الموضوع: قائمه بشهادات مايكروسوفت المعتمده دوليا

رغم اني مفهمتش موضوع الارقام دي الا اني ما ينفعش اسال الا لما اتفرج ع الفيديو
المهم كده الدروس اللي ع الرابط كامله مفيهاش دروس ناقصه ؟
طيب منتش شايف ان العلم تراكمي ؟ يعني المفروض افهم ال mcitp قبل ما ادخل ع الجديد اللي هو mcsa ؟ ولا حضرتك شايف ايه ؟

المشاركة الأصلية كتبت بواسطة prof2013

رغم اني مفهمتش موضوع الارقام دي الا اني ما ينفعش اسال الا لما اتفرج ع الفيديو
المهم كده الدروس اللي ع الرابط كامله مفيهاش دروس ناقصه ؟
طيب منتش شايف ان العلم تراكمي ؟ يعني المفروض افهم ال mcitp قبل ما ادخل ع الجديد اللي هو mcsa ؟ ولا حضرتك شايف ايه ؟

هفهمك موضوع الارقام ببساطة أحنا بنتكلم عن MCSA: Windows Server 2012

https://www.microsoft.com/learning/e...ification.aspx

شوف هتلاقي هي بتتكون من ثلاث أمتحانات للحصول علي الشهاده وهي بالترتيب :

1- Installing and Configuring Windows Server 2012 ورقمه 410
2- Administering Windows Server 2012 ورقمه 411
3- Configuring Advanced Windows Server 2012 Services ورقمه 412

بعض الفيديوهات بيكون محدد ده بيشرح أي امتحان بالضبط، لانك هتمتحن الامتحانات بالترتيب، فبالتالي هتذاكر اسئله كل أمتحان لوحده..

بأختصار كأنك بتذاكر ماده مكونه من تلات فصول وكل أمتحان هيكون علي فصل واحد ، فالافضل وأنت بتذاكر تكون عارف ده أنهي فصل.

إما بخصوص الفيديو اللي طرحته كان مثال توضيحي ولست ملزم بمشاهده هذا الكورس، إيضا أظن انه ليس كامل ينقصه الامتحان الاخير 412.

شهادة MCITP كانت ممتازة لانها تضم كل شىء تقريبا (Client,Server,SQL Server,Office Project,Office Cloud,SharePoint,Lync)

أما الان MCSA تركيزك فقط علي السيرفرات فما فائدة إنك تذاكر محتوي كبير وبالاخر هيتم اختبارك في 10 % منه، الاحسن تركز علي محتوي الشهاده اللي هتمتحن فيها فقط.

بعدها لو حابب تتعلم بهدف الاستفاده مفيش مشكله ، لكن ركز أولا علي امتحانك الاساسي..

تمام كده فهمت
طيب وبالنسبه لسوق العمل هحتاج ايه فيه اكتر mcitp ولا mcsa ؟

بالتأكيد mcitp أقوي لانها تحتوي علي كل شىء، لكن هي أتوقفت من مايكروسوفت يعني متقدرش تقدم علي الامتحان الخاص بها، بالتالي هتتوجه لـ mcsa.

مش مشكله نذاكر الاتنين ,, نمتحن في ال mcsa ونشتغل بال mcitp مع تحديثات mcsa

طيب والحاجات اللي داخل المستطيل الاسود دي بتاع ايه ؟

والله الفوركس احسن من القرف ده كله ومكسبه سريع بس في نفس الوقت خسارته سريعه ومش مضمون
كنت عايز شغلانه تاني جنبها ويكون ليها مستقبل بحيث اشيل ده من ده
بمعنى
اني ادرس مجال زي البرمجه او الشبكات مثلا اجيب منه فلوس حلوة اقدر اودع بيها مبلغ كبير في الفوركس وهكذا

طيب ايه رأيكم في مايكروسوفت اوفيس ؟ مش ده شغله داتا انتري في الشركات ؟ بفكر اركز عليه هو بس ولكن عايز اعرف اخبار مرتباتها ايه حلوة ولا لاء ؟
ومحدش يكلمني عن المرتبات في مصر انا بتكلم على الشغلانه دي برا مصر سواء الخليج او اوروبا او امريكا مثلا