ارجو المساعدة فى نص عمرة موتور فيرنا 2008

**basossi3** · 23-11-2014 11:54 PM

السلام عليكم
انا معايا فيرنا موديل 2008 و كانت ماشية زى الفل لغاية من اسبوع على طريق اسمعالية الساعة 10 بليل الحرارة لاقيتها على الاخر و طبعا وقفت على طول و فتحت الاربة و الريداتير ملقيتش فيهم نقطة مياه المهم عدى عليا بوكس شرطة و قالى امشى بسرعة عشان متتسبتش و انا كان معايا مراتى و ابنى و قولت انا عايز العربية تمشى باى طريقة و ان شالله تولع تحت البيت و جبت مايا و كانت غلطتى انى خوفت ادور العربية و هي سخنة فحطيت الميا و هى مبطلة و المهم مرضتش تدور تانى , روح للمكانيكى و قالى جابت وش سلندر و عملوا و العربية كويسة و بتجرى بس فيها مشكلة واحدة , صوت الموتور فى تقطيعة غريبة تحس حت ان العادم بيخرج على دفعتين من الشكمان و سالت المكانيكى قالى مقدرش اعمل فيها حاجة الموتور برده اتاثر بالحرارة
السؤال هنا هل فى حاجة المفروض تتعمل عشا اظبط الموتور و اشكركم و اسف على الاطالة

**dreamsmake** · 08-12-2014 12:43 PM

باشا ده ممكن يكون ظبط تقسيمة الكاتينة

**tamer4x4** · 12-12-2014 04:23 PM

من الاخر الموتور اللي بيسخن سيبك منه خلاص لان المواتير دي جسمها المونيوم مع الحراره والسخونه المكنه بتحمص بتعمل العمره ومبترجعش زي الاول خلاص هتقعد تصرف عليها وفي الاخر هتجيب ماكنه شورت بلوك جديده استيراد

**basossi3** · 13-12-2014 07:35 PM

و الله يا جماعة انا روحت لمكانيكى تانى و قالى العيب ممكن يكون بوجيهات او سير كاتينة راكب غلط و المهم غيرت الاتنين و مفيش جديد و فكينا تانى و طلع فى مشكلة فى الصبابات و الكوستبانات و المكانيكى اللى فات ربنا يسامحه كان منيل الدنيا و برده ده كلامه و الموتور تقريبا رجع زى ماكان بس فى صوت تكتكة بيقولى اخره اسبوع و يروح بعد ما الكوستبنات يتملوا زيت ومش عارف الكلام ده صح ولا غلط