طلب رنج سعر فيكترا بى

**geniusman1** · 16-11-2014 07:34 PM

لو سمحتوا كنت عايز اعرف رنج الاسعار للسيارة اوبل فيكترا بى من موديل 97- الى 2002 وكل الموديلات 1600 مانوال فياريت تقولولى رنج الاسعار الايام دى علشان انا بشوف اسعار غريبه وطبعا انا عارف كله حسب الحالة فياريت اللى يقولى على حسب الحالة الممتازة او الجيدة جدا وطبعا فبريكا دواخل

**amrosaroukh** · 17-11-2014 12:58 PM

السلام عليكم

اولا ياباشا لازم تفرق في التسعير ما بين حاجتين من 96 لحد 99 دا شكل و من 2000 لحد 2002 دا شكل اينعم اختلافات طفيفة بس في الاخر دا شكل و دا شكل
ثانيا العربية دي بالذات الحالة فيها تفرق كتير اوي في تسعيرها لحد 10 الاف فرق مابين عربتين نفس السنه و نفس الاوبشنز و فرق الحالة
ثالثا أغلي فئة فيها (و دا من وجهة نظر السوق المصري العقيمة ) ال 1600 اوتو على اساس انها اوتو ومش هتاكل بنزين عشان 1600 و كدا تليهم ال1600 المانوال تليهم ال2000 الاوتوا تليهم ال2000 المانوال

رابعا عشان بس الناس اللي هتهاجم انا بقول وجهة النظر السابقة دي وجهة نظر السوق المصري العقيمة

خامساً رأي الخاص
لو سيادتك عايز تركب اوتو يبقا تدور علي الماكينة ال 2000 سي سي الاكوتيك مشاء الله لا قوة الا بالله حاجة كدا زي مالكتاب بيقول و استهلاكها في البنزين زي الفل
لو سيادتك عاوز الماكينة ال 1600 سي سي يبقا تركبها مانوال بسبب ان العربية دي تقيله جدا و الماكنة ال1600 صغيرة عليها فاحسن اداء هتاخدوا منها مع الفتيس المانوال و خاصة في الطلعة بتاعت العربية

و بردوا انتظر رد الزملاء الافاضل يضيفوا شئ زيادة عني

و شكراً

عمرو الشريف

**mohamedshaban1** · 17-11-2014 02:12 PM

وانا كمان عايز اعرف رتج السعر علشان عاوز ابيع العربية . هى 1600ماتيوال بحالة جيدة جدا

**mohamedshaban1** · 17-11-2014 02:14 PM

نسيت اقول موديل 99 واحد كامة

**o0Hanafi0o** · 17-11-2014 07:21 PM

دلوقتى ومع ارتفاع اسعار السوق نسبيا ال b1 من 97 ل 99 حاله جيده مش شاذه ومش هلكانه تعمل من 45 ل 53 وال b2 على حسب حالتها وامكانياتها وحالتها وكمالياتها بس بتبدا من 50 لساعات حالات فى ال cdx بتوصل ل 70 الف

**geniusman1** · 29-11-2014 09:49 AM

شكرا جزيلا على الرد بس انا سمعت ان ال 2000 ايكوتيك استهلاك بنزين مقارب ل 1600 مانوال الماتور الاسود الكلام ده صحيح سؤال تانى برضه عرفت ان الماتور 1600 الاسود المانوال مشاكله قليله وحساساته اقل باختلاف ال 1600 ايكوتيك
بخصوصو ال 1600 ايكوتيك انا شفت منه مانوال واتوماتيك والهورس باور 101 باختلاف الاسود الهورس بور 78 يعنى تقريبا مش هيختلف فى الطلعة اوى .........