الموضوع: اغلاق قسم احوال الشارع المصري نهائيا

أقترح فصله كمنتدي منفصل بمحتواه تحت مسمى اخر غير نايل موتورز، وسيب اللي يتكلم يتكلم براحته (تقليل الرقابه)

- قرار اداري اولا واخيرا. فهو شان الادارة ولها مطلق وكامل الحرية فيما تراه. لانها بتتكلم من نواحي فنية هي الوحيدة صاحبة القرار فيها.

- ولكنه في رايي قرار خاطيء في مجمله ( مش فقط مسح كامل محتواه من مواضيع ). لانه بيصب في مصلحة التعتيم والتضليل الاعلامي اللي حاصل علي كل وسائل الاعلام.

- مثل ما كان القرار صحيح جدا ( ومنطقي ) بفتح هذا الباب ( في بداية ثورة يناير ) حتي يكون ناقل للاخبار والنقاشات السياسية لان مصر بتمر بمرحلة تاريخية ومينفعش يبقي حدث جلل بيتم عالارض واحنا هنا معزولين عنه وبنتكلم فالعربيات وتعديلاتها وكمالياتها . فجاء القرار بفتح باب ( مجرد باب فالمنتدي دخوله اختياري ) يتناول هذه الاحداث. فالان قرار غلقه خاطيء لانها عزل عن الواقع اللي كلنا جزء منه وبنعيشه .

- لما هنتكلم عن استهلاك بنزين مقارنة باسعار بتغلي بقرار حكومية . سياسة.
- لما نتكلم عن وسائل تامين من السرقة لتراخي الشرطة. سياسة.
- لما نتكلم تحذير من اماكن بيتم فيها تثبيت وسطو مسلح. سياسة.
- لما نسال عن ارباح قناة السويس وجدية تنفيذها من عدمه . سياسة.

السياسة ياسادة ليست فقط من هو الرئيس ومن هم وزرائه. السياسة هي كل نواحي الحياة.

يقال عن الرجل العاقل الهادي في حواراته ونقاشاته وطرقه في حل مشاكله ( سياسي في معملاته ). مش بس لانه مرشح لمنصب سياسي.

عفوا فهو قرار خاطيء ولكنه للادارة وحدها.

المشاركة الأصلية كتبت بواسطة تامر.محمد

هو انا غير متفق , بس ماقدرش الوم الادارة في نفس الوقت

ربنا يكرم ويفرجها و يجد في الأمور أمور و الدنيا تختلف , و ساعتها نفس الالسنة اللي بتطالب بقفله من يوليو 2013 هاتطالب بفتحه من تاني
و عارف ان تعليقي ده يضايق لكن .... ارجو ما تسمعولهمش ساعتها


وداعا احوال الشارع المصري بحلوك و مرك ........

ملاحظه أخيرة :

ذى ما أستاذ تامر بيقول بالضبط الناس كانت منذ الثورة بتطالب وبتأيد فتح هذا القسم . وبعد 30 يونيو 2013 سياسيه الدوله والمشجعين لوضع ما بعد 30 يونيو بيطالبوا بحذف القسم أو ألغاءؤة .وأنتم بتلبوا طلباتهم فى جميع الآحوال وهذا الكلام موجه للأدارة .

يعنى مش كل ما يأتى وقت يكون على مزاج فئه معينه بفتح القسم تلبوا رغباتهم ولما يطالبوا بغلق القسم أيضا تلبوا رغباتهم .

أما فتح دائم أو غلق دائم حتى لا نسىء الى نوايا أدارة المنتدى الكرام . وأنا قلت اللى عندى والآجر والثواب على ربنا . ولو كلامى سيؤذى أو يجرح الآدارة فأنا أسف لذلك ولكن هما كلمتين وكانوا محشورين فى حلقى من زمان . ودة أأخر الكلام .

ملحوظه أخرى هامه : التريفك بتاع المنتدى هيقل كتير جدا جدا بسبب هذا الموقف .

أنا مثلا بدخل على أكثر من قسم ولكن ليس يوميا ويكون ذلك بعد الآستفتاح بأحوال الشارع المصرى مبدائيا أكثر من مرة يوميا ثم باقى الآقسام وكما قلت باقى الآقسام ليس يوميا .

فهذا القرار يضر مصلحه نايل موتورز كعدد زوار . وعلى الآدارة تحمل نتيجه ذلك .

وكان من الآولى عدم فتح هذا القسم بعد ثورة يناير مبدئيا .

ملحوظه أخيرة : أيضا كما قلت سابقا ليس من حققكم تدمير كل الآفكار والموضوعات القديمه .

وربنا يهدى الجميع وينور بصيرتنا ويصلح أحوال البلاد والعباد