https://lh3.googleusercontent.com/Ot...0HUTHjg18rJ1As
دي نتيجتي رايكم ايه ؟؟؟؟؟؟؟؟
عرض للطباعة
https://lh3.googleusercontent.com/Ot...0HUTHjg18rJ1As
دي نتيجتي رايكم ايه ؟؟؟؟؟؟؟؟
نسبة الدهون عندك كتير ... و هتاخد شوية وقت و مجهود عشان توصل ل10-12% اللى هو الرينج المناسب لهدفك .. نسبة دهون اكتر من 12-13% متستناش تقسيمة عضلات بطن تبان ...
اولا و ثانيا و ثالثا لازم تظبيط أكل .. يجي بعد كده الرياضة و الكارديو .. لو رحت جيم كويس فيه كباتن فاهمين هيديلك نظام غذائى و تلعب 3 مرات كارديو فى الاسبوع ... فى خلال شهرين هتبدا تحس بفرق محترم ان شاء الله ..
نقطة تانية مهمة جدا جدا بس مش كتير بياخدوا بالهم منها .. شرب المياه .. اهميته فوق ما تتصور فى كل حاجة , نزول الوزن و حرق الدهون و حتى تكوين العضلات نفسها ... كل خلايا جسم الانسان تتكون بنسبة كبيرة من مياه حتى الخلايا العضلية .. و عملية حرق الدهون بعد ممارسة مجهود او رياضة مثلا لا تتم بشكل مثالى لو الجسم فى حالة جفاف .. اعمل حسابك فى 3-4 لتر مياه فى اليوم
نسبة الدهون عندك كتير ... و هتاخد شوية وقت و مجهود عشان توصل ل10-12% اللى هو الرينج المناسب لهدفك .. نسبة دهون اكتر من 12-13% متستناش تقسيمة عضلات بطن تبان ...
اولا و ثانيا و ثالثا لازم تظبيط أكل .. يجي بعد كده الرياضة و الكارديو .. لو رحت جيم كويس فيه كباتن فاهمين هيديلك نظام غذائى و تلعب 3 مرات كارديو فى الاسبوع ... فى خلال شهرين ل3 شهور هتبدا تحس بفرق محترم ان شاء الله .. انا رحت جيم كان نسبة الدهون عندي 20% بعد شهر و نص نزلت ل15% و حاليا 12.5% بعد 3 شهور .. اعمل حسابك التحسن دايما بيبقى كبير فى اول طلعة لكن بعد كده بيكون بطئ يعني عايز صبر و استمرارية
نقطة تانية مهمة جدا جدا بس مش كتير بياخدوا بالهم منها .. شرب المياه .. اهميته فوق ما تتصور فى كل حاجة , نزول الوزن و حرق الدهون و حتى تكوين العضلات نفسها ... كل خلايا جسم الانسان تتكون بنسبة كبيرة من مياه حتى الخلايا العضلية .. و عملية حرق الدهون بعد ممارسة مجهود او رياضة مثلا لا تتم بشكل مثالى لو الجسم فى حالة جفاف .. اعمل حسابك فى 3-4 لتر مياه فى اليوم
يا باشا طب اوصل ازاي ل 20 في الميه دهون ده معناه اني هبقى 68 كيلو على 182 طول وده وزن قليل جداااااا بتهيئلي وهيبوظ شكلي انا حسبتها على bmi ..... طب انت طولك ووزنك كام ؟؟؟؟؟؟؟؟؟
الموضوع مش كده .. انت المفروض فى الجيم هتعمل حاجتين : حرق دهون + بناء كتلة عضلية فى نفس الوقت و بالتالى المفروض وزنك مش هينزل اوى كده .. هينزل تدريجيا بس لحد ما يبقى وزن مظبوط اكيد مش هتوصل لكام و 60 كيلو ده مش منطقى ... انا طولى 185 كنت بادئ وزني 81 كجم "20%دهون" حاليا وزنى 76 "12.5% دهون" .. مع العلم انى مش منتظم فى التمرين لظروف الشغل و كده و مش منتظم فى كمية البروتين المطلوبة منى فى النظام الغذائي عشان كده يعتبر خسيت زيادة عن المطلوب لانى حرقت اكتر ما بنيت
فكك منها ... دي حاجة مقرفة. ظبط نفسك على بطن فلات ومفيش كرش ...
انا طلعت 6 pack وطلع عين اهلى فيهم ... اسبوعين وحياتك مع شوية وافلز على فول وطعمية اختفوا ...
الاكل احلى من ال6 packs ... حافظ على بطن مشدودة وخلاص عشان تقدر تستمتع بالاكل وفى نفس الوقت بجسم رياضى.
وخليك فاكر .
الاكل متعة
الاكل متعة
الاكل متعة
الاكل متعة
بجد كل مشاركاتكم مفيده :)
طب ايه رايكم في الاختراع ده
http://www.informacaonutricional.blo...in-optimum.jpg
ممكن يفدني بحاجه ؟؟
الواي بروتين .. ده ملخص كلام الكابتن اللى بتمرن معاه و هو ان شاء الله فاهم شغله
انت لما بتشتغل على نظام غذائى مع لعب حديد و اوزان عشان تحرق دهون و تبني عضلات بتحتاج كميات بروتين اكتر من الطبيعي او اللى الشخص الغير رياضي بيحتاجهم ... بتمشى على نظام فيه اكسترا بروتين من الاكل عادى لفترة معينة تختلف من شخص للتانى .. و بتوصل بعد كده لمرحلة بتكون احتياجات جسمك من البروتين صعب جدا تكفيها من الاكل بس و بالتالى فى المرحلة دي بتلجأ للواى بروتين ... هو عبارة عن مستخلص بروتين مركز فى صورة بودرة تذاب فى مياه او لبن و تشرب بحيث يكون سهل و سريع الامتصاص ... كمية البروتين فى الجرعة تختلف من منتج للتانى لكن المتوسط مثلا 20-25 جم بروتين فى الجرعة الواحدة .. و ده يعادل كمية البروتين الموجودة فى 5-6 بيضات او فى سمكتين مشوى او فى علبة تونة كبيرة .. ده يوضحلك قد ايه هو مصدر مهم للبروتين بحيث انك تقدر تدخل جسمك كمية البروتين دى فى حاجة زى كوباية عصير ...
رأيي الشخصى -و انا مش خبير- انك مش محتاجه الوقتي ... انا بعد 3 شهور جيم لسه بفكر اجيبه لانى بدأت أحس فعلا ان معدل الزيادة عندي فى الكتلة العضلية بقى بطئ جدا .... انت لازم الاول تحرق دهون و ده ملوش اى علاقة خالص بالواى بروتين لانه بروتين صافى و مش هيحرق حاجة ... فى مستحضرات تانية لحرق الدهون بس معنديش خلفية عنها ... ظبط اكلك و العب كارديو لمدة 3-4 شهور الاول مع شرب المياه و شاى اخضر برضه كويس للحرق دى اول مرحلة ... الواى بروتين مش مفيد ليك حاليا و محدش نهائى بيبدأ ياخده و هو لسه بادئ يلعب حديد