ناتشة بعد تفويلة بنزين 92

**nyzo** · 11-11-2014 09:23 AM

صباح الخير,

حصل معايا حاجة امبارح, كنت طالع بـعربيتي هوندا سيفيك 2012 VTI من البيت ناحية ميدان هليوبوليس مصر الجديدة متجها إلى كايرو فيستيفال سيتي, والعربية كانت فيها 3 شرط بس بنزين ولسة مانورتش.

أول ماطلعت الدائري قلت أحط بنزين والحقها قبل ماتنور, فـلقيت قدامي بنزينة توتال اللي قدام الJW Mariott الناحية التانية فـفولت منها full tank بنزين 92.

على ماوصلت النفق الأولاني اللي عند اكاديمية الشرطة لقيت العربية بتنتتش جامد قوي وصوت تسقيف وتخبيط في المتر ومش بتسحب وبترجرج, وقفت على جنب شوية لغاية ما هديت وكملت بيها لغاية ماوصلتها للباركينج بتاع كايرو فستيفل سيتي في التجمع الخامس مع بعد الرجرجة وركنتها وسبتها تبرد وتهدى لغاية مالفيت شوية في المول.

وانا راجع كانت أحسن شوية, عالسرعة العالية بتسحب كويس جدا, لكن السرعة المنخفضة بترجرج لسة وفيه نتش كتير على سرعة من 10 ل 40 كده.

فيه حاجة كمان غريبة حصلت, لما حطيتها على ال N أو ال P وكبسة بنزين للآخر وهي واقفة, ال RPM مش بيعدي ال 5 بالرغم من إن ال Red Zone عندي بتبتدي من 6.5 أو 7!!!

أحب اوضح تاني:
==========
> العربية كانت ماشية زي الفل قبل ما أدخل البنزينة.
> العربية دلوقتي ماشية وبتجري كويس, بس فيه نتش وراجراجة اوقات على السرعة المنخفضة ورحت بيها شغلي انهارده اللي هو في مدينة نصر .

محتاج تحليل للي حصل معايا وحد يفهمني ده إيه وال مفروض أعمل إيه؟

- هل اوديها التوكيل؟ ولا ممكن تكون محتاجة تنضيف ل أي جزء صغير فـأي ميكانيكي يعملها ومش مستاهلة توكيل؟
- هل اجيب منظف أبو رقبة طويلة اللي بيتباع في محطة البنزين وأحط منه في تنك البنزين؟
- هل ازودها بنزين 95 ينظف الوساخة اللي في التنك لو فيها؟
- هل اكبر دماغي أفضل ماشي بيها وهتتعدل لوحدها؟

منتظر اجاباتكم وردودكم ضروري...

مع جزيل الشكر.

**hesham fawzy h** · 11-11-2014 09:36 AM

بنزين مغشوش طبعا .. و منتشر جدا من فترة

جيب المنظف مش فاكر اسمة الصراحة .. و زود 95

و لو تقدر تشفط البنزين يبقى افضل

**nyzo** · 11-11-2014 09:42 AM

المشاركة الأصلية كتبت بواسطة hesham fawzy h

بنزين مغشوش طبعا .. و منتشر جدا من فترة

جيب المنظف مش فاكر اسمة الصراحة .. و زود 95

و لو تقدر تشفط البنزين يبقى افضل

متشاكر جدا لرد حضرتك.

موضوع الشفت ده مش عارف يتعمل إزّي ففين لأني فاهم إن فيه فلتر أو مصفى في الزور فـمش هاعرف ادخل حاجة الشفة بيها.

حاجة كمان, هو ليه أزود عليه بنزين 95؟
الموضوع حاجة كبيرة ولا هتاخد وقتها والوساخة هتطلع لوحدها؟

**hesham fawzy h** · 11-11-2014 11:19 AM

بص انا مش عارف السيفيك نظامها اييية
ممكن تجرب الطريقة دى :
بص حضرتك هتغير فلتر بنزين .. و بيبقى فييية خرطومين خرطوم منهم لو شلتة هينزل بنزين كتييير من التانك

لو فضيت التانك تفول 95 .. و تحط اوكتان و منظف رشاشات .. و ان شاء الله هيبقى تمام

**hesham fawzy h** · 11-11-2014 11:20 AM

ياريييت حد من الهونداوية يفيدك :)

**john55** · 11-11-2014 11:36 AM

موني تاني من بنزينه تانيه وشوفي الفرق لو لسه في رجرجه وتسقيف يبقي الاحسن التوكيل والمكان المفيد وشكرا

**virus459** · 11-11-2014 12:40 PM

الافضل تروح التوكيل لو انت لسه بتعمل الصيانات هناك يفضوا التنك وتفول من بنزينه انت بتثق فيها وموضوعrpm ده امان في العربيه وطبيعي انها متعديش 5 علي n او p

**nyzo** · 11-11-2014 12:47 PM

المشاركة الأصلية كتبت بواسطة virus459

الافضل تروح التوكيل لو انت لسه بتعمل الصيانات هناك يفضوا التنك وتفول من بنزينه انت بتثق فيها وموضوعrpm ده امان في العربيه وطبيعي انها متعديش 5 علي n او p

أمان ولا ده بسبب إن فيها حاجة غلط بسبب إن البنزين سدد حاجة جوه عشان كده مش بوصل لل 6 وال 7؟

لو مش نافع أروح التوكيل عشان مش هالحقهم قبل مايقفلوا بسبب ظروف شغلي, ينفع يتنضاف بره ولا صعب؟

**virus459** · 11-11-2014 12:52 PM

لا rpm امان وموجود عندي في عربيتي 2007 والتنظيف لو انت متابع الصيانات مع التوكيل يبقي الافضل هناك ولو انت استهلكت الوقتي حوالي ربع التنك جرب فول 92 وشوف النتشه اتحسنت ولا لا بس لحد لما المشكله تروح ماتقرصش علي العربيه خلي rpm قليل علي اد ماتقدر

**SAMEH_FOUAD** · 11-11-2014 08:27 PM

هية مشكلتك دية مش مشكلة بنزين مغشوش , هية مشكلة بنزين فية شوائب , والشوائب دية للاسف بتعيق سير البنزين بسهولة فى الرشاشات , فانت المفروض اللى هتعملة كالاتى :

1- هتفك فلتر البنزين وتنظفة كويس

2- هتجيب منظف fuel system cleaner من شركة stp هتلاقية فى اى بنزينة محترمة او on the run , وسعرة تقريبا 40 جنية

بس المفروض عشان ياخد مفعولة انك تحطة على تانك فاضى وتمون علية عشان يتقلب كويس , فانت حاول تمشى بالعربية كدة لحد ماتفوق شوية بردة , واعمل اللى قولتلك علية وان شاء الله كلة هيبقى تمام

* مافيش حاجة اسمها بنزين 95 ينظف , بنزين 95 اوكيتان اعلى فقط لكن مش منظف

* بالنسبة لل rpm ان اخرة 5000 لفة , فدة شىء طبيعى عشان دة امان للمحرك على وضعية ال n فقط , لكن مع السير هتلاقى العربية بتوصل عادى لاخر عدد لفاتها

الموضوع: ناتشة بعد تفويلة بنزين 92

LinkBack

أدوات الموضوع

عرض

ناتشة بعد تفويلة بنزين 92 - انشر الموضوع فى :

-

-

-

-

-

-

المواضيع المتشابهه

تفويلة اللانوس تمشى كام كيلو؟؟

تفويلة شيرى 11002009qq سى سى كام ليتر؟

حطيت زيت باور على تفويلة التنك

تفويلة = 230 كم !!! ارجو المساعدة العاجلة

تفويلة بنزين 95 (Audi A4 1.6 Auto 1998)

الكلمات الدلالية لهذا الموضوع

المفضلات

المفضلات

ضوابط المشاركة