الموضوع: نصيحة بخصوص موتور شاريد اتوماتيك 1990

ياشباب ربنا يجازيكم خير حد يقولى قطع غيارها موجوده ولالا عشان انا ناوى اجيب واحده ان شاء الله وحاله الفتيس الاوتوماتك معاكم ولا اخلينى فى المانوال ؟؟

المشاركة الأصلية كتبت بواسطة medo5th

[size="3"]

بالنسبه لفلتر الزيت موجود هو هو فلتر التويوتا :d مش مستاهله تروح التوفيقيه

فلتر تويوتا اى موديل والا ايه ؟؟؟ يعنى اقول للبائع ادينى فلتر زيت تويوتا فقط ؟؟؟ارجو التوضيح لىهمية وشكرا على المعلومة ربنا يبارك فيك

المشاركة الأصلية كتبت بواسطة geo_yacoub

شوف عند حسين نوح ف الوكاله الموتور الاستيراد ورقمه موجود ف المنتدي وتقدر تشوف بدون فتيس بكام
سألته من 6شهور كده عن الفتيس المانيوال 1000 سي سي 5 غيار ب 600 جنيه بس ناس زي الفل انا اشتريت منهم حاجات كتير ف العفشه وحاجتهم زي الفل
وعن الموتور انا شايف تجيب نفس اللي راكب يعني لو راكب 1000 ركب ال 1000 تسارعه ممتاز وموتور فايق مش زي الماروتي

بالنسبه لفلتر الزيت موجود هو هو فلتر التويوتا :d مش مستاهله تروح التوفيقيه

كويس اوى انك قولتلى و انا فعلا هابص على الحاجات عنده و خصوصا انى هابدأ بالمساعدين الاول سألت عليهم عند على زيدان / الدقى ( اليابانى )750 و عند فاروق الى جنب ميدان الفلكى عنده ب 800 لو عندك نصيحة اكون شاكر ليك

المشاركة الأصلية كتبت بواسطة sohbamody

العربية دى لونها احمر وكانت بتتباع فى شبرا صح ؟ وكانت مرور الدقى كمان
انا رحت شوفت عربيه بنفس الموصافات دى بس من اول نظره بعدت عنها وكان طالب السعر ده , كان باين عليه مبهدلها من شكل الفتيس وباب السواق , عموما ربنا يعوضك خير
بس ياريت لو تقلنا لو تعرف ميكانيكى كويس اخده وانا بكشف على العربيه دى انا نفسى اشترى واحده اوتماتك بحاله نضيفه والفلوس مقصره معايا بصراحه

لا لا مش هيا
عربيتى لونها ابيض و حوض و شنطة الماظ انما فردة الشاسيه هيا اللى مايعلم بيها الاربنا و الفردة التانية اكتشفناها انها مشروخة لما كنت بغير سير الكاتينة و حصل لان المساعد كان ناشف

المشاركة الأصلية كتبت بواسطة sohbamody

ياشباب ربنا يجازيكم خير حد يقولى قطع غيارها موجوده ولالا عشان انا ناوى اجيب واحده ان شاء الله وحاله الفتيس الاوتوماتك معاكم ولا اخلينى فى المانوال ؟؟

هااااات ياباشا و الله عربية ممتازة بس مش كل قطع الغيار هاتلاقيها جنبك
بالنسبة للفتيس مش بطال و حلو على 1000 سى سى
فيه حاجات كنت لازم اجيبها م الوكاله
انا جبت من هناك مارش 400 ج
قاعدة موتور خلفى ... دى اساسا مش موجودة و نادرة جداااا جبتها 270 ج و اغلى حاجة فيها هما المساعدين اللى قدام
و ممكن تركبهم تايوانى او صينى بس اليابانى ركب و انسى طبعا

المشاركة الأصلية كتبت بواسطة upaupa

فلتر تويوتا اى موديل والا ايه ؟؟؟ يعنى اقول للبائع ادينى فلتر زيت تويوتا فقط ؟؟؟ارجو التوضيح لىهمية وشكرا على المعلومة ربنا يبارك فيك

انا روحت عند واحد بتاع قطع غيار عااادى جدا
قولتله عايز فلتر زيت شاريد 90 ادانى فلتر اندونيسى و هو كان كاتب عليه بالقلم ( تويوتا ) سالته هو دا يمشى ع الاتنين قالى اه و لما روحت اغير الزيت ف المشحمة الراجل سألنى انت جبت معاك فلتر ليه دا عندنا منه ... يعنى هو موجود ومفيهوش مشكلة
بالنسبة لموضوع تويوتا دا
حصل ماعيا و انا بصلح الكربرارتير و الراجل فحصه و كتب على الايصال تويوتا فا شكل كدا فيه حاجات كتير مشتركة و شبه بعض ع الاقل ف التصنيع

تسلمو يارجاله على الردود

انا فعلا حبيت العربيه دى ومن متابعتى للمنتدى بقالى فتره باخد بالى انها موجوده فى الشارع صحيح مش منتشره اوى بس موجوده وليها زباين كتير وباذن الله قطع غيارها متوفره بناء على كلام اغلب الاعضاء وانا عشان من القاهره اصلا شغلى جنب الحرفيين وانا من فيصل فسهل اروح عند نوح او زيدان والحاج سيد الفراش

فأنا هتوكل على الله واشترى واحده خصوصا ان الميزانيه على القد شويه
دعواتكم ليا ياشباب الاقى واحده بحاله كويسه

المشاركة الأصلية كتبت بواسطة sohbamody

تسلمو يارجاله على الردود

انا فعلا حبيت العربيه دى ومن متابعتى للمنتدى بقالى فتره باخد بالى انها موجوده فى الشارع صحيح مش منتشره اوى بس موجوده وليها زباين كتير وباذن الله قطع غيارها متوفره بناء على كلام اغلب الاعضاء وانا عشان من القاهره اصلا شغلى جنب الحرفيين وانا من فيصل فسهل اروح عند نوح او زيدان والحاج سيد الفراش

فأنا هتوكل على الله واشترى واحده خصوصا ان الميزانيه على القد شويه
دعواتكم ليا ياشباب الاقى واحده بحاله كويسه

تلاقى ان شاء الله
انما كويسة دى بقى محتاااااجة تركيز
بالله عليك يا شيخ ابوس ايديك و رجليك متجبش اى حد فتااى علشان متلبسش زيى
اهم حاجة ترفع العربية ف بنزينة كأنها هاتتغسل علشان تعرف ايه الاخبار و حالتها من تحت
و الله العظيم انا لو صورتلك الحوض عندى هاتقول العربية دى موديل 2000 مش 90 ممتاااااز
بس لو نزلت لحد تحت العربية ... اعوذ بالله ..نيله
بس انا راضى و الحمد لله
المهم انت خد بالك و انت بتشترى