الموضوع: استلمت هوندا سيتى 2014 الحمد لله اللى عنده اى اسفسار عن العربيه يتفضل يسأل

المشاركة الأصلية كتبت بواسطة mnashat77

الف مبرووووك ليك
ربنا يحفظهالك

الله يبارك فيك :)

المشاركة الأصلية كتبت بواسطة man1974

ألف مبروك يا باشا ربنا يديك خيرها ويكفيك شرها.

الله يبارك فيك يا باشا ربنا يخليك :)

المشاركة الأصلية كتبت بواسطة ayman_amer

ربنا يبارك لك فيها. ..اخبار استهلاك البنزين واسعار قطع الغيار وحجم الكنبة الخلفية والشنطة

يا رب .. لسه مقدرش اقولك استهلاك البنزين عامل ايه بس انا فولت من المنصوره و رجعت بيها دمياط مشوار حوالى 60 كيلو متوسط الاستهلاك مكتوب 7.2 و بالنسبه لقطع الغيار اللى عرفته هوا طقم البوجيهات ب 700 جنيه تقريبا بس بيتغير كل 100 الف كيلو و قطع الغيار هتلاقيها غاليه بس عمر افتراضى كبير لو جيت تبص هتلاقيها هيا هيا مثلا حاجه رخيصه تتغير كل شهرين ولا حاجه غاليه تتغير كل ست شهور.. حجم الكنبه الخلفيه كبيره و المسافه بين رجلى و الكرسى اللى قدام كانت كويسه و الشنطه حجمها كويس جدا جدا جدا و اى استفسار تانى انا تحت امرك :)

المشاركة الأصلية كتبت بواسطة m2014

بارك الله عزَّ و جلَّ لحضرتك
هل ممكن نعرف سعر الهاى لاين وإذا كان فيه فترة حجز ودفعة حجز أم كان إستلام فورى (إذا كان ممكن) .
وربنا سبحانه وتعالى يعطيك خيرها ويكفيك شرها . . . اللهم آمين

سعر الهاى لاين 179.900 تقريبا و الاستلام فى شهر 12 .. بوص حضرتك انا اللى حصل معايا روحت الفطيم فى التجمع اللى هوا التوكيل لقيت واحده بيضه هاى لاين و واحده فرانى فئه اولى و الاستلام على حسب ما سمعت فى شهر 12 فا واحد قريبى ليه حد فى معرض الليثى روحتله قالى احنا لينا توكيل هوندا فى المنصورة و فى واحده موكا فئه اولى اوفر برايس الف جنيه المهم خلص الكلام على 160 الف دفعت فى مصر و نزلت المنصورة خدتها و مشيت عالطول هناك توكيل هوندا و مركز صيانه على صغير كدا بس تقريبا تبع معرض الليثى هوا دا اللى استلمت منه قبل ما استلم العربيه ربطلى العفشه و راجعلى الزيت و ضغط الهوا بسأله ليه العربيه زيرو قالى علشانها تخزين بس...امين وشكرا يا باشا :)

المشاركة الأصلية كتبت بواسطة ^samy^

الله يبارك فيك يا باشا .. اول حاجه المميزات
-العزل بصراحه فوق الوصف انا لما بقفل الازاز كله و اشغل التكييف مش سامع اى حاجه برا خااااااالص هتحس انك فى عالم تانى بس سامع صوت المكنه مع الضغط عليها خفيف جدا جدا جدا
-السحب بسم الله ما شاء الله كويس جدا تدوس بنزين تلاقى العربيه بتشد معاك و بتستجيب بسرعه و حسيت ان العربيه بتشد اسرع بكتير من البروتون برسونا 2012 اللى كانت معايا ال cvt بيحسسك انك ماشى على غيار واحد بس النتشه بتاعت النقل بين الغيارات مش موجود هتحس انالعربيه بتسحبك لل 100 و الار بى ام مبيعلاش عن 2 لو انته بتشد براحه
-الشكل جميل جدا جدا
-العربيه متغطيه من تحت من عند المكنه لما تفتح الكبوت و تبص عليها متشوفش الارض زى البروتون اللى كانت معايا و يمكن التصفيح دا يضايق ناس لان حك منى فى طوبه على الارض خدتها بين العجل بس بصراحه كانت كبيره
-العربيه عاليه عن الارض اعلى من الياريس
-و انته راكب مش هتبقى شايف اى حاجه من الكبوت شايف الطريق بس معرفش دى حاجه كويسه ولا بس يمكن عشان انا قصير 172 :d بس انا رافع الكرسى بالدراع الهيدروليكى
-الثبات مقدرش اتكلم عنه لسه معدتش 120
-التكييف ممتاااااااااز
-كاسيت بلوتوث ممكن تشغل منه اغانى الموبايل على الكاسيت
-واسعه جدا و شنطه واسعه
-مثبت سرعه
-زرار توفير البنزين

العيوب
-التصفيح اللى تحت فى المكنه بيحك فى الحاجات العاليه عن الطريق
-الفرش و العتب من جوه بيج بيتوسخ بسرعه
-زراير الازاز مبتنورش
-الابواب مبتقفلش بعد ما العربيه تطلع بس دى ممكن تكون مش موجوده فى الفئه التانيه
-حاسس ان السقف واطى سنه بس مش اوى


ولسه هنزل تقرير مفصل و صور ان شاء الله بس لما استخدمها يومين كدا و اعرف كل حاجه فيها كويس

بس غير كدا العربيه بسم الله ما شاء الله تستاهل كل مليم اتدفع فيها

يا باشا ربنا يباركلك فيها وطبعا هوندا مش محتاجه توصيه، حافظ على صيانتها طبعا مش هوصيك ومشكووور عالتقرير الجميل ده

ألف ألف مبروك على السيتى الجديده وعقبال ما تجيب السيفك إن شاء الله تعالى....بس ياباشا مستنيين التقرير بالتفصيل الممل جدااااا...
مع إن شكل 2013 القديم بيعجبنى أكتر بس أكيد الواحد حيتعود على الشكل الجديد لما تنتشر فى الشارع إن شاء الله.

المشاركة الأصلية كتبت بواسطة semsem85

الف مبروك ربنا يكقيك شرها ويحفظهالك انا معايا 2005 ومبسوط منها جداااا وعقبال 2020

الله يبارك فبك يا باشا و ربنا يباركلك فى عربيتك :)

المشاركة الأصلية كتبت بواسطة abo hur

ألف ألف مبروك على السيتى الجديده وعقبال ما تجيب السيفك إن شاء الله تعالى....بس ياباشا مستنيين التقرير بالتفصيل الممل جدااااا...
مع إن شكل 2013 القديم بيعجبنى أكتر بس أكيد الواحد حيتعود على الشكل الجديد لما تنتشر فى الشارع إن شاء الله.

الله يبارك فيك يا باشا و حرام عليك :d الشكل الجديد احسن بكتييييير من القديم و كمان الفتيس الجديد احلى بكتييير بيحسسك بمتعه و انته سايق انا كان قدامى الشكل القديم 2013 هاى لاين و ارخص من الفئه الاولى 2014 بس فضلت الشكل و الفتيس الجديد .. و التقرير بعد ما ارخص ان شاء الله انا مصورها بس اكون عرفت كل حاجه فيها و عيوبها لان انا حاسس ان العربيه مظلومه محدش متكلم عنها خالص

يا باشا الف مبروك و ربنا يديك خيرها و يبعد عنك شرها.

هو إلى معاك هاي لاين؟ ولو الهايا لاين ممكن تقول أخبار البادل شيفت ايه؟ و لما بتحب تشد فجأة العربية أداها ايه؟

و مبروك و ربنا يباركلك فيها :)

المشاركة الأصلية كتبت بواسطة need for speed

يا باشا الف مبروك و ربنا يديك خيرها و يبعد عنك شرها.

هو إلى معاك هاي لاين؟ ولو الهايا لاين ممكن تقول أخبار البادل شيفت ايه؟ و لما بتحب تشد فجأة العربية أداها ايه؟

و مبروك و ربنا يباركلك فيها :)

الله يبارك فيك :) انا فئه اولى مفيش عندى شيفت ... و الشد فجاه جربته مره العربيه شدت كويس جدا و الار بى ام معلاش عن اربعه كمان