موضوع شاغل تفكيرى...... يا ترى حد فكر فيه؟!

**mahmoudzaied** · 29-10-2008 11:39 PM

انا من فترة كدة فى موضوع شغل بالى
موضوع تابلوه اللانسر البوما
الشكل: انا بحبو شكلو مميز فعلا
الاضاءة: مش قد كدة يعنى الواحد يدفع من 90 الف حتى 124 الف جنيه فى عربية واضاءة التابلوه مش قد كدة
انا بقارنها بكذا عربية زى
اللانسر الشكل الجديد (احمر)
الاسبرانزا (ازرق فى احمر)
كورولا الشكل القديم (مايل للازرق)
كورولا الشكل الجديد (البرتقالى او بنى مش عارف)
الالنترا (الازرق)
الياريس (الابيض)
والجين 2 (الاحمر)
الميجان ( الاضاءة الحمرا والبيضاء)
الكليو (البرتقالى)
النيسان الصنى (بس مش قد كدة برضو)
وغيرهم من العربيات اللى اضاءة التابلوه عندهم تحفة
وانا عن نفسى بموت فى الاضاءة الزرقاء(الالنترا) والحمراء (اللانسر بس الكاملة اللى بكاسيت بلت ان)
هل الموضوع ده جه فى بالكم قبل كدة ولا انا اللى غريب
وعلى فكرة العملية فى الاول والاخر ازواق

المهم الموضوع دلوقتى
هل ينفع اغير لو اضاءة العداد والتابلوه بتاعة اللانسر البوما ولا لأ؟
ودا هيكلفنى كام؟
وهل انا بختار اللون اللى انا عاوزو ولا لأ؟

**limo** · 29-10-2008 11:55 PM

انا شوفت عربيات لانوس مغيره لون العدادات الى البنى او الاحمر كان شكها حلو جدا
بس انت لو لو كان لون العداد ايه انت بتعود عليه بعد فتره من استخدام العربيه
يعنى انا عندى فى الكليو لون العدادات برتقالى اول ما جبت العربيه كان شكلها عاجببنى جدا بعد فتره حسيت انهم عادى بالعكس انا لما جبت الانسر ارتاحت مع الاضائه بتاعها جدا لانها مريحه للعين اكتر من الاحمر
على فكره الكورولا القديمه كان شكل وتقسيمه العدادات بتاعها احلى مليون مره من الجديده اليابانى
كمان خلى بالك ان تقسيمه عدادات الانسر كتصميم قديم شويه عن العربيات الى انت كاتبها
لا انا شكل العدادات عاجبنى جدا بس تصميم التابلوه من ناحيه الكاسيت وزراير التكيف وفتحات التكيف مش عاجبنى اوى كان ممكن يكون احسن من كده حتى كمان فى الانسر الجديده مش عاجبنى ولا حتى الانترا والياريس بقى الحته ده فيها شكلها وحش جدا جدا
الى عاجبنى تصميمه الكورولا الجديده او القديمه شكلها روعه

**Dr Ahmed** · 30-10-2008 12:01 AM

ممنوع إستخدام اللون الأحمر فى العدادات وإلا تتعرض لتحذير:cute:

بصراحة أنا عاجبنى لون العدادات ومفكرتش فى تغييره خالص
اللون هادى والتابلوه كله هادى

**mahmoudzaied** · 30-10-2008 12:21 AM

والله انا برضو فى ناس اصحابى لما ركبو العربية ارتاحو للأضاؤة التابلوة والعدادات
وناس تانية قالولى ايه دا يعم مش كنت تجيب النترا احسن
انا شايف انو ازواق
بالنسبة للتابلوة انا شايف ان تصميمو حلو جدا وفتحة التكيف لو ركزتها على وشك هتلجك بس هيا محتاجة تظبيط بس
بس عموما تابلوه اللانسر يعتبر من التابلوهات الفقيرة دا لو قرناها باختها الروحية الكورولا انما تابلوه الياريس مش حلو خاااااااااااااااااااالص والعدادات اللى فى النص مش عجبانى خالص ممكن بس اضاء التابلوه الى حلوة
بس انا برضو نفسى اغيرو للازرق او الاحمر
ومستنى باقى اللانسروية يقولو رأيهم

**mahmoudzaied** · 31-10-2008 01:27 AM

يا جماعة محدش يعرف ازاى اغير لون اضاءة العدادات فيه ناس كتير عاملينها بس فى عربيات تانية غير اللانسر
وبيفكو التابلوه خالص بس انا مش عارف الباقى
يا ريت اهل الخبرة يقولولى ازاى؟

**limo** · 31-10-2008 03:21 AM

افضل حاجه انك تسأل فى قسم التعديلات هتلاقى ناس كتير اوى عندها خلفيه عن الموضوع ده

**mpilot_2006** · 31-10-2008 04:01 AM

الصراحة انا بحب لون العدادات بتاعتها بحس انو هادى كده ومريح
وفى الاخر برضو هى ازاواق
وشكراً على التوبيك

**Mostafa Taher** · 31-10-2008 06:03 AM

انا معايا لانسر بوما والعدادات بتاعتى احمر في اسود

يا باشا العدادات تغيرها كليا بــ 400 جنية كلهم .. هيغيرولك شكل العربية خاالص

**mahmoudzaied** · 31-10-2008 01:50 PM

طيب ممكن تقولى غيرتهم فين؟
وممكن اختار الون اللى انا عايزو زى الازرق مثلا؟

**shaiboba** · 01-11-2008 01:54 AM

انا شايف ان الاضاءة جميلة و مريحة و احسن حاجة انى بقدر اتحكم فى درجة اضاءة التابلوه
علة فكرة انا معايا لانسر خليجى موديل 2009 فمش عارف الخاصية دى فى كل الانسر ولا لأ