باشا معلش

هو اوتو ماركت ده فين يا جماعه في القاهره