النكت اهة يا جماعة بعد التعديل
نصيحة اخوية لصاحب الموضوع بلاش تحط نكت تانى انا عنيا اتحولت

مره طالبه مشاغبه المدرس اشتكاها للمدير المدير بعتلها قال لها عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعدشويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك"

واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى

مرة واحدة قاعدة مع جوزها في جو رومانسي قالت لجوزها قولي كلمة حلوه قالها: بسبوسة قالت لأ كلمة تهزني قال لها مرجيحة قالت كلمة تحسسني أني مراتك قال لها انتي طالق

مرة واحد غبى جاله عقد عمل فى الكويت يوم السفر قاعد فىالمطار فالمذيع الداخلى بيقول على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقوله يا استاذ رحلة الكويت هتطلع فرد علية وقاله ياعم دول طالعين رحلة انا طالع شغل

صرصار ندل عزم 4 من أصحابه اولما اتجمعوا شد السيفوووون عليهم

مرة واحد عصبى ضرسه وجعه راح للدكتور ، الدكتور قاله انت بتشكى من ايه قال له انت شايف الضرس ده قاله ايوه قاله شيل كل الضروس الى حوليه وسيبه زى الكلب لوحده

مره واحد سرق فرخة وراح عند البحر نضفها واكلها جه الضابط وقال له انت سرقت الفرخه قاله لا يا باشا قال له الضابط والريش ده؟ قاله دي نزلت تعوم وقالتلي اخلي بالي من الهدوم

واحد مسك ايد حبيبته قال لها سامعه يا حبيبتي قالتله لا قلها دلوقتي تشمي

واحد بلديتنا ماسك عيالو و نزل ضرب و تعذيب فيهم سأله جاره "حرامعليك كده هو فيه ايه؟" قال له "ولاد المفتريه مشغلين المروحه علي تلاته و هما اتنين بس

مرة واحد اشترى رغيف عيش لقاه سخن ، وداه المستشفى

واحد باكستانى اتجوز وخلف سمى ابنه باكستالت........باكستالت خلف سمى ابنه باكس واحد على اسم جده.

مره مدرس قال للتلاميذ اللى موش فاهم يقوم يقف فواحد بس اللى وقف،المدرس قال له انت موش فاهم قال له لا بس عيب اخليك واقف لوحدك

واحد رخم قال لزوجته جبيلي كباية مليانة ميه و كباية فاضيه قالت له ليه؟ قال لها عشان ممكن اشرب وممكن ماشربش

مرة واحد وقف (تاكسى) قالوا (نادى الشمس) فرد علية ماتناديها انتا

مره واحد كان عنده صعوبه في النطق فكان مسافر هو وقرايبه يشتروا حتة أرض في العاشر فبعد ماخرجوا من أسوان طول الطريق قعد يقول ننننننننن ولما وصلوا العاشر قال( نسيت الفلوس) وهما راجعين علشان يجيبوا الفلوس طول الطريق فضل يقول ككككككككك ولما وصلوا أسوان قالهم (كنت بضحك عليكم)

واحد بيسال صاحبه ليه الورق بيسقط في الخريف قاله اصله ما ذاكرش حاجه طول الصيف

واحد قال للفكهاني عندك موز قاله آه قاله إديني موزتين وراح حاطط موزه في كل ودن من ودانه ومشي تاني يوم عمل نفس الشغلانه والتالت نفس الحكايه الفكهاني إتجنن من الحكايه وقال قي نفسه لازم أعرف إيه الموضوع ده ولما جاله الراجل وقاله إديني موزتين قاله معنديش قاله طب عندك خيار قاله آه قاله إديني خيارتين وراح حاطط خياره في كل ودن من ودانه قاله الفكهاني إيه حكايتك ياجدع إنت حطيت الخيار ليه في ودانك قاله أصل مفيش موز

مره اتنين قاعدين مع بعض واحد سأل التانى قال له انت اسمك ايه قالو انت مالك رد عليه وقال له وانا محمد

مرة قطة ماشية على سور وقعت ليييييييه ؟؟؟؟؟'السور خلص

بلاش دي مرة كلب ماشي على سور وقع هوا راخر ليييية ؟؟؟
السور خلص برضه

مرة واحد غبى ماشى عمال يقول يا رب الاقى عشرة جنية فى جيبى فوضع ايدة فى جيبه لقاه مخروم قال اما ارجع ادور عليها يمكن تكون وقعت

مرة واحد بيسال التاني قالوه انت ساكن فين قالوه انا ساكن في الزيتون قال له يعني فين في الزيتون قالوه في اخر البطرمان

جاء حكيم الزمان ذات يوم واخبر الناس ان دراكيولا ذو اليد الملوثة سيظهر بعد مائة عام فتساءلوا ما هو دراكيولا ذو اليد لملوثة؟ فاخبرهم انه مارد عملاق يمكنه تدمير الارض اذا لم ينفذوا له طلبه الوحيد مرت الاعوام حتى اكتملت مائة ولم يظهر شئ فعادوا لابن الحكيم فاخبرهم انه سيتاخر خمسون عاما اخرى مرت الخمسون عام ولم يظهر شئ فعادوا له فقال لهم انه سيتاخر خمسة وعشرون عاما مرت الاعوام ولم يظهر شئ فعادوا واخبرهم انه سيتاخر عشر سنوات مر العقد ولم يحدث شئ فعادوا فاخبرهم انه سيتاخر خمس سنوات مرت الخمس سنوات ولم يظهر فاخبرهم انه سيتاخر سنتان مروا ولم يحدث شئ فعادوا فاخبرهم انه سيتاخر عاما اخرى مرت العام وفى نهايتها بينما هم متجهون الى الحكيم اذ بالارض تضطرب وتنشق عن مارد عملاق يقطر الدم من يده
فسالوه : من انت
قال: انا دركيولا ذو اليد الملوثة
فسالوه: ماذا تريد؟
فقال لهم: عايزاغسل ايدى

مره واحد صعيدي مراته ولدت بنت في الفجر ذبحها وقال مافيش بنات تيجي اخر الليل

صعيدي اول مره ياكل لبان حلف ماينام إلا ما يخلصه

سوداني يدرس مسائي انطفات الكهرباء راح ....سجلوه غياب

مره واحد أحول كان عنده حمامة حولة ،فمرة جه يحطها جوة القفص فحطها بره علشان كان أحول راحت الحمامة علشان هي كمان حوله طارت جوة القفص

مرة واحد اسمه مفتاح ..مات .. اهله مزعلوش عليه
عشان عندهم نسخة تانية

مره بطه كل يوم بتروح عند السوبر ماركت وبتقول للبياع عندك عنب فيرد عليها البياع ويقول لها لا والله جات تاني يوم وقالت له عندك عنب قال لها لا والله جات تالت يوم وقالت له عندك عنب قال لها لا والله أنا مش قلت لك معنديش عنب إنت لو جيتي بعد كده هدق رجلك بالمسماير هنا وهتكوني عبره للناس جات رابع يوم وقالت له عندك مسامير قال لها لا والله قالت له تمااااااااااااام عندك عنب

محشش وجهوا له هذا السؤال ما هو وجه الشبه بين الحمار والأرنب...
قال: الحمار باللغة الانجليزية اسمه دونكي احذف (دون) ظلّت كي , كي بالعربي يعني مفتاح حط مفتاح في حكمة"الصبر مفتاح الفرج' احذف مفتاح الفرج ظلّت الصبر حط الصبر في حكمة "الصبر جميل"
احذف الصبر ظلّت جميل فيه ممثل مصري اسمه جميل راتب احذف جميل ظلّت راتب إعكس الحرفين الأخيرين (التاء والباء)
صارت رابت ورابت بالانجليزي يعني أرنب وهو المطلوب إثباته

مره واحد غبي محكوم عليه بالاعدام فلما علقوه في المشنقه قعد يخبط بيده و رجليه فافتكروه عايز يقول حاجه ففكوه فقال لهم يا اغبياء كنت هتخنق

مسطول بيتصل بالتلفون بالشركة السياحيه ردت عليه الموظفه قال لها لو سمحت قواليلي الطياره من القاهره لامريكا بتاخد اد ايه قالت له ثانيه واحده يا فندم راح قالها شكرا مع السلامه

مره واحد كسلان حب يبيض غرفته.. بيض حيطه وكتب علي الباقي إلخ......

مرة واحد بخيل راح يزور صاحبه في المستشفى لقي الباب مكتوب علية ادفع... راح راجع

مرة واحد فك مفترس معرفش يربطه

مرة واحد صعيدى وجد مصباح علاء الدين قعد يفركه لغاية ما العفريت مات

نملة لابسة جرافتة زرقاء ليه؟
علشان الحمرا بتتغسل

مرة واحد وقف تاكسي قال له: فاضي يا اسطي ...رد عليه: ايوة قال له طب انزل نلعب دورين كوتشينة

مرة واحد كان عندة حسنة فوق عينة فكان ماشى فى الشارع فواحد قابلة وقال له..عين دى ولا غين

مره واحد سمع عن سر البكبك وعايز يعرف هو ايه فسال الناس فقالوا عشان تعرف سر البكبك لازم تكون قبطان سفينه فالمهم اجتهد ودرس وبقي قبطان سفينه فقالهم فين سر البكبك قالوا لا زم بكون عندك سفينه كبيره المهم صنع سفينه كبيره فقالهم فين سر البكبك قالوا لازم تروح بالسفينه لاكبر بحر فراح لاكبر بحر وبعدين قالوا لازم تقف بالسفينه عند اعمق نقطه في البحر فراح عند اعمق نقطه في البحر فقالولو انزل اعمق حته في البحر فنزل فلقي صندوق كبيـــر قالولو افتحه ففتحه فلقي صندوق جواه قالولو افتحه ففتحه فلقي صندوق جواه قالوا افتحه ففتحه فلقي ازازه فاضيه قالولو افتحها ففتحها ام الازازه عملت بكبك

فى واحد بيحب يجرى بس يجرى مبيحبوش

مره اتنيين مساطيل ماشيين على شريط القطر فواحد بيقول للتاني يا اخى السلم ده طويل قوى ..رد التاني عليه اللى مضايقني ان الدرابزيين واطى أوى

صعيدي بيجيله أرق راح للدكتور .الدكتور قال له عد لغاية 500 تلاقي نفسك نمت على طول راح نام وأبتدا العد ووصل لغاية 200 وكبس عليه النوم قام غسل وشه وكمل العد

مره واحد غبى راح محل تلفزيونات " لو سمحت عندك تلفزيون ملون" رد البياع " أيوه "طب عايز واحد اصفر"

 مرة واحد خلقه ضاق إداه لأخوه الصغير

 مرة اثنين مساطيل قابلوا بعض فى الطريق قال الاولانى للثانى رايح فين قال له معرفش و سال الثانى الاولانى و انت رايح فين قالة معرفش قال له طب تعالى معايا إنت فى طريقى

 مره واحد صعيدى دخل حمام افرنجى .. اخد معاه

ما هو وجه الشبه بين البرتقالة و التفاحة؟؟؟؟؟؟؟؟؟؟؟
الاثنتين ليستا موزة

نظرية مسطول: العلم نور والنور كهربة والكهربة خطر يبقى بنتعلم ليه

 مرة واحد سواق تاكسى كسر يمين راح جبسه

مرة واحد بيحب وكان حياته كلها مع حبيبـته وفى الاخر دبحها.... ليه ؟.. اصلها كانت بقرة

مره واحد بارد بيخبط علي باب واحد ابرد منه فالاول قال مين . رد الاول قال انا رد الثاني قال له لا مش انت
واحد بلدياتنا سافر امريكا و بعد سنه ابوه كلمه بيقوله عامل ايه فى الغربه يا بنى قالوا :يابابا انا اتجوزت امريكانيه و جالى الايدز ابوه قال له اخص عليك و ماتسميهوش على اسم ابوك

واحد رخم قوي دخل السينما مالقاش فيها غير واحد بس راح قعد وراه وقاله دماغك لو سمحت

مرة واحدة بتوقف تاكسى بتقول له ممكن اروح السوق يا اسطى قال لها روحى بس متتأخريش

مرة كانوا عايزين يعذبوا واحد صيني راحوا فتحوا له عينيه

مرة واحدة دخلت مطعم قالت للجرسون عايزة فراخ و لحمة علشان الزباعة ولما جاب الاكل دلقت الاكل فى الشنطة و قالت كلى يا زباعة كلى يا زباعة و بعدين قالت لة عايزة كفته و رز علشان الزباعة و لما جاب الاكل دلقت الاكل فى الشنطة و قالت كلى يا زباعة كلى يا زباعة وطلبت عصير علشان الزباعة و دلقت العصير فى الشنطة اشربى يا زباعة و بعدين دخلت الحمام فالجرسون راح يشوف اية اللى فى الشنطة لقى حتة زباعة ... إنما كبيرة اوى

 واحد اسمه ( زعلان ) تزوج واحده اسمها ( فرحانه ) خلفوا بنت سموها يا فرحه ما تمت

 مره واحد كان بيعاكس واحده لقاها لابسه جزمه بيضه قال لها نهارنا زى الجزمه

مرة واحد بيسال واحد تاني بيقوله:اسمك ايه ..التاني رد عليه: في اختيارات

 مرة واحد صعيدى حب يصطاد سمك راح جاب السنارة وشبك فيها ورقة وكتب عليها "طعم" ورمى السنارة فى الميه وبعد شوية طلع السنارة لقى ورقة تانية مشبوكة فى السنارة مكتوب عليها "سمك"

 مرة واحد محشش اتصل على بيت قال محمد موجود قالوا له الرقم غلط قال لهم طيب بتردوا ليه

 مرة واحد اتنين تلاتة راحو امريكا رجعوا وان تو ثري

 مرة واحد ترزي مشي في حتة مقطوعة...خيطها

 مرة واحد من اياهم قابل واحدة من اياهم بقوا اثنين من اياهم

مرة واحد تعب من المشى جرى

 مرة اتنين صعايدة فتحوا محل بيتزا سموه (بيتزا هعععع)

مرة واحد ماشى ماشى ماشى ماشى لحد ما طلع من النكتة وماعرفناش بقيتها

 مرة واحد غبى واقف في الشارع و بيتكلم في المحمول و عمال يزعق و يقول بس دوري تاني ، دوري كويس، واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)

 بلدياتنا قال لصاحبه .. بالي مشغول من امبارح قال له يمكن حد رافع السماعه

 كان في بلد كلها أغبيا، وكان في في البد دي تلاتة بيعتبروهم أذكي تلاته و كان فيه حفرة في البلد كل يوم واحد يقع فيها وعلى ماينقلوه المستشفي يكون مات، لحد ماقررواإنهم يشوفو حل للمشكله دي ،فعملوا إجتماع حضره التلاته الاذكياء علشان يشوفوا حل للحفرة ،فالأولاني قال أنا عندي إقتراح جامد جدا "إحنا نحط عربيه اسعاف جنب الحفرة وأول ماحد يقع فيها ننقله ع المستشفي فورا"،فالناس قعدت تسقف وتهيص وتقول اقتراج جميل ، جه التاني ٌقال لهم إقتراح جميل ايه ده اسمه غباء،انا عندي اقتراح احسن أحنا نهد المستشفي اللي هناك ونبني مستشفي هنا جنب الحفرة ، فالناس قعدت تهيص و تسقف ، التالت قال لأ ده مش حل كويس، أنا عندي الحل"إحنا نردم الحفرة هنا ونحفر حفرة تانيه جنب المستشفي

غبي قال لابنه: اطلع وإسقي الزرع. قال الابن: يا بابا الدنيا بتمطر. قال الغبي: بلاش أعذار خد شمسية معاك

ما هو وجه الشبه بين الليمون والزيتون؟!!...الاثنان لا يمكن عمل منهم عصير جوافة

 مرة واحد ماشي في الشارع فقابل واحد تاني شكله مش على بعضه و مستعجل اوي و بيقول : ‏لو سمحت من فضلك قلعني الجاكتة
فالاولاني قال له : ‏نعم؟
فالتاني قال : ‏قلعني الجاكتة بسرعة
حاضر.. ‏حاضر و راح مقلعه الجاكتة
لو سمحت بقى قلعني الكرافتة
إيه؟
الكرافته ..‏الكرافته بسرعة
حاضر.. ‏حاضر و راح مقلعه الكرافته و هو مستغرب اوي من الراجل الغريب ده : ‏ها يا سيدي اي خدمة تانية!!
اه .. ‏معلش فك لي زراير القميص
لااااا دانت زّودتها اوي .. ‏كده تاخد برد يقلب بنزلة شعبية حادة تاخد أجلكمن فضلك فكها .. ‏بسرعة .. ‏ارجوك
ُافففففف.. ‏وادي زراير القميص خلاص فكيتها.. ‏دا كان يوم إيه المهبب ده, ‏ها.. أي اوامر تانية؟
أيوه قلعني بقى القميص
يا سيدي عييب .. ‏مايصحش كده , ‏دإحنا فى الشارع خللي عندك دم .. .. ‏لاحول الله يا رب !!
أرجوك.. ‏أرجوك بسرعة.. ‏مافيش وقتدي وقعة إيه المهببه دي, ‏أنا كان إيه إللي جابني من الشارع ده..‏وادي القميص ... ‏هاااا.. ‏إيه تاني!!
إرسملي على ظهري خطوط بالطول و خطوط بالعرض
حسبي الله و نعم الوكيل .. ‏إنت مجنون ياراجل أنت؟؟!!
من فضلك .. ‏أرجوك
رسمتلك زفت بالطول و زفت بالعرض
رقملي بقه المربعات إللي إتكونت على ظهري بالأرقام من 1 ‏إلي 40
يا صبر أيوووب .. ‏بقى إنت معطلني كل ده علشان تلاعبني سيجه على قفاك؟!!!!
بسرعة لو سمحت .. ‏أرجوك رقمهم .. ‏من فضلك مش قادر
أديني رقمتهم...
لو سمحت بقى أهرشلي في المربع رقم 33