الموضوع: إلى وحوش الميجان ارجو سرعه الرد

المشاركة الأصلية كتبت بواسطة gym1974

صباح الفل عليك استاذ هشام وعلى كل الاخوة انا مش قصدى والله اقفلك من العربية بس حبيت اقولك على كل حاجة بصراحة ان االوقت اللى اشتريت فيه الميجان واحد صحبى جاب سوبارو امبريزا موديل 2009 وتقريبا الاثنين قربين من السعر انا كعيت دم قلبى على الميجان وهو صرف عليها كلام فاضى لحد دلوقتى وبصراحة تعظيم سلام للسوبارو فى كل حاجة تكييف وثبات زى ما انت عايز افضل من الميجان بس مشكلتها عدم الانتشار يعنى عليك وعلى التوكيل على طول فكر فى السوبارو مش عايز اتكلم اكتر من كده احسن الناس تقول عليا دخيل وانا والله معايا ميجان موديل 2010 بجد بس لو رجع بيه الزمان بصراحة مش هافكر فيها هتقولى طيب بيعها هاقولك مش هينفع لأنى بصراحة خليت العربية على سنجة عشرة وصرفت عليها كتير بالتوفيق استاذ هشام

كلامك صح انا برضه مافكرتش ابيعها لكن لما سافرت بعتها على طول ومش بفكر اجيب تاني غير الفلوانس يااما هخرج بره الرينو خالص

انا اول ماجبت الميجان فى خلال شهرين كنت قفلت منها وكنت ناوى اخلص منها بس وكان السبب راجع لفشه كهرباء مالهاش 3/4 اللازمه والحمد لله غيرت فيش الكهرباء البايظه ومن ساعتها زى الفل والحمد لله
وبصراحه هى عربيه تمتاز انها شكلها حلو - كماليات - ثبات وربنا يبعد عنك عك الصنايعيه

المشاركة الأصلية كتبت بواسطة el gen2

ا. هشام .....
واضح ان كل عضو من الاعضاء المحترمين بيديك رأى عن تجربته الشخصيه و ربما ما راءه من حوله.
احب اقولك انى سمعت ان العربيه مشاكلها كتير و الكلام ده .... و لكن انا شخصيا معايا ميجان 2006 و عاملا 160,000 كم و ماشيا زى الفل .... صحيح دلوقتى قلقان منها شويه فى سفر طويل او حاجه بس زمان كنت اصحى الصبح تطلع فى دماغى اروح شارم على مره واحده من غير رست.
العربيه ممتازه ركوبه و ثبات و اوبشنز و اعتماديه (ايوه اعتماديه) ... المشاكل الطبيعيه بتاعه اى عربيه و الحاجات الى لازم بتتغير مع الوقت.
بصراحه من كتر ما سمعت الناس بتقول على العربيه بتاعه مشاكل حسيت ان العربيه بتاعتى هى الى "متفرده" ... فالله اعلم.
زى ما الزملاء كلهم قالو .... اكشف كويسسسسسس

ربنا يباركلك في عربيتك بس خللي بالك ان هو بيشتري مستعمل واحتمالية العك كبيره وعشان كده انا بقوله لو ناوي اكشف كويس وطبعا لو كانت العربيه حلوه هينبسط منها احلى انبساط بس ده لايمنع انها عربيه تخوف في السفر انا اتلطعت فوق ال 4 ساعات على طريق العالمين مستني ونش عشان الدينامو قرر فجأه انه يتحرق ومن غير اي مبرر