http://nileup.com/up/uploads/nilemotors_14254842851.png
شكرا على الرد انا بعمل صيانة فى التوكيل على طول ...ولما كنت بعمل صيانه ال35000 قلتلهم اغير زيت الفتيس المهندس قالى هيتغير عند 45000 انا لو حصل حاجه هما يصلحوها
السلام عليكم ورحمة الله وبركاته
تحية طيبة لكل الساده الأفاضل.... وبعد
كنت طلبت محل لشراء جلب الجلد الكبيره الخاصه بمقصات الكروز وتم بالفعل اعطائي رقم الشرقاوي جسر السويس ولكن للأسف لم اجد عنده وروحت لكذا محل ولم اجد
فهل اجد افاده من سيادتكم بخصوص هذا الموضوع.... وشكراً
متابع
متابع
ولو انت مش مصدقنى او الفني او المهندس مش مصدق .. بعد ما يحط ال 4 لتر ... دور العربية وافتح طبة القياس وافضل زود زيت لحد ما الطبة اللى عالجمب بتاعت القياس تبدأ تنقط
اول ما تنقط اقفلها
لازم تبقي العربية دايرة وواقفة عالبارك
الطبة مكانها ورا الكوبلن الشمال بالضبط
هتابع مع التوكيل وربنا يسهل والاقي عندهم....... شكراً للاهتمام
السلام عليكم ورحمة الله
دلوقتى انا عربيتي كروز 2010 وعامله 105 الف وعاوز اغير الزيت
مع العلم ان العربيه مغيره فتيس كامل فى التوكيل فى اخر 12-2013
بفتيس جديد يعني الفتيس اللى فيها 2013 او 2014 مش 2010 عند 75 الف
ومن الواضح ان اغلب الكلام بيقول ان Mutel atf vi هو الافضل
طيب حضرتك هنا بتقول ياريت يبقى موبيل !؟؟ ولا حضرتك تقصد موتيل ؟
ارجو الافاده لانى عاوز اغير وكنت بدور على ايه الافضل وجزاكم الله خيرا
موتيووووووول
حدور العربية
سيبها تسخن
هات كل النقلات واقف عليها 3 ثوانى
اقفل العربية
ارفعها بالتساوى
فضي الزيت من تحت تماما و بعدين اقفل الطبة
عبي 4 لتر
دور العربية
لازم تدور العربية
افتح طبة القياس اللى عالجمب ورا الكوبلن الشمال
زود زيت تانى لحد ما الطبة دى تنزل شوية زيت تنقط
اول ما تنزل اصبر لحد ما تنقط
اول ما تنقط
اقفل كل طبة القياس واقفل الطبة اللى فوق
و مبروك عليك
بصراحة موضوع قمة فى الروعه
معلش انا معايا اوبترا 2013 اوتوماتيك عاملة 40 الف ومغيرتش زيت فتيس قبل كده وبسمع صوت ونه مع السرعات فوق ال 70 تقريبا والصوت بيختفى لو رفعت رجلى من على البنزين او مورت
وكشفت على العرييه وقالولى انها جابت فتيس والمشكلة انى مبعملش صيانات فى التوكيل ومع ذلك روحتلهم قالولى انها مفيهاش حلجه علشان معرفناش نجبها فى طريق مفتوح
هل المشكلة اللى عندى ممكن تتحل بتغير الزيت ولا ملهاش علاقه ؟ وهل المهندس محمد بكر بيشتغل فى الاوبترا برضه ولال كروز بس؟
الفتيس البايظ بيهبد و يرزع ومبيجبش نقلات
اللي عندك مش فتيس
ويفضل تغيير الزيت بتاع الفتيس
انا معلوماتي صفر فى الميكانيكا ممكن اروح لمين يغير الزين زي ما حضرتك وصفت كده بظبط منغير ما يبوظه العربية 2010 وماشيه 100 الف ... انا بدأت اقلق جدا
مركز اوتوبرو في المقطم
وفي مركز فالفولين في اكتوبر
بصراحه انا مصدوم !!!
انا لسه حاجز الكروز ٢٠١٥ امبارح وكنت مبسوط جدا لان الاختيار جه بعد حيره طويله .. وقلت ادخل ابص بصه عالموضوع اشوف حكاية الزيت ده ايه.. واتصدمت
ايه كميه العربيات اللي جابت فتيس دي ؟ فين الاعتماديه بتاعة العربيه ياجماعه؟
وليه كل التعب ده عشان اغير زيت لعربيتي؟
هو الواحد فاضي ولا فيه دماغ عشان اقعد ادور علي زيت معين ومواصفات معينه واخده اروح بيه للتوكيل؟
امال دور الاستاذ توكيل ايه لامؤاخذه؟ هو للدرجادي منصور ده سيء؟
وبعدين مش فاهم ازاي عربيه محترمه عشان اغيرلها زيت اشتري ضعف الكمية واغيره علي مرتين؟ ايه الفلوس اللي بتترمي عالارض دي؟
اعذروني علي الصدمه بس انا معايا حاليا هيونداي اكسنت آر بي .. ومع الفارق فالمقارنه ورغم كل عيوب الكوري اللي الناس كلها عارفاها ورغم رأي بعض الناس فالكوري الا ان العربيه لحد دلوقتي عامله ٩٥ الف كيلو متر ومغيرتش فيها الا زيت وفلتر بسسس
هو عشان اركب كروز اتعب التعب ده كله؟
محتاج نصيحه صادقه .. اجيب الكروز ولا هتتعبني؟ وياريت الساده الملاك يقولولي عربياتهم اكبر رقم الكروز عملته من غير ماتغير فتيس او موتور او كمبيوتر..
السلام عليكم
انا شارى عربيه عامله 76 الف كم
المالك الاول قال انه مغيرش الزيت ولا مره بتاع الفتيس
انا الحمد لله مش حاسس بمشاكل فى الفتيس و النقلات ناعمه ماعدا الغيار من الاول للتانى
استجابه الفتيس حاسس ان فى ثانيه ماخره لما بنقل على المانول
عايز اغير الزيت بس خايف بعد الكيلومتر الكتير دا يكون فى رايش يسد بلوف الكنترول و هوا نازل
تنصحونى اعمل ايه ؟؟
السلام عليكم في البداية بشكرك ع مجهودك الكبير جداااااااااا وكان معلش عندى استفسار انا معايا كروز ٢٠١٠ عدادها الحالى٧٣٠٠٠ انا تانى مالك المالك الاول غير زيت الفتيس عند ٦٧٠٠٠ بس كان نوع مش معروف المهم لما العداد كان ع ٦٩٠٠٠ رحت لميكانيكي عشان اغير كاوتشة الكوبلن فنزل زيت الفتيس من غير ميقصد ولما شفت الزيت لقيته محروق ولزوجته وحشة فعملت بنصيحة حضرتك وجبت زيت موتيل من وكيله وحطيته عند الميكانيكي بس متهيئلي محطوش بطريقة حضرتك المهم العربية احيانا بتنتش بين الغيارات وامبارح وهي بتنقل حسيت ان العربية اترجيت بطريقة واضحة مرة واحدة بس فده سببه ايه وحله ايه وينفع امشي بالعربية ولا لا ارجو الافادة للاهمية واسف جدا ع الاطالة
اشترى منين زيت ماركة بيزول المانى
موضوع قيم و الواحد من اسبوع دايخ علي تغيير الزيت :) المتاح عند التوكيل AC Delco و سعر العبوه 144 جنيه و يحتاج ال 5 لتر ..اعتقد الامان ان يتم تغييره في التوكيل بالماركه الموصي بها ...و معلومه اضافيه موضوع تغيير زيت الفرامل هام جدا لاني مغيرتوش و الماستر العمومي تلف و تم تغيير الماستر ب حوالي 2200
بجد مجهود رائع وانا من اسكندريه ولسا مستلم الحمد لله ممكن تقولى النصايح ال اتبعها واماكن تغير الزيت بالجوده دى فين وزيت الفرامل وانواعه لانى كده موش ناوى اغير زيوت فى التوكيل بعد الكلام دا كله وتسلم ع المجهود الرائع
للاسف ان مفيش حد عاوز يعترف انه جاب سيارة فاشلة وكله بيلتمس الاعذار عشان يصبر نفسه ., السيارة الى تغير زيت فتيس على 30 الف وعلى مرتين وبالطريقة ده سيارة فاشلة قولا واحدا مفهوش وجهات نظر ولا خلاف لان ببساطة انها سيارة بتخالف كل اعراف سيارات الجير الاوتو الى بتغير زيت على 80 الف ولو مشيت بيها اكتر مش هتقول لا ., ولو توقف المستهلك على شراء البضاعه الفاسدة ده لاحترمت المصانع نفسها واخرجت بضاعه سليمة محترمة لابضاعه خربة عمدا لتسهيل بيع قطع الغيار بعد كدة .
السلام عليكم
كيف حالكم اخواني ؟
انا محمد من السعودية عندي سيارة كروز ٢٠١٢ ال اس حاب أغير زيت الفتيس حقها ولكن ما وجدت الزيوت التالية :
فالفولين. - كاسترول - بيزول
لم أجدهم ماذا استخدم و للمعلومية العربية ماشيه ٥٥٠٠٠ كم
و عليكم السلام و رحمة الله و بركاتة
انت ممكن تسئل عن زيت الفتيس المناسب عندك و هو ما يتوافق مع ديكسترون 6 دة النوع ممكن تستعملة زى ما الشركة وصفته, هتلاقيها مكتوبة على العبوة نفسها atf vi او gm dexron vi اى نوع تكون اللزوجة عالية
فعلا موضوع الفتيس دا غريب ويخوف اى حد مقبل على شرائها يعنى انا كنت حاططها فى اعتبارى بس لما تلاقى نفسك هتصرف 1000 جنيه كل كام شهر تغيير زيت الفتيس بخلاف المصاريف الاخرى تبقا صعبة
تسلم ايديك
يا اهل الخير عندى مشكلة فى الفتيس فى السفر بيسقط غيار من السادس الى الخامس وبعدين يهنج ميرضاش ينقل الى السادس او الرابع انزل افصل كبل البطارية واوصلة يشتغل كويس يمشى مسافة عند اى مطلع مع ثبات رجلى على دواسة البنزين يعمل العيب تانى
افيدونى عندى مشكلة فى فتيس الشيفورليه كروز فى السفر عند المطالع او الضغط على البنزين العربية بتسقط غيار وبعدين الفتيس يهنج مينقلش تانى يثبت على الخامس وميرضاش يغير غير بعد ان اقوم بفصل كابل البطارية فما هو الحل او العيب فين وممكن اصلحه عند مين افيدونى
برجاء عنوان المهندس محمد بكر لأن حاولت أكلمه على الرقم الموجود من أحد الأعضاء لكن للأسف مغلق علي طول .
طب يا جماعة معنى الكلام دة ان فلتر زيت الفتيس مبيتغيرش نهااائي
لو سمحتم
ممكن يكون موضوعي مش فمكانه
لما اكون العربية في خمسة من عالتي واجي ع التالت ادوس بنزين جامد الاقي الموتور بيدي صوت زي انه فاضي
عايز مساعدتكم
لاني مشترك جديد