ﻷصحاب الخبرة والفن المتميزين فقط

**علاء حسين** · 16-11-2014 11:53 AM

معاثارفليشيار98 كربيراتير عايز أسقطلها ماتور انجكشن وتبقى فابريكه بون تعديل ولا عك يعنى اللى يفتح الكبوت يلاقيه زى ما تكون نازله بيه...... ياترى ينفع؟ وتكلفنى كام وطبعارشراه بالنسبه ليه سهل ﻷن بورسعيد ليه سكك فيها
منظر ردود الخبرا

**أحمد جودة** · 16-11-2014 12:57 PM

لو هيا نازلة الفبريقة كاربيراتير وانتا عاوز تعدل لانجكشن هتكون محتاج التعديل على ضفيرة الكهربا وتغيير التنك والله أعلم ....... بس اجيبلك من الاخر لو يفرق معاك مصاريف العربية والبنزين وكدة يبقي بارك الله فيما رزق وخليك كاربيراتير احسن وتقدر تحط 80 ووالصيانة هتكون اسهل اما الانجكشن هتحتاج واحد متخصص للصيانة وطبعا هتبعد عن بنزين الشعب 80

دي أراء وبردو فى المقابل الانجكشن هتاخد سحب احسن وتجميع سرعة

هيا معادلة ولازم تحسبها

**EngAhmedSayed** · 16-11-2014 05:30 PM

الموتور 1300 الانجكشن هيعمل بتاع 3500 او 4000 جنية
بالضفيرة و الكنترول
و هتحاج تغير نانك البنزين
ربك المستعان

**ehab mobarak** · 16-11-2014 08:30 PM

اخي الفاضل انا لسه مسقط موتور سنة 2000 انجكشن بس ركبت عليه الكربراتير بتاعي عشان زي الزميل ما قال حاتغير في الضفيرة بس حاتجيب طلمبة بنزين كهربا بدل الرداخ وغالبا المواتير الأستعمال بتعوز تغيرلها سير الكاتينة وطقم البوجيهات وحاجات صغيرة بس بتشتغل بعد ضبط التاكيهات والكهربا والهوا كويس الموتور اللي انا مركبه 136m والموتور اللي كان فيها 135 لكن نصيحة ما تعملش اكتر من كده وده للضرورة