عاجل ... ستة اطفال محتاجين عملية قلب مفتوح فى دار الفؤاد

**om mohammed** · 30-10-2008 01:13 AM

انا كنت بتفرج على برنامج صبايا دلوقتى وجابت 6 اطفال تعبانين بالقلب وحالاتهم نادرة ومحتاجين يعملوا العمليات دى الاسبوع الجاى بالكتير لأن فى دكتور جاى من امريكا اسمة دكتور هانى حنين هو اللى بيعمل العمليات النادرة دى ومحتاجين 480 ألف جنية على يوم السبت بالكتير فياريت يا جماعة اللى يقدر يساعد بأى حاجة لمساعدة الاطفال دى نبقى عملنا حاجة
انا اتأثرت جدا لما شفت الحلقة دى وفعلا بتمنى اللى شغلة قريب من 6 اكتوبر او اللى يقدر يعمل مشوار ليهم فى مستشفى دار الفؤاد اللى فى 6 اكتوبر
مقدمة البرنامج بتقول ان لو 4000 شخص كل واحد منهم دفع 120 جنية هتجمع المبلغ
يارب يتجمع المبلغ ولو لينا نصيب نشارك فى حاجة زى كدة
وربنا يقدرنا على اى عمل نرضى بية المولى عز وجل
وشكرا

**human** · 30-10-2008 01:24 AM

تكاليف حلقه واحده من صبايا بيعدى ال 480 الف جنيه
الناس ديه بتحب البوباجاندا
ده شو كبير للأسف

**دموع الثلج** · 30-10-2008 01:25 AM

انا معاكم لو هتجمعوا لهم بشكل جماعى

كل شخص لو بشى بسيط هيتجمع مبلغ ولو تحبوا اروح معاكم

**om mohammed** · 30-10-2008 01:28 AM

اسماء الاطفال
منه الله ، داليا ، سندس ، احمد ، صلاح ، كريم

**Miss_Pharma** · 30-10-2008 01:59 AM

انا كمان معاكم ..
وعلى فكرة انا ليا واحدة صاحبتي شغالة هناك .. كلمتها سألتها على الموضوع ده ..قالتلي ان فعلا فيه دكتور قلب جاي من امريكا الشهر الجاي وعاملينله اعلانات في المستشفى ..
بس قالتلي انها متعرفش حاجة عن موضوع الاطفال ده .. فهتسأل تتأكد وتعرف نظام التبرع ايه وترد عليا بكرة ان شاء الله ..
واديتها اسماء الاطفال كمان عشان تتأكد ..
وان شاء الله خير ..

**waleedss** · 30-10-2008 02:13 AM

شباب التبرع في المستشفى في 6 اكتوبر
وسوف تتوقف استقبال التبرعات عند الكتمال المبلغ
حل الاطفال يقطع القلب فعلا

**om mohammed** · 30-10-2008 02:16 AM

استاذ/ هيومان12
انا عارفة ان فى ناس كتير مش بتصدق بس الموضوع دة مفيش فى أى وساطة يعنى البرنامج أعلن عن الحالات والناس هى اللى تروح المستشفى بنفسها تتبرع ليهم وبعدين نخللى امل شوية فى حياتنا بلاش كل حاجة نتوقع فيها الاسوأ
شكراجدا للرد

دموع التلج
شكرا جدا ليكى على الرد انا كان قصدى من فتح الموضوع ان اللى يقدر يعمل حاجة يعملها بسرعة لأن مفيش وقت على حسب كلام البرنامج لأن الدكتور هيمشى يوم الاربع اللى جاى والفلوس لازم تتلم بكرة او بعد بكرة بالكتير يعنى مفيش وقت ان احنا نلم من بعض ولو فية حد يقدر يعمل كدة يبقى جزاة الله كل الخير

ميس فارما
شكرا جدا على الرد وياريت فعلا تتأكدى لنا من موضوع الاولاد دول

وبحب اضيف حاجة انا عارفة ان ممكن اى رجل اعمال يتبرع بالفلوس دى وسهل ان هما يجمعوها لكن بردو لو الواحد حس انة لحق يساهم فى خير قبل أى حد بيكون شعور جميل

**Miss_Pharma** · 31-10-2008 06:28 PM

صاحبتي ردت عليا وبتقولي ان الدكتور هيكون موجود بكرة 2\11 ..
بس بتقولي اسامي الاطفال مش موجودة عندهم في المستشفى ومفيش اي تبرعات ليهم في المستشفى ..
فمش عارفة بقى ايه الوضع بالظبط ..