موضوع رائع و مفيد جدا
شكرا يا علا
موضوع رائع و مفيد جدا
شكرا يا علا
فكرة ممتازة وبداية رائعة للفكرة . بجد من أهم الأفكار اللى إنطرحت فى المنتدى
ربنا يباريكلك ويعينيك على مساعدة الأخرين فى مجالك
عندك فرص عمل فى شركات العين السخنه؟؟؟
حابب انى ارجع مصر بس لو لاقيت فرصه كويسه فى منطقه العين السخنه
هو احنا في الواقع معندناش عقود خالص :)
أقصد يعني اننا ماشيين بنظام تاني خالص غير نظام مكاتب السفريات اللي بتجيب عقود عمل.. احنا أحيانا بنتعامل مع شركات كبيرة في الخليج، بس الطريقة بتبقى مختلفة في التعامل و في وظايف معينة مش كل الوظايف، يعني الموضوع معقد شوية و محتاج شرح كتير، بس الخلاصة هو ان معظم تعاملاتنا داخل مصر.
شكرا يا أبو عبد الله على المشاركة و التشجيع :)
متابع ... مستفيد ... شاكر جدا
رحت مقابلة شخصة النهاردة
وقعدت مع الموارد البشرية HR
المهم هناك عدة أسئلة لخبطتني وكنت رافض أرد عليهم
- ما هي نقاط ضعفك ؟؟؟؟
قلتله قصدك إيه
قعد يشرحلي كثير ومفهمتوش برضه
- هدفك إيه من الشغل ؟
- تقدر تشتغل تحت ضغط ؟
- ما هو الشيء الذي لا يستطيع أحد غيرك القيام به ؟
- ما هي الفائدة العلمية والإجتماعية التي خرجت بها من عملك السابق ؟
- هل تقدر تشتغل 12 ساعة يومياً ؟
أنا قلتله لأ
و أسئلة أخرى كثيرة ليس لها معنى حتى مللت منه الصراحة
يا ترى الأسئلة السابقة المفروض الواحد يرد عليها إزاي ؟؟؟؟؟؟؟؟؟؟؟؟؟؟؟؟؟؟؟؟؟؟
الفكره ان اهلى كلم عايشين فى السويس وانا اصلا من السويساقتباس:
صعبة شوية حتة العين السخنة دي.. طيب انت تخصصك ايه؟
فطبعا العين السخنه هى المكان المناسب للشغل ، لكن السويس احسن بلا شك
والقاهره انا عشت فيها 8 سنين والحقيقة صعب ارجع تانى للمطحنه ده برجليا ، الحقيقة انا مش مستغنى عن نفسي ولا اعصابي
نرجعلك لسؤالك ، معلش دوشتك بمعلوماتك عنى مش مفيده
ان مهندس مدنى عام ، مش عارف من حسن حظى ولا من سوء حظى ان تخصصت فى مجال تصميم الطرق وهندسه النقل وتخطيط المرور
المفروض ان المجال ده رقم واحد او 2 فى العالم دلوقتى ، بس هو رقم 6500 فى مصر
بس انا مش لازم اشتغل فى نفس المجال ، يعنى ممكن اشتغل كمهندس مدني
سؤال دايما يتسأل في طلبات الوظيفة او في الانتر فيو ....
ايه المرتب اللي انت متوقعه؟
او
ايه المرتب اللي انت عاوزه ؟
طبعا سؤال مزعج و مربك لأي شخص ....
لو قلت مرتب كبير .... ممكن يبقي مش في صالحي عشان ابقي كدة عاوز اكتر من المتاح وفرصتي في الوظيفة تقل ...ولو قلت مبلغ صغير ... ممكن اضيع علي نفسي فرصة الحصول علي مرتب اكبر ...
انتي رأيك ايه يا علا المفروض الرد يكون ايه ؟؟؟
حلللللللللللللو الأسئلة سخنت اهيه :049:
هارجع أرد بعد الماتش ما يخلص ان شاء الله و لو ما لحقتش، يبقى بكرة إن أحيانا ربنا و كان لينا عمر :)