خصال لا تطاق لدى بعض من الشعب المصرى

يعني علي سبيل المثال

موضوع الهجره و افريقيا

ناس تيجي رخمه تسألني عن الخطط المستقبليه

فأقول اني بجهز نفسي عشان خلال شهور ان شاء الله اغور علي تنزانيا

اتلاقي سيل من التريقه و التهكم و التفاهه و الهيافه و احباط الهمم

مع العلم ان البعض ميعرفش تنزانيا دي فين اصلا علي الخريطه

طب ليه بتتهكم علي الاخرين ؟ ليه انت جاهل جغرافيا و جاي تتكلم ؟

ناس تانيه تقول البلد دي احسن من غيرها

مع العلم انه مشافش غيرها اصلا

طب هي احسن من غيرها علي انهي اساس من وجهه نظر سيادتك ؟

انت متعرفش غيرها اساسا يبقي بتفتي ليه ؟

موضوع التطفل

بعض الاشخاص مش علي لسانهم غير سؤال ههتجوز امتي

انت مال اهلك اساسا ؟ هو انا قاعد علي قبلك و بتصرف عليا مثلا ؟

و تلاقي الاشخاص دول بيسبوا في الجواز و الحريم و العيال

طب عايزين اتجوز ليه و الجواز زي الزفت من وجهه نظرك ؟

و لا هو تلبيس في حيط و السلام ؟

عالم مريضه و الله

نفسى اشوف حد فى القسم دة بيكتب موضوع متفائل

اقتباس:

---

المشاركة الأصلية كتبت بواسطة hesham fawzy h

نفسى اشوف حد فى القسم دة بيكتب موضوع متفائل

---

http://www.nilemotors.net/Nile/448216-a.html

هايل يا master .. الله يباركلك

دا انتا لو فضلت ورا كلام الناس مش هتخلص , فكك من الناس

اعمل اللى انتا شايفه صح وخلاص

هو فيه كونسبت فطرى فى مصر اسمه احساسى ان الكل اهلى فأسأل واساعد واحب واعاون واطمن على كل واحد دا انت ممكن متعرفش حد وتساعده الموضوع موضوع اهتمام الناس بيك مش طفيلية ممكن تحسبها حب الناس ليك ثم مفيش مشكلة من الهجرة هاجر كلنا عايزين نهاجر علشان نعيش فى مجتمع كويس ونكسب فلوس اكتر لكن نفسنا اكتر المجتمع ده يكون فى مصر

انا عايش مع الإنسان الوحيد إلي أستحق أعيش معاه ......... أنا

ايه العنوان ده ياباسم ...ياعم خف شوية واكتب بدون النرفزة الأوفر دى

انت كان مش عاجبك السيسى ولا الحكومة ولا العواجيز ..... دلوقتى مش عاجبك عموم الشعب المصرى ونازل فيهم تقطيع تخلف على غباء على جهل على مرض ؟

هو انت ليه بتحسسنى انك لمونة فى بلد قرفانة ؟ (معلش بقى المثل كده)

عموما تنزانيا حلوة.... روح تنزانيا

انت غلطت في المصريين جامد
عايزهم ميفتوش،المصري لو بطل يفتي يموت
إحنا بلا فخر احسن ناس نتريق علي الدول و علي الناس و مش واخدين بالنا من نفسنا

اقتباس:

---

المشاركة الأصلية كتبت بواسطة hesham fawzy h

نفسى اشوف حد فى القسم دة بيكتب موضوع متفائل

---

الواحد يجيب التفائل منين ؟ الواحد بيصحي كل يوم عشان يتحرق دمه و الله

اقتباس:

---

المشاركة الأصلية كتبت بواسطة dr_hady4447

دا انتا لو فضلت ورا كلام الناس مش هتخلص , فكك من الناس

اعمل اللى انتا شايفه صح وخلاص

---

بعمل كده فعلا لكن في ناس حاشره مناخيرها في امور الاخرين

حاجه تقرف

اقتباس:

---

المشاركة الأصلية كتبت بواسطة wael61

هو فيه كونسبت فطرى فى مصر اسمه احساسى ان الكل اهلى فأسأل واساعد واحب واعاون واطمن على كل واحد دا انت ممكن متعرفش حد وتساعده الموضوع موضوع اهتمام الناس بيك مش طفيلية ممكن تحسبها حب الناس ليك ثم مفيش مشكلة من الهجرة هاجر كلنا عايزين نهاجر علشان نعيش فى مجتمع كويس ونكسب فلوس اكتر لكن نفسنا اكتر المجتمع ده يكون فى مصر

---

عندما تتحدث في امور لا تخصك فهذا ليس اهتمام بل طفيليه و قله ادب كمان

اقتباس:

---

المشاركة الأصلية كتبت بواسطة محمد يوسف

ايه العنوان ده ياباسم ...ياعم خف شوية واكتب بدون النرفزة الأوفر دى

انت كان مش عاجبك السيسى ولا الحكومة ولا العواجيز ..... دلوقتى مش عاجبك عموم الشعب المصرى ونازل فيهم تقطيع تخلف على غباء على جهل على مرض ؟

هو انت ليه بتحسسنى انك لمونة فى بلد قرفانة ؟ (معلش بقى المثل كده)

عموما تنزانيا حلوة.... روح تنزانيا

---

يا استاذ محمد

لو كنت قريت العنوان كويس كنت هتشوف كلمه معظم

انا لا اسب احد

و لكن انا بتكلم عن صفات عقيمه متأصله في معظم الشعب المصري

انا لا لمونه و لا زتونه

و حاول تتكلم في صلب الموضوع افضل

يمكن تلاقي رأيي صح

تحياتي لحضرتك

اقتباس:

---

المشاركة الأصلية كتبت بواسطة omar mahmoud

انت غلطت في المصريين جامد
عايزهم ميفتوش،المصري لو بطل يفتي يموت
إحنا بلا فخر احسن ناس نتريق علي الدول و علي الناس و مش واخدين بالنا من نفسنا

---

ربنا يرحمنا و يتوب علينا من الفتي ده

الواحد يجيب التفائل منين ؟ الواحد بيصحي كل يوم عشان يتحرق دمه و الله


ههههههههههه هههههههههههههه ههههههههههههه ههههههههههههه

يلا نتحر كلنا انتحار جماعى بالسم


يا باسم تفائل بقى ... صباح الفل

واضح انك ناقم على مصر بدليل انك كاتب في البيانات الشخصية
الإقامة : المخروبه مصر للأسف
السيارة: اتباعت عشان مهاجر
السيارة[2]: احنا لاقيين ناكل ؟
دراجة بخارية: مبعرفش اسوق عجل

بس اوعى تزعل انا بهزر معاك

اقتباس:

---

المشاركة الأصلية كتبت بواسطة باسم يوسف

يا استاذ محمد

لو كنت قريت العنوان كويس كنت هتشوف كلمه معظم

انا لا اسب احد

و لكن انا بتكلم عن صفات عقيمه متأصله في معظم الشعب المصري

انا لا لمونه و لا زتونه

و حاول تتكلم في صلب الموضوع افضل

يمكن تلاقي رأيي صح

تحياتي لحضرتك

---

ماهو ده صلب الموضوع يا أستاذ باسم ... كلنا عارفين ان بلدنا حالها مايسرش وشعبنا عنده عيوب ...بس مش لازم كلنا نشتم الشعب ونوصفه بقلة الأدب والجهل والسطحية...الخ من اللى انت كاتبه وكنت كاتبه فى العنوان قبل تصحيح الادارة.... كل موضوعاتك سلبية للغاية ... موضوع تهاجم فيه كبار السن لأنهم بيعطلوا حضرتك فى السواقة وبيمشوا بالراحة بشنط الخضار ولازم ينضربوا بالنار عشان بيمسكوا موبايلات تاتش وهما مالهمش فيها..... وموضوع تشتم فيه البلد واللى فيها عشان مجرد جمعية نسائية هايفة بتقترح اقتراح واتعاملت مع الخبر انه حقيقة مسلم بيها ... وموضوع مش عاجبك التجنيد والمجندين وعايز التجنيد اختيارى مش اجبارى طبعا مع كوكتيل من السياسة

كل ده وطبعا انت اللى من الفئة المختارة اللى مافيهاش كل العيوب دى ... وانت وعائلتك ومن تعرفهم ليسوا جزء من هذا الفشل المتتالى لأنكم لستم جزء من المعظم ... انت واعى وواخد بالك من كل السلبيات لكن كل الشعب (أو معظمه اللى هو طبعا بعيد عنك وعن عائلتك وأصحابك وأحبابك) كلهم وحشين وولاد كذا فى كذا

انت حر تكتب اللى انت عايزه ...بس كفاية طاقة سلبية ياراجل ...خلليها حتى موضوع وموضوع ...بلاش كمية النرفزة الأوفر اللى بتوصف بيها أهلك وأهلى وأهلنا كلهم فى مصر

ولو كنت بتحاول بالمواضيع دى تبرر لنفسك صحة قرارك بالهجرة من البلد فصدقنى انت مش محتاج ده.... انت صح... هاجر منها وسيبها للناس اللى زينا ووللمجندين اجباريا وللعواجيز اللى بيمسكوا موبايلات تاتش مش زراير وبيمشوا بالراحة وبيسوقوا بالراحة.... سيبها لنا تولع فينا وبينا ...أو ربنا يكرمنا ويتصلح حالها بينا برضه...... بس لو ربنا أراد واتصلح حالها ماتفكرش ترجعلها تانى
عشان ده شعب مايستاهلكش.

اقتباس:

---

المشاركة الأصلية كتبت بواسطة hesham fawzy h

الواحد يجيب التفائل منين ؟ الواحد بيصحي كل يوم عشان يتحرق دمه و الله


ههههههههههه هههههههههههههه ههههههههههههه ههههههههههههه

يلا نتحر كلنا انتحار جماعى بالسم


يا باسم تفائل بقى ... صباح الفل

---

بأماره ايه بس ؟ ده كل اليوم الواحد "بيتصبح" بكميه اخبار عن انفجارات و اتوبيسات بتتحرق او بتتقلب او بقرارات رئاسيه في المهلبيه ده كوم و المدرعات اللي بتتفجر في سينا و الجنود اللي بيستشهدوا في الانفجارات دي كوم تاني

ربنا يرحمنا برحمته الواسعه

اقتباس:

---

المشاركة الأصلية كتبت بواسطة غزلة

واضح انك ناقم على مصر بدليل انك كاتب في البيانات الشخصية
الإقامة : المخروبه مصر للأسف
السيارة: اتباعت عشان مهاجر
السيارة[2]: احنا لاقيين ناكل ؟
دراجة بخارية: مبعرفش اسوق عجل

بس اوعى تزعل انا بهزر معاك

---

انا ناقم فعلا علي حال البلد

اقتباس:

---

المشاركة الأصلية كتبت بواسطة محمد يوسف

ماهو ده صلب الموضوع يا أستاذ باسم ... كلنا عارفين ان بلدنا حالها مايسرش وشعبنا عنده عيوب ...بس مش لازم كلنا نشتم الشعب ونوصفه بقلة الأدب والجهل والسطحية...الخ من اللى انت كاتبه وكنت كاتبه فى العنوان قبل تصحيح الادارة.... كل موضوعاتك سلبية للغاية ... موضوع تهاجم فيه كبار السن لأنهم بيعطلوا حضرتك فى السواقة وبيمشوا بالراحة بشنط الخضار ولازم ينضربوا بالنار عشان بيمسكوا موبايلات تاتش وهما مالهمش فيها..... وموضوع تشتم فيه البلد واللى فيها عشان مجرد جمعية نسائية هايفة بتقترح اقتراح واتعاملت مع الخبر انه حقيقة مسلم بيها ... وموضوع مش عاجبك التجنيد والمجندين وعايز التجنيد اختيارى مش اجبارى طبعا مع كوكتيل من السياسة

كل ده وطبعا انت اللى من الفئة المختارة اللى مافيهاش كل العيوب دى ... وانت وعائلتك ومن تعرفهم ليسوا جزء من هذا الفشل المتتالى لأنكم لستم جزء من المعظم ... انت واعى وواخد بالك من كل السلبيات لكن كل الشعب (أو معظمه اللى هو طبعا بعيد عنك وعن عائلتك وأصحابك وأحبابك) كلهم وحشين وولاد كذا فى كذا

انت حر تكتب اللى انت عايزه ...بس كفاية طاقة سلبية ياراجل ...خلليها حتى موضوع وموضوع ...بلاش كمية النرفزة الأوفر اللى بتوصف بيها أهلك وأهلى وأهلنا كلهم فى مصر

ولو كنت بتحاول بالمواضيع دى تبرر لنفسك صحة قرارك بالهجرة من البلد فصدقنى انت مش محتاج ده.... انت صح... هاجر منها وسيبها للناس اللى زينا ووللمجندين اجباريا وللعواجيز اللى بيمسكوا موبايلات تاتش مش زراير وبيمشوا بالراحة وبيسوقوا بالراحة.... سيبها لنا تولع فينا وبينا ...أو ربنا يكرمنا ويتصلح حالها بينا برضه...... بس لو ربنا أراد واتصلح حالها ماتفكرش ترجعلها تانى
عشان ده شعب مايستاهلكش.

---

1) انا لم اشتم احد او اسب احد و لكن ما كتبته و ناقشته هو صفات متأصله في معظم الشعب المصري

2) الجمعيات النسائيه الهايفه اللي مش عاجبه حضرتك هي من ساهمت و لو بجزء بسيط في وضع القوانين المجحفه في حق الرجل و ارجع لاخبار تلك القوانين ايام سوزان مبارك و انت تعرف انها مش جمعيات هايفه

3) ارائي السياسيه انا حر فيها تماما و كاتب اسبابي المقنعه من وجهه نظري و قد اكون مخطئا بالطبع

4) انا انسان عادي فيا عيوب بس مش العيوب المقرفه السابق ذكرها في هذا الموضوع

5) و الله من في عائلتي فيه العيوب المذكوره بتجنبه عشان مش ناقصه حرق دم

6) يمكن دمي حامي حبتين او بتنرفز بسرعه بس اللي الوحد بيشوفه في حياته حاليا اصبح لا يطاق

7) انا مش محتاج ابرر لنفسي شئ و انا حر تماما في اختياراتي و اللي حابب البلد دي يفضل فيها و ان شالله يفضل فيها هو و عياله الي الابد عشان يستمتع بالحريه و الديموقراطيه و التطور و الرقي و النهضه العسكريه الاخوانيه اللي احنا فيها و اللي مش حابب البلد دي يتفضل يعمل زيي و يجهز نفسه للهجره

اقتباس:

---

المشاركة الأصلية كتبت بواسطة باسم يوسف

1) انا لم اشتم احد او اسب احد و لكن ما كتبته و ناقشته هو صفات متأصله في معظم الشعب المصري

صفات متأصلة ؟؟؟؟؟؟؟؟ ومعظم الشعب المصرى؟؟؟؟؟ ده كلام علمى ومدعم بدراسات علم اجتماع واحصائيات ولا كلام قهاوى وكافيهات ؟

2) الجمعيات النسائيه الهايفه اللي مش عاجبه حضرتك هي من ساهمت و لو بجزء بسيط في وضع القوانين المجحفه في حق الرجل و ارجع لاخبار تلك القوانين ايام سوزان مبارك و انت تعرف انها مش جمعيات هايفه

ياراجل ماتضحكش على نفسك وعلينا...هى سوزان كانت محتاجة جمعيات تعمل لها ؟ وبعدين فرضا برضه...مش يبقى برضه موضوعك السوداوى مبالغ فيه قوى؟

3) ارائي السياسيه انا حر فيها تماما و كاتب اسبابي المقنعه من وجهه نظري و قد اكون مخطئا بالطبع

طبعا انت حر فى أرائك السياسية والغير سياسية

4) انا انسان عادي فيا عيوب بس مش العيوب المقرفه السابق ذكرها في هذا الموضوع

فيك عيوب بس مش العيوب المقرفة اللى فى الموضوع ؟ طب معلش ياباسم ممكن من غير زعل تدينا فكرة عن عيوبك "الغير مقرفة" ؟

5) و الله من في عائلتي فيه العيوب المذكوره بتجنبه عشان مش ناقصه حرق دم

أنعم وأكرم بصلة الرحم..طب وقرايبك العواجيز بتعمل معاهم ايه؟

6) يمكن دمي حامي حبتين او بتنرفز بسرعه بس اللي الوحد بيشوفه في حياته حاليا اصبح لا يطاق

روق دمك ياباسم...انت لسه صغير وحاتشوف كتير

7) انا مش محتاج ابرر لنفسي شئ و انا حر تماما في اختياراتي و اللي حابب البلد دي يفضل فيها و ان شالله يفضل فيها هو و عياله الي الابد عشان يستمتع بالحريه و الديموقراطيه و التطور و الرقي و النهضه العسكريه الاخوانيه اللي احنا فيها و اللي مش حابب البلد دي يتفضل يعمل زيي و يجهز نفسه للهجره

صدقنى كلنا محتاجين نبرر لنفسنا ... واللى مايحبش البلد دى يبقى خاين ومش مصرى...كلنا بنحبها بمافينا حضرتك.....قرفانين منها ومن عيوبها لكن بنحبها....نفسنا نبعد عنها شوية ونجرب غيرها لكن مابنتمناش تبقى مخروبة زى مابتقول عليها....اخوان بقى عسكر وحرامية ومهلبية ...كل ده خلطتها السرية....هو انت فاكر لما تهاجر زنزبار دى حاتعيش فى جنة؟

---

اقتباس:

---

صفات متأصلة ؟؟؟؟؟؟؟؟ ومعظم الشعب المصرى؟؟؟؟؟ ده كلام علمى ومدعم بدراسات علم اجتماع واحصائيات ولا كلام قهاوى وكافيهات ؟

---

هو سيادتك مش عايش معانا في البلد دي و لا ايه ؟

اقتباس:

---

ياراجل ماتضحكش على نفسك وعلينا...هى سوزان كانت محتاجة جمعيات تعمل لها ؟ وبعدين فرضا برضه...مش يبقى برضه موضوعك السوداوى مبالغ فيه قوى؟

---

مش حكايه سوداوي ... اصل شقي عمر ناس ضاع بسبب قوانين زي دي

اقتباس:

---

أنعم وأكرم بصلة الرحم..طب وقرايبك العواجيز بتعمل معاهم ايه؟

---

واجب عليا السؤال و السلام

اقتباس:

---

صدقنى كلنا محتاجين نبرر لنفسنا ... واللى مايحبش البلد دى يبقى خاين ومش مصرى...كلنا بنحبها بمافينا حضرتك.....قرفانين منها ومن عيوبها لكن بنحبها....نفسنا نبعد عنها شوية ونجرب غيرها لكن مابنتمناش تبقى مخروبة زى مابتقول عليها....اخوان بقى عسكر وحرامية ومهلبية ...كل ده خلطتها السرية....هو انت فاكر لما تهاجر زنزبار دى حاتعيش فى جنة؟

---

و الله هي مخروبه من ايام مبارك حتي بس حسينا بالموضوع ده اليومين دول او علي الاقل اغلبنا كده ... لا جنه و لا نار المهم الواحد يبعد عن حرقه الدم و الاعصاب ... و الله الواحد شعره شاب و هو مدخلش ال 30 بسبب القرف اللي عايشين فيه

اقتباس:

---

المشاركة الأصلية كتبت بواسطة باسم يوسف

هو سيادتك مش عايش معانا في البلد دي و لا ايه ؟

ده برضه مش رد سؤالى ... عشان تقول ان دى صفات متأصلة لازم يكون فى أبحاث من حاجة اسمها علم الاجتماع ... وعشان تقول نسبة من الشعب أيا كانت لازم يكون فيه احصائيات.... معاك الحاجات دى ولا كلام قهاوى وتوك شو ؟

مش حكايه سوداوي ... اصل شقي عمر ناس ضاع بسبب قوانين زي دي

فى أمريكا الحلوة الجميلة المتقدمة لو حضرتك طلقت بيتخرب بيتك فهمى نظمى رسمى فى كل ماتملك..مش مجرد شقة

واجب عليا السؤال و السلام

ولو حد فيهم معاه موبايل تاتش وقال لك فهمهولى؟ :w6266d

و الله هي مخروبه من ايام مبارك حتي بس حسينا بالموضوع ده اليومين دول او علي الاقل اغلبنا كده ... لا جنه و لا نار المهم الواحد يبعد عن حرقه الدم و الاعصاب ... و الله الواحد شعره شاب و هو مدخلش ال 30 بسبب القرف اللي عايشين فيه
كلنا قرفانين فعلا ...بس الأمل فى الله كبير....طب بجد ممكن تقول لنا ايه مميزات (تنجانيقا / زنزبار) ؟

---

اقتباس:

---

ده برضه مش رد سؤالى ... عشان تقول ان دى صفات متأصلة لازم يكون فى أبحاث من حاجة اسمها علم الاجتماع ... وعشان تقول نسبة من الشعب أيا كانت لازم يكون فيه احصائيات.... معاك الحاجات دى ولا كلام قهاوى وتوك شو ؟

---

معظم الناس اللي بتعامل معاهم كده فيهم الخصال دي ( سواء زباين او اصدقاء او جيران او حتي اقارب)

اقتباس:

---

فى أمريكا الحلوة الجميلة المتقدمة لو حضرتك طلقت بيتخرب بيتك فهمى نظمى رسمى فى كل ماتملك..مش مجرد شقة

---

اوكي بس مش هتلاقي واحده عماله تحلبك هي و اهلها ... مش هتلاقي اب يقولك هات شقه في التجمع الخامس ... مش هتلاقي العروسه و اهلها عمالين يتأمرو و يتأنعروا علي اساس انهم اعطوك ماسه ثمينه ... في امريكا في قوانين بتحمي الطرفيين في الجواز مش طرف واحد زي هنا ... في فرق كبير بين امريكا و مصر في الموضوع ده

اقتباس:

---

ولو حد فيهم معاه موبايل تاتش وقال لك فهمهولى؟

---

بدعي جهلي بهذا النوع من الموبايلات و اجيب حد فاهم بس عنده صبر و وقت و طول بال عشان يظبط الحوار ده

اقتباس:

---

كلنا قرفانين فعلا ...بس الأمل فى الله كبير....طب بجد ممكن تقول لنا ايه مميزات (تنجانيقا / زنزبار) ؟

---

الامل في الله كبير بالعمل و ليس بالدعاء فقط ... اغلبيه الشعب عايزه تفضل عايشه زي ما هي ... طول ما في اكل و سرير موجود بين اربع حيطان تبقي كده زي الفل و مش مهم اي حاجه تانيه ... لا ثوره و لا 100000000 ثوره هيغيروا حاجه في البلد طول ما اغلبيه الشعب مش عايزه تتغير ... في تنزانيا اللي مش عاجبه الناس و بيتهكمو عليها ... هشوف ناس اجانب نضيفه بدل اشكال سواقين الميكروباصات و التاكسيات و العيال السيس اللي عمال يعملو غرز في الطريق ... هبعد عن اخبار الانفجارات و حوادث العربيات و المدرعات و مقتل العشرات من الشعب و الجيش و الشرطه كأنهم حفنه من الفراخ مصابه بأنفلونزا الطيور ... هتلاقي ناس تقدر شغلي و تقدرني و تديني حقي بنفس راضيه بدل الزباين اللي بيطلعوا الجنيه من لحمهم الحي كأني بسرقهم ... الواحد ممكن يعرف يتجوز هناك من غير طلبات عجيبه زي شقه في برج و شبكه مش عارف بكام فرح مش عارف فين و تناكه و تنطيط ... اخلاقيات الافارقه احسن من هنا بمليون مره عن تجربه ... في مميزات كتير كمان

بمناسبة الخصال الهباب، وبما اني عايش في شبه قرية، فالناس كلها عارفة بعضها، اول ما اشتريت الأونو كل اللي يقابلني يقولي يا عم ما اشتريتش شاهين ولا بيجو الصالون ليه أحسن ألف مرة !!! اقوله الله يبارك فيك يا باشا عقبالك، يفتكر يقولي مبروك وبعدين يسألني هي العربية نوعها ايه :)

انا اشتريت موبايل جديد من كام شهر كان galaxy s4 zoom هو مش منتشر
لما جبته كل اللي اعرفهم قعدوا يتريئوا علي و اللي يقوللي حد يشتري تليفون مش منتشر؟؟؟ده دليل انه فاشل و اللي يقوللي حد يجيب ده و ميجيبش كاميرا؟؟؟و اللي يقول مش حرام عليك الفلوس دي كلها؟؟؟؟؟
كام واحد قاللي مبروك من العائلة و الناس المقربين، اتنين بس و هم والدي و صاحبي بس كدة.
و في الاخر لو في مناسبة او حاجة عايزين يصوروها الاقي كله بيحتاج الموبايل،مش كان وحش؟؟؟

نصيح لوجه الله من أخت أكبر منك. انت لو ما حاولتش تصلح من نفسك و من فهمك و نظرتك للدنيا قبل ما تحاول تصلح الدنيا و الناس اللي حواليك عمرك ما حترضى عن حالك لا في مصر و لا في تنزانيا و لا في أوروبا و لا في أي حتة. انت رغم ان ارائك مستفزة في أغلب المواضيع بس ده بيخليك تصعب عليا لأن اللي بيفكر زيك عمره ما حيستريح

اقتباس:

---

المشاركة الأصلية كتبت بواسطة mikho83

بمناسبة الخصال الهباب، وبما اني عايش في شبه قرية، فالناس كلها عارفة بعضها، اول ما اشتريت الأونو كل اللي يقابلني يقولي يا عم ما اشتريتش شاهين ولا بيجو الصالون ليه أحسن ألف مرة !!! اقوله الله يبارك فيك يا باشا عقبالك، يفتكر يقولي مبروك وبعدين يسألني هي العربية نوعها ايه :)

---

طالما هما جاهليين بنوع العربيه بيقترحو نوع عربيه تاني ليه ؟ كفايه فتي بقه -_-

اقتباس:

---

المشاركة الأصلية كتبت بواسطة omar mahmoud

انا اشتريت موبايل جديد من كام شهر كان galaxy s4 zoom هو مش منتشر
لما جبته كل اللي اعرفهم قعدوا يتريئوا علي و اللي يقوللي حد يشتري تليفون مش منتشر؟؟؟ده دليل انه فاشل و اللي يقوللي حد يجيب ده و ميجيبش كاميرا؟؟؟و اللي يقول مش حرام عليك الفلوس دي كلها؟؟؟؟؟
كام واحد قاللي مبروك من العائلة و الناس المقربين، اتنين بس و هم والدي و صاحبي بس كدة.
و في الاخر لو في مناسبة او حاجة عايزين يصوروها الاقي كله بيحتاج الموبايل،مش كان وحش؟؟؟

---

و الله الواحد بيتحرج يقول و انت مال اهلك في المواقف دي بس يالا الحمد لله خلينا احنا الاحسن

اقتباس:

---

المشاركة الأصلية كتبت بواسطة hh

نصيح لوجه الله من أخت أكبر منك. انت لو ما حاولتش تصلح من نفسك و من فهمك و نظرتك للدنيا قبل ما تحاول تصلح الدنيا و الناس اللي حواليك عمرك ما حترضى عن حالك لا في مصر و لا في تنزانيا و لا في أوروبا و لا في أي حتة. انت رغم ان ارائك مستفزة في أغلب المواضيع بس ده بيخليك تصعب عليا لأن اللي بيفكر زيك عمره ما حيستريح

---

ي

ا سيدتي الفاضله

انا لا احاول اصلاح احد و مليش دعوه بحد اساسا و كل ما اريده ان اعيش في حالي بهدوء بدون تدخلات و تطفل علي حياتي ... ده في البلد دي اصبح حق غير مشروع

نظرتي للدنيا ليست صحيحه و ليست خاطئه لان الموضوع نسبي و الحمد لله انا راضي عن حالي و لكن لست راضيا عن حال بلدي و عن حال الناس اللي بتعامل معاهم سواء كانوا اصدقاء او اقارب او غيره

عشان كده اصبحت الهجره اجباريا بالنسبه لي و ربنا يعيني علي هذا القرار و يجعله الخير لي

ارائي المستفزه لا تخص حضرتك في شئ و حضرتك غير مطالبه بالرد علي ردودي المستفزه من وجهه نظرك التي احترمها كثيرا

موضوع راحتي او غير راحتي لا يعني حضرتك في شئ و شكرا لنصائحك الغاليه

تحياتي

رواه الإمام أحمد والترمذي وابن ماجه من حديث ابن عمر رضي الله عنهما قَال : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : الْمُؤْمِنُ الَّذِي يُخَالِطُ النَّاسَ وَيَصْبِرُ عَلَى أَذَاهُمْ أَعْظَمُ أَجْرًا مِنْ الْمُؤْمِنِ الَّذِي لا يُخَالِطُ النَّاسَ وَلا يَصْبِرُ عَلَى أَذَاهُمْ