طيب خلينا كده واحدة واحدة.. أولا مافيش حاجة اسمها رافض أرد على سؤال في الانترفيو.. الانترفيو يعني سؤال و إجابة، أخذ و رد من الطرفين.. يعني زي ما هو بيسألك أسئلة و متوقع منك انك تجاوب برضه انت ممكن تسأله الأسئلة اللي انت عايزها و مطلوب منه انه يجاوب على أسئلتك.. مبدأيا كده متفقين؟
ده من الأسئلة اللي لازم لازم لازم لاااااااااااااااااااااااا اااااااااااااااااااازم و خد عندك لازم من هنا لأسوان.. لازم تكون محضر له إجابة و عامل لنفسك self assessment و عارف بالظبط ايه نقاط ضعفك و نقاط قوتك. طبعا مش هاتجيب نقطة ضعف في شخصيتك، مش هاتقول له مثلا أصلي متردد.. ده مجرد مثال طبعا. لازم تجيب نقطة ضعف ممكن تأثر على شغلك، و أهم حاجة أهم حاجة أهم حاجة انك تقول بعدها على طول ازاي انت بتشتغل على نقطة الضعف دي عشان تتغلب عليها و ايه النتايج اللي وصلت لها لحد دلوقتي أو اللي بترجو انك توصل لها في القريب العاجل. يعني انا مثلا لو باعمل انترفيو لحد و لقيته بيقول لي على نقطة ضعف فيه انه غير منظم و سكت.. كده انا هافهم ان دي حاجة مزمنة فيه، انما لما الكلام ييجي في سياق زي مثلا: انا لاحظت على نفسي اني غير منظم و ده بدأ يوقع مني تاسكات في الشغل، فبدأت اني أشتغل على النقطة دي و أعمل لنفسي جدول أو أجندة أو أكتب كل حاجة المفروض أعملها و أرتب أولوياتي، و فعلا شوية شوية بدأت أتحسن و أكون أكثر تنظيما. كده بأه اللي بيعمل لك الانترفيو يعرف انك مدرك تماما لقدراتك و نقاط ضعفك قبل قوتك لأ و كمان شغال على تحسينها و مش ساكت و فعلا دي بتفرق جدددددددا في الانترفيو و تحول مساره تماما لصالحك.اقتباس:
- ما هي نقاط ضعفك ؟؟؟؟